ابيات طريفه

ابيات طريفه

ابيات طريفه اعجبتني وحبيت انقلها لكم
وانشالله تعجبكم

حــتــى وردنـي تالـي الـليـل جــوال

وانا على شاهي وبسكـوت ديمـة

الرقم بايخ لكـن الــصــوت قــتـال

كنــه مثل صـوت المذيعـة حليمـة

قــالت مساء الخير يـا طيّـب الفـال

قـلـت ارحــبـي تــرحيبـةٍ مستديمـة

بـالـعــود والصفـري ودلـة وفنجـال

واجـبـك يا بنت الأصـول الكريمـة

وردت بضحكة ثم قالت وش الحـال؟

قلت اشهد إن الحال عقبك سقيمـة

قالت وهي تضحك بعد مثل الأطفال

وانـــا بـعـــد كــنــي بــدونـك يتيمـة

مـــن يـوم قـالـتهـا تزلزلـت زلـزال

مــن فجعتي كنـي مسـوي جريمـة

قلت ارفعي صوتك ترى مابه ارسال

كـــذاب لــكـنّ المصيبـة عظيمـة

قالت أقول اسمع ترى هرجنـا طـال

مــمكـن تصاحبنـي ترانـي وسيمـة

واسمي الحقيقي أول حروفـه الـدال

لــكـــن يسمّونـي البنـات الزعيمـة

صحيح أحب الفخفخة واعشق المال

لكـن ترانـي طــاهــرة مستقيـمـة

ما عندي امغازل ولا( لعب جهّـال )

ما عندي إلا في الشرف والحشيمـة

بس الصراحة قلبي لشوفتـك مـال

واصبحت وحدك جالسٍ في صميمه

فكّر بعقلك واترك القيـل والقـال

واحذر تطيع اهل العقـول العقيمـة

وارسل علي الحين خمسميـة ريـال

أشحن بهـا جـوال أختـي غنيمـة

أو طقم غالي فيه خاتـم وسلسـال

أروح بـه فـي عـرس ولاّ عزيمـة

قلت الحقيقة مانيب رجـل أعمـال

ولانـي بتاجـر والمـوارد عديـمـة

أنا الصراحة شبـه عطّـال بطّـال

وعلاقتـي بالفــقـــر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمـة

قالت تحمّل بـس والحمـل ينشـال

خلك شديد الباس صلـب العزيمـة

ياخي تصرّف جعلك اتصيـر نشّـال

أهـــــم شــي إن النوايـا سليـمـة

لابــد تـفـهمني علـى كـل الأحـوال

ما دمت من أهل العقـول الفهيمـة

قلت إيه والله فاهم اللي على البـال

لــكــن تــرى هـذي علينـا قديمـة

يــا بـنت هـذا صايـر اليـوم مـوال

للي تبي تلعب علـى ابـن اللئيمـة

يا بـنــت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـة

والبنت لا اقتفى عرضها بيد الأنـذال

والله مــا يــبـقـى لهـا أي قيـمـة

قالت تبي ولاّ فـ خـلّك علـى جـال

مهوب ناقصـني نصايـح حكيمـة

عز الله إنك للأسف منـت رجّـال

وانك قليل الذوق ما فيـك شيمـة

يا لعنبو اللي مـا يسطّـرك بنعـال

حــتـى يـعـلمـك الغـزل يـا بهيمـة

( تفو ) عليك وصكّت الخط في الحال

مدري ( تفو ) هي مدح ولاّ شتيمـة

المصدر: الملتقى الجماهيري للشاعر محمد بن فطيس المري

ههههههههههههههههه رووووووووووووعه ولد نجد لاهنت على النقل الرئع
+++++++تقيييييم لك

مشكور على هذا النقل
الاكثر من مميز

شاااعر ذكي جابها عن طريق الطاارفه
واضحكتني حييل ههههههههههههه
صح الله السان قايلها وصحت ايدين ناقلها

اقتباس:
المشاركة الأصلية كتبت بواسطة روعة الاحساس [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ههههههههههههههههه رووووووووووووعه ولد نجد لاهنت على النقل الرئع
+++++++تقيييييم لك

يسلمك ربي روعة الاحساس
تحياتي وتقديري

اقتباس:
المشاركة الأصلية كتبت بواسطة عبدالله السفياني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مشكور على هذا النقل
الاكثر من مميز

عبدالله اسعدني مرورك
ودي وتقديري

اقتباس:
المشاركة الأصلية كتبت بواسطة عامر صالح ال شنيف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
شاااعر ذكي جابها عن طريق الطاارفه
واضحكتني حييل ههههههههههههه
صح الله السان قايلها وصحت ايدين ناقلها

عامر اسعدني وانار متصفحي مرورك
تحاياي

مدري ( تفو ) هي مدح ولاّ شتيمـة
هههههههههههههه جميله ياخي جميله
تسلم

اقتباس:
المشاركة الأصلية كتبت بواسطة مشاري القحطاني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مدري ( تفو ) هي مدح ولاّ شتيمـة
هههههههههههههه جميله ياخي جميله
تسلم

الاجمل مرورك اخوي
ودي واحترامي