أشكي عليك الحب ياأمير وين انــــــت

أشكي عليك الحب ياأمير وين انــــــت

هذه قصيده من محمد بن عبيد الهويل المقاطي في الامير عمر بن فارس أبا العلاء والقصيده تعبر عن نفسها

سلام يامن بالرجوله تمكنــــت من ساس بيت جامع للشجاعـه
ياتربية شيخ على نهجه أتقنـت أتقنت سيرة منهجه وأنطباعــــة
شيخ ليا منـي لفعله تمعنـــــــت شيخ مداه بعيد مع طول باعـه
شيخ ليا منك زبنته تحصنـــت زبن الدخيل وريف كل الجماعه
ماأحصى مزايا طيباته ولو كنت مرافقه من نشوته من رضاعــه
مرحوم ياشيخ تعليت وأعلنــــت كل المراجل معلنه في طباعـــه
ولطالب المعروف ماقلت ويش انت تحتاجها يوم الحشر والشفاعـــــــه
في جنة الفردوس جعلك توطنــــت تدوم لك دايم بدون إنقطاعــــــــــه
ويخدمك زينات ومعهن تزينــــــت بيض يشادن البدر في سطاعـــــــــه
بالفاكهه ياتين والهن تطمنــــــــت مع لحم طير فيه كل النفــاعــــــــه
الله بالحسنى يثيبك كما أحسنـــــــــت ومع الدعاء نرفع كفوف الضراعـــــه
والله مانــافقت فيها ولا خنــــــــــــت وباقي علينــــا من خقوقه وداعــــــــه
وأنته ياأبو صالح عوضنا ولا هنـــت فلي علينا كــــان ضــافي شراعــــــه
نهجت منهاجه ولاعنه هـوٌنـــــــــــــت بالمرجله والمعرفـــــــه والبراعــــــــــــه
وهذا يفرح صديقك ليا بنـــــــــــــــت في رأس مرقــــاب طويل ارتفــــــاعــه
ياأمير لامنك لوضعي تفطنــــــــــــــــت عساك تأمر والك سمـــــع وطمـــــاعــــه
وأنته ليا اشتد أمرها مالها الا انـــت حيت إن عندك مقدرة واستطاعــــــــــــه
أشكي عليك الحب ياأمير وين انــــــت الحب في قلب المولـــــــــــــع ولاعــــه
حب مكن مني ونابه تمكنـــــــــــــت إبيك تفزع وأنت راع الفزاعــــــــــــــه
عشر أنوقات من هواها تجننـــــــــــت مكتوب وإلا ما وراها طماعــــــــــــــــه
أحبها حبه عشيق عشـــــــــق بــــــنت تمزح معه حتى توسد إذراعــــــــــــــــه
قالو لي اطلع يوم الاثنين وأذعنــــــت قلت الطلوع يتم في نصف ســاعــــــــه
وأنا منفذ لامركم مــــــــــــــاتهاونــــــت وليا قنع غيري عليٌ القنــــــــــــاعـــــــه
وإن جت سموحة مع طرفها توسنــــت عسى جنابك مايضيق إتســــــــــــــــــاعــه
وصلوا على اللي من دروسه تــــلقـــنت نبينا اللي نجتهد في إتبــــــــــــــاعــــــــــه







صح لسااانه



منقووول

المصدر: الملتقى الجماهيري للشاعر محمد بن فطيس المري

شيخه بنت شيخ صباح الخيرر وللمعلوميه هذا القسم للقصائد من كتابة الاعضاء انفسهم

وهناك قسم خاص بالمنقول

ولاكن كانت فرصه راااائعه ان اقراء هذه القصيده العملاقه مابين عمالقه بشاعريتهم وتاريخهم

كل الشكرررررر لك اختي على اختيارك الجزل والمميز ودمتي على هذا التالق والابدااااع

يعطيك العافيه




شكرا علي التوضيح