نهايات السفر يوم التقينا والقلوب اشباه؛؛مطلوبه

نهايات السفر يوم التقينا والقلوب اشباه؛؛مطلوبه

السلام عليكم ورحمة الله وبركاته
قصيدة قديمة ومطلوبة من الشاعر خالد العبيريد
سبق ان قد نشرتها من قبل

نهايات السفر يوم ألتقينا والقلوب أشباه
تشابهنا في كل أطباعنا حتى بدمعتنا

لقينا بعضنا نصفين يميزنا النفس مجراه
زفير وشهقة ٍ كانت دواعي سرّ جمعتنا

وتخالفنا عن حروف الشفاة ونبضنا يقراه
كلام ٍ تعجز الدنيا تترجم ما بجعبتنا

ونظرات العيون إللي خذتنا في زمان أتلاه
سنين ٍ مضمحلة بس عشناها بنظرتنا

وتعايشنا مع الواقع ودسنا كلما يطغاه
من هموم الحياة إللي هزمناها ببسمتنا

وذقنا من مرير العيش ما يجعل لذيذ أحلاه
إذا ذقنا الفرح ساعة وخالطنا برعشتنا

وعطينا للحياة أبعد معاني وللعطا معناه
وزرعنا للوفا روحين تحيانا إذا متنا

وملكنا عالم ٍحنا فضاءه والنجم يزهاه
ورحلنا في ملاكوته إلى مالا نهايتنا

وتجلينا فـ/غاية حلمنا ودروبنا تنخاه
عسى ما تخطي الخطوة ولا يصغر بعثرتنا

وخضبنا كفوفنا وتشابكت آمالنا يا الله
تتمّم رحلة الغاية على دربك وفرحتنا

نهار يظلنا عرشك من سموم اللظا صلواه
يذوب الصلب من حره ونعرف قدر جنتنا

ونسينا غرة الدنيا وتقنا في كفوف الجاه
وذكرنا مطمع الغاية إذا فزنا بدعوتنا

عسى ربي يجازينا بعفوه والرضا برضاه
وعسى روحين في حبه تلاقت وسط دنيتنا

يلاقيها نهار الحشر مجتمعه سوا وأشباه
ويميزها عن الباقي بدمعتنا وضحكتنا

سلامتكم وسلامة نواظركم
عامر صالح ال شنيف

المصدر: الملتقى الجماهيري للشاعر محمد بن فطيس المري

صح لسانك

قصيده رائعه

يعطيك العافييه

عسى ربي يجازينا بعفوه والرضا برضاه
وعسى روحين في حبه تلاقت وسط دنيتنا

يلاقيها نهار الحشر مجتمعه سوا وأشباه
ويميزها عن الباقي بدمعتنا وضحكتنا


ياشيب راسي يابو صالح ابيات لها رونق خاص جدا ً وأحساس عذب ماشاء الله تبارك الله ,,

وعليكم السلام ورحمة الله وبركاته ,,

ياهلا ويامرحبابك والله يبيض وجهك وافي يالغالي ,,

صح الله لساانك وصح قلبك وكلك ولاهنت يالجزل مبدع وراعي علم طيب ,,

كل تقديري وشكري لك وخالص تحياتي ولاتحرمنا من الجديد .

عامــــــــــر صح لسانكـ يعني لازم يطلب خالد عشان تنزل شعركـ <اجل خالد لاتقصر فيه ههههههههه <عوافي وصح لسانكـ واعتلى شانكـ وبيض الله وجهكـ ولاهنت

عامر صالح ال شنيف
آخي القدير كلماتك تناثرت ك قطرات المطرمن غيمة بيضاء
حروفك لها رونق وبريق ورقي ومشاعر من قلب صادق
شامخ هنا تصويرك سلمت انامل تكتب لنا هكذا ابداع
ويستاهل الشاعر العبيريد تقيم لسموك يعطيك ربي ماتمني

مدري أردّ على القصيده هذي
ولّا إلّا في التوقيييع
مجرّد أنّي أقرأ اسمك يا عامر
أجد نفسي أقرأ اسم يعانق صمتي كثيراً
شكراً لقلبك الطاهر على كلّ بوحك

أخوك
عبد العزيز

روابي
يا هلا وغلا وتسلمين والله لا يهينك

هلا هلا يا خالد
حياااك الله ي االغااالي ولاهنت وصح الله ابدنك وما عليك زوود ووجهك ابيض يا الغاالي
لاهنت

يا هلا بفرح
وتسلمين ولاهنت وصح الله ابدنك وابشروا كلكم بالقصيد لكن بظروفها
لا خلا ولا عدم

الفلوه
يا مرحبا فيك والله يبيض وجهك على هذا الرد المبهج
وتسلمين وصح الله بدنك والله يطول بعمرك على الطاعة
اصدق التحايا