مراسلات طريفه

مراسلات طريفه

بسم الله الرحمن الرحيم
في يوم من الايام كنت انا والوالد الله يحفظه ويحفظ والدين كل مسلم متجهين للمزرعه واتصل بي اخوي الكبير قال جب معك علاج عندنا تيس وجعان ومريت الصيدليه البيطريه واخذت العلاج ولما وصلنا لقيناه ميت وقعدنا وسمرنا ومشى الوضع لين صلاة العشاء قال الشايب سجل عندك وبعد ماكمل رديت عليه ارتجاليه واتمنى تعجبكم

يقول ابوي


واتيسي الي مات قدم العلاجي////////////// اقفى نصيبي منه وانا اترجاه
اباه يغنيني عن اهل الدجاجي/////////// اطبخ جنوب التيس واكل شواياه
تيس يتيم ومالقاله معاجي///////////////// ابوه تيس ويرضعونه لبن شاه


رديت عليه الله يحفظه وقلت

واتيسي الي مات قدم العلاجي////////// ينعاه ابو فالح وانا الحين بنعاه
تيس ليا شفته يزيد ابتهاجي ///////////////واليوم واغبني ليا جيت غبناه
جمع الغنم ومراحههن والسياجي /////ماعاد ابي قربه وشوفه وطرياه
ومن عقب تيسي لو تكدر مزاجي////////// الله يساعدني على حر فرقاه


وسلامتكم

المصدر: الملتقى الجماهيري للشاعر محمد بن فطيس المري

غشام صح لسانكـ انت والوالد الله يحفضه لكـ يارب ويرزقكـ بره

غشام البراق
صحت الالسنه وتعافت الابدنه

هههههههههههههصح لسانك ولسان ابوك طريفه وجميله

صح لسانك انت والوالد
وابدعتوا

صحت ابدانكم جميعا والمكسب رضاكم واستحسانكم