كريم يابرقاً ومجاراة العبيريد لها

كريم يابرقاً ومجاراة العبيريد لها

بسم الله الرحمن الرحيم
اسعد الله اوقاتكم بكل خير

حقيقه دام هذا القسم صوت وصدى فإنا استفدت من كلمة صدى وطرحت امامكم مجاراة الشاعر خالد العبيريد لقصيده لي سبق وان نشرتها في المنتدى
حقيقه احتفظت بالقصيده ايام وتالي قلت من الظلم حجزها وهي ليس لملك لأحد فمن الأفضل ان يطلع عليها الجميع وذلك من جمالها حقيقه
اشكر الشاعر خالد العبيريد على المجاراه واقول صح الله لسانك

لا أطيل عليكم

قصيدتي

كريم يابرقاً سرى بأخر الليل=يم الديار اللي ذبحني غلاها
نسناسها شرقي وابسهولها سيل=لبى مراتعها ونسمة هواها
عسى الصحاري تبتهج عشب وأيضيل=نبتاً يرد اللي بوقته جفاها
وتشوف راع الذود من غيرها ايشيل=طاح الربيع وسلوة الروح جاها
لاهب نسناس الهوى نبته أيميل=خضراء ترد الروح والله كساها
تبري عليلاَ ذاق مر البهاذيل=يشقى ويسلى بالشقى من عناها
ماله جدا غير الشعر والمواوييل=وبنفسه لوازم عاجزاً ماقضاها
هذي هي الدنيا مقافي مقابيل=فيها كرم فيها بخل من عطاها
لاقلت جرحاً في فؤادي بدأ ايزيل=ردت علي نفساً تزايد بلاها
(( أم العيون الفاتنه والمضاليل=اللي مرضها يشتكي من دواها))
يانفس خليني طفح فيني الكيل=خلي خفوقاً راح واقفى وراها
اقفى واشوفه عاثراً بالمحابيل=مجروح يبكي هايماً في رجاها
(( ايوالله اني بالهواء طحت بالحيل=ونفسي صروف الوقت بين خفاها))

مجاراة الشاعر خالد العبيريد

هياف بالدنيا يشوف الغرابيل=له صرخت ٍ بأقصى الضماير صداها
جمع رياض الحب مع نافل الجيل=مثل الروايه عند منهو رواها
من هيض مدري غيض جاب التماثيل=وحرك شقى روح ٍ تزايد شقاها
اخذت منهاجه ولالي محاصيل=غير المعاني جاذبتني غناها
في عرض دنيا ً بالعواقب زرافيل=لوعاتها مر ٍ يلوث حلاها
احد ٍ لياليها لحظه مباهيل=واحد ٍ يصارع فاليالي غثاها
واحد ٍ يقابلها بضحكه وتبجيل=نفسه تساوا غيضها مع رضاها
ندري ونعلم بالخلايق موازيل=والباقي الله عالم ٍ منتهاها
وان كان قلبك فالهوى صابه الويل=اشره على رجل ٍ قصيره خطاها
هذى الهوى محد ٍ لقابه مناويل=كم عاشق ٍ روحه غرامه كواها
لاباس مع لاباس وابشر بتسهيل=كل الظروف العوج عقب محناها
لو كان ماتشكي علي المواويل=مير الولع فالروح عقبك لواها
مثلك نفك اله دروب ٍ مقافيل=بالجاه والا المال ندرك مداها
وان كانها بمواجه الجيش والخيل=لاعاش رجل ٍ كلمته ماحماها
من محزمي قوم ٍ تنول المواصيل=افعالها ركب الزمن مامحاها

وسلامة الجميع

المصدر: الملتقى الجماهيري للشاعر محمد بن فطيس المري

الله اكبر الله اكبر

صح لسانك ياهياف وقصيدتك قد سبق وقريتها واعجبتني كثيييييير

وصح لسان شاعرنا المبدع خالد مجاراه ولا اروع من شاعر عهدنا عنه الجزاله والشعر الثمين

بيض الله وجهك ياهياف وبيض الله وجهك ياخالد تقول وتطول الفزعه يالذيب

ماله جدا غيـر الشعـر والمواوييـل وبنفسـه لـوازم عاجـزاً ماقضاهـا
هـذي هـي الدنيـا مقافـي مقابيـل فيها كرم فيهـا بخـل مـن عطاهـا

ابداع وصح لسانك

انا اشهد انها الدنيا مقافي مقابيل

والله يكفينا شرها

لاهنت

(( ايوالله اني بالهواء طحت بالحيـل ونفسي صروف الوقت بين خفاهـا))

ـــــــ

هذى الهوى محـد ٍ لقابـه مناويـل كم عاشق ٍ روحـه غرامـه كواهـا
لاباس مع لاباس وابشـر بتسهيـل كل الظروف العوج عقـب محناهـا
لو كان ماتشكـي علـي المواويـل مير الولع فالـروح عقبـك لواهـا

يّ حيييياك يا السبيعي .. وزين انك فكيت عن الابيات الظلم وسمعتنا بذا الصبح اروووووع مجاراة
لاهنتوا نص راقي ويهيض وصححححح الله السنتكم وتقيييم لجمال الابيات ..

أبداع من الشاعرين وحضور ممميز
مافيكم حيله لاهنتوا

صحت الالسنه وتعافت الابدنه ابدعا منقطع النظير