اوعدتني واخلفت يابو مشاري ,,

اوعدتني واخلفت يابو مشاري ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله مساكم وصباحكم بكل خير وكل سرور ,,

فيه ابيات بيني وبين الغالي ابو مشاري مديرنا الفاضل وصراحه انصدمت بعد اكتشفت انه شاعر ولايشارك معنا وانا اقول له من هذى الباب ياليتك تجيب لنا من قصايدك والله جزل وعذب جدا ً لكن بخيل سامحني لقيت عليك درب خلني باخذ راحتي يبو مشاري ههههههههه ,,

انا عزمته وقال ابشر بجيك وصار بيني وبين وعد ثابت لكن صارت له ظروف تمنعه في المجي وانا والله اني اقدر الي يغيب وله عون في كل حال بالذات لاصار غالي وقلت بداعبه ببيت شعر واشوف وشو ردت فعله وارسل له هذى البيت ,,

اوعدتني واخلفت يابو مشاري=وهاذي تراها للمنافق طبيعه

ولكم رده وانتم احكمو على شاعريته انا اكتفي بقناعتي وسامحني يابو مشاري كان جات بخاطرك .

مالمت لو انك عن الحال داري=ولاغبت لو عندي دروب ٍ وسيعه
والا انت دايم للمواجيب ضاري=ولا لاقت الا المنزلتك الرفيعه
انا ترا عامين ماجيت داري=قادتني ظروف الليال الشنيعه
احث رجلي في دجى الليل ساري=ماهو طرب لكن صارت وليعه
همي على قلبي يشد الحصاري=وحطم هواجيس ٍ تبا له خليعه
يشعل مشاهيبه بليل ونهاري=وصارت مياسميه بصدري صنيعه
كله سبب منهو خذا فأعتباري=وانا اؤمن انه مايحب الخديعه
ذاري على قلبي من الهم ذاري=ماشفت وجهه والسبب مايذيعه
هو دون زله قد فداه اعتذاري=وانا عنه معرف دروب الهزيعه
هذاه موجز والفواء في مساري=مدام كفك بالمكارم سريعه
والوعد باقي ولازال ساري=والقرم مثلك لاحشى مانبيعه

وسلامة نواظركم وقلوبكم ,, ابو مشااري .

المصدر: الملتقى الجماهيري للشاعر محمد بن فطيس المري

مبدددددددددع يابو مشاري قصيدة رائععععععععععه وجزله صح لسانكـ واعتلى شانكـ اشهد بالله انك شاعر

يشعل مشاهيبه بليل ونهـــــــــاري

وصارت مياسميه بصدري صنيعه

^^
رووووووووووووووووووعه

صح لسانك اخوي خالد وصح لسان اخوي ابو مشاري

كلكم شعراء جزلين ومبدعين

( ماشاء الله )


تقبلوا مني ازكى تحياتي

ابو عبد الرحمن

خالد والله العظيم من زمان اتمنى اقرأ له
لاني بشوف هو شاعر او لا
احسن زين ماسويت كفو والله
وصح لسانك وصح لسانه ابو مشاري
بيت منك وابيات منه والله تكفي عن كل القصائد
ماقصرتوو ... الله يحفظكم يارب

ولا اوصيك خالد جيب لنا وحده ثانيه

ماشاء الله ,,
مديرنا موهبه لم تستغل
خالد لآهنت اخوي من مده لمده حاول تبتزه وتجيب لنا من قصيده

صح لسانك ابومشاري ..

صح السانك يابوسهيل مليون على البيت الجزل وصح السان ابو مشاري مليون على الرد الجزل
وبيض الله وجيهكم ولاهنتو يالنشامى
تحيتي لكما

يطري علي طاري وطاري وطاري
اليا قريت ابيات راع الطليعه

اخوي العزيز خالد العبيريد,, صح لسانك ولاهنت أخوي

صح لسان ابو مشاري

ابيات جميله

لاهنت ياخالد

يا هلا يا خالد وصح السانك بيت شعله
وابو مشاري شاعر وجزل
لاهنتوا

لاهنت خيي خالد ولاهان ابو مشاري تقديري للجميع