ربي صابه

ربي صابه

المعذره على الانقطاع .. إليكم

قولوا لمحبوبي يجهز نفسه=تحقيق شامل يقتضي بعقابه
يا اما نقرر بالعقوبه حبسه=والا يبرر ويش سب غيابه
فرقاه عن دولة خفوقي نكسه=واوضاعها في غيبته مرتابه
العز قولوا لي وش اللي عكسه ؟=آنا شربته يوم هج ركابه
لاحت على راسي حرارة شمسه=لكن وقتني من لظاه اهدابه
ايو الله آحبه وآتوق للّمسه=توق الإمام لفرضه بمحرابه
سبحان من هو زينه من غرسه=حتى دخل قلبي وزاد اعجابه
كنه ظبي واللي معه من جنسه=كنهم قرود مشرّده في غابه
سلسال حلقه يفتحر من لبسه=وده يغطي منكبه واعقابه
انا اشهد انه لا تغيّب كلسه=ياليتني من ديرته واقرابه
شفت الثلاثه في غيابه خمسه=وانا اللبيب بمنبره وخطابه
قولوا له انه لا يعود لدرسه=وإنه يراسل لو يغيب احبابه
وإن خلّته نفسه يغيّب خِلسه=لا والله إلا غير ربي صابه

المصدر: الملتقى الجماهيري للشاعر محمد بن فطيس المري

سبحان من هو زينه من غرسه=حتى دخل قلبـي وزاد اعجابـه

الله عليك نص فاخر وجميل جدا ً,,

امير الشريف حياك الله ياهلا ويامرحبا ,,

صح الله لساانك وصح قلبك وكلك ولاهنت على هذى الشامخه الجزله وبيض الله وجهك ,,

كل تقديري وشكري لك ودمت على هذى الابداع .

حياك الله ياامير الشريف صح السانك مليون على هذا النص الرائع
تحيتي لك

خالد .. صح بدنك والله لا يهينك .. مرورك روعه كشخصك تماما .. تحياتي لك يالغالي

بدر الشدادي .. صح بدنك والله لا يحرمني من ردودك .. لا هنت

..


ايو الله آحبـه وآتـوق للّمسـه**توق الإمام لفرضـه بمحرابـه

/


صح اللهـ لسآنك يَ أمير الشريف
رآقت لي الصورهـ الشع ـريهـ في هذآ البيت المقتبس


؛

صح بدنك ياحسن .. مرورك يعني لي الشي الكثير .. لا هنت

الله يا امير تغيب وتاتي بالجزيل

الذي يشفع للغياب دائما متالق

صح لسانك حتى ترضى
تحياتي وخالص تقديري لشخصك وقلمك

مشكور ياناصر على المديح .. وجودك شرف .. لا هنت