الشباب اللي خلوا الابل وترخوا عنها

الشباب اللي خلوا الابل وترخوا عنها

هذي للمرحوم ناصر بن علي العمره المري ومناسبتها في منتصف الثمانينات ميلادي تراخو هل البل عنها وخاصه الشباب واللي بيعها فقال الابيات التاليه:


عرب الحنازيب تنخا كل ديقاني @@@ تشكي عليهم من الحقران والسيبه

حطو لها وايت(ن) وشراع سوداني @@@ وياحيف صبي(ن)نياقه عندها شيبه

تكفون جازو هل المعروف بحساني @@@ معروفها سابق(ن)ما ينجحد طيبه

البل كما الطيب اللي جاله اعلاني @@@ لاكبر سنه ربوعه قدّرو شيبه

تكفون يالابتي ذربين الايماني @@@ البل هي العز وهي الكار والهيبه

مادام عند الربوع قطاع ذيداني @@@ فالاسم تحييه وتودّيه وتجيبه

البل عطايا الولي زينات الالواني @@@ من ضمها ضمته والناس تدريبه

تبعده من ديرة الخبلان والشاني @@@ ومن عز نفسه غداله فالعرب هيبه

ومن كثر ماله غدو الاجناب خلاّني @@@ ومن قل ماله حصل منهو ذكر عيبه

يوم المغازي ومدح فلان وفلاني @@@ هذاك يعرف ردا الرجال من طيبه

واليوم انا بذكر الله عالي الشاني @@@ اليوم قدهو ردا الرجال من جيبه

المصدر: الملتقى الجماهيري للشاعر محمد بن فطيس المري

ياسلام ياسلام

قصيده رائعه وكلام في الصميم

تسلم يمينك على النقل

المرية بيض الله وجهك واهنيك على روح الاصالة التي تسكن بذاتك
تحيتي لك

إي والله البل عطايا الرحمن لبى سجة الخاطر عندها سمحات الوجيه
وان صدوا عنها بعض الشباب فمالنا مصد عن ورث جدودنا ..


لاهني يالمريه
عندي حواره طيبه ماخبرتي لها زبوون وابشري ترا سعيك محفوظ ههههههه

[quote=فزاع المرشدي;348032]ياسلام ياسلام

قصيده رائعه وكلام في الصميم

تسلم يمينك على النقل[/quot

تسلم
العفو هذا واجبي

اقتباس المشاركة الأصلية كتبت بواسطة بدر الشدادي المرية بيض الله وجهك واهنيك على روح الاصالة التي تسكن بذاتك تحيتي لك

وجهك ابيض
تسلم جعل عمرك طويل اخوي بدر ولاهنت على المرور

اقتباس المشاركة الأصلية كتبت بواسطة حمد الدوسري إي والله البل عطايا الرحمن لبى سجة الخاطر عندها سمحات الوجيه وان صدوا عنها بعض الشباب فمالنا مصد عن ورث جدودنا .. لاهني يالمريه عندي حواره طيبه ماخبرتي لها زبوون وابشري ترا سعيك محفوظ ههههههه

ههههههههه
لاحدن يقول ان مشترا البل خساره البل ذهب ويساق فيها قراطيس
تسلم اخوي حمد من طيب اصلك