اشعل انتاجاته

اشعل انتاجاته

قال من عنى تعابيره وحث ابياته=ياسلام الله على اللي يستمع والقاري

كل شاعر له معاني تبرز ابداعاته=وكل معنى له من الابعاد نور اجباري

والذي ينشي جمال الحرف صعب سكاته=ينثر ابياته الى منه طراله طاري

سلهمي يا راية المجد المريع شتاته=وارتعي يا قمة العزالمشع الضاري

دام لك شاعر يسطر معظم انجازاته=من بنات افكاره يشاديبها ويماري

بس لحظه دام للحب العفيف اوقاته=ويش اقول لمن غدا قلبي لها مضماري

سادت الوجدان بالرمش الذي نظراته=يهزم جيوش المغول ويهزم التاتاري

راشني سهم اللواحظ واغرست حرباته=في صميم القلب وانا في هواها جاري

لو يبوح القلب وعروقي تجر اصواته=كان شب بسلك شرياني الشعاع الناري

بس ابا اكتم ما جرا واتحفظ ببسماته=لجل اداوي وحدتي واسامر السماري

خوف لا يدريبها العذال والشماته=ما حد ٍ يعرف غلاها غير ربي الباري

يوم ياتي ذكرها قلبي يغت اهاته=واجعل اني بين خلق الله ماني داري

هي منار الكون هي نجمه وهي مشكاته=نورها مصباح في جوف الزجاجه ساري

داوت القلب العطيب وزودت دقاته=وانذرت فالقلب عفتها بليا ذاري

قلبي اللي كل يوم تقابله صكاته=تنفصل دقات عمره والهوى به جاري

كون الابداع شعره واشعل انتاجاته=لين لامس فكر مستشعر وصمت القاري

المصدر: الملتقى الجماهيري للشاعر محمد بن فطيس المري

الله الله ...

ناصر ،،،

صح الله لسااانك ...

وبيض الله وجهك ...

ولاهنت .

الله الله يا ابو حسين شاعر لاياتي الا بما يروي الذائقه

صح الله السانك مدد بلا عدد

جزل ولاهي غريبه عليك النصوص الشامخه

دمت بخير

ماشاء الله مافيك حيله
صح لسانك
ابدعت اخي
فيما اوردت

تقبل مروري

صـــــــــــح لسانك يا ناصر

صح لسانك على الحضور المميز
والله لايهينك على الجزلة واهنيك على حبك العفيف
واستطرادك الاروع
دمت بخير

ناصر الشريف
الله الله عليك وصح الله السانك مبدع كالعاده ومو غريب عليك الابداع جزله من جزاله راعيها
ودي وتقديري

اقتباس المشاركة الأصلية كتبت بواسطة محمدالحربي الله الله ... ناصر ،،، صح الله لسااانك ... وبيض الله وجهك ... ولاهنت .

محمد الحربي صح بدنك

وبيض الله وجهك ولا هنت على المرور

تقبل تحياتي وخالص تقديري