البارحه منهو اللي شآغل (ن) بآلك ؟

البارحه منهو اللي شآغل (ن) بآلك ؟

ما همني الماضي الاسود الحالك
الوقت وقتي و أبي منك تعيشينه

البارحه منهو اللي شآغل (ن) بآلك ؟
منهو مكاني و أنا واقف تشوفينه ؟

منهو يلامس نحرك .. يشيل سلسالك ؟
كن القلاده بهآ شي (ن) تخبينه !!

خافي على إحساسي اللي ما بيرضى لك ..
خافي على عقل .. ضيعتي موازينه !

يومي سألتك من اللي ماخذ (ن) شآلك ؟
قلتِ : حكايه قديمه .. زينه و شينه

قلتِ : حبيبي .. و قلي كيف هو حالك ؟
طيب و مرتاح .. هذا اللي تحبينه

أسألك عن عطر في كفيك يحتالك
منهو بيتنفس مكانك لو تمرينه ؟

قلتِ : حبيبي .. تناسى ماله و مالك ؟
انا نسيته و عيني ما تبي عينه

قلتِ : حبيبي تراها اوهام عذالك
الحُب .. ميت ترى مابيني و بينه !

صدقت قولك .. و قلت : الطيب في فالك
و إنتي مكانك وسط قلبي تخبرينه
..

هو مر صدفه و انا اللي واقف قبالك
شفتك شهقتي .. قلت : إنتي تعرفينه !!

هو قال كلمه .. و أظنه جاي يسعى لك
هو قال حاجه .. و حاجه تسكن إيدينه

هو قال : أحبك .. و أنا واقف فما بالك
لا صرت غايب ، أحس إنك تضمينه !!

..

قولي لي : إنك تبينه روحي لحالك
قولي لي : إنك رغم قربي ، تحبينه !

أصعب من الحُب .. شي يحطم أمالك
و أصعب من الجرح . . من صآحبك سكينه

و أصعب من الليل .. ماضي مظلم و حالك
و أصعب من الكذب .. هو إنك تخونينه

صحيح .. أحبك و أحب الدرب لوصالك
لكن حسافه .. قسى بي الوقت ، من لينه !




***


للشاعر : خالد الكيادي



مما راق لي

المصدر: الملتقى الجماهيري للشاعر محمد بن فطيس المري

قولي لي : إنك تبينه روحي لحالك
قولي لي : إنك رغم قربي ، تحبينه !

أصعب من الحُب .. شي يحطم أمالك
و أصعب من الجرح . . من صآحبك سكينه

و أصعب من الليل .. ماضي مظلم و حالك
و أصعب من الكذب .. هو إنك تخونينه

صحيح .. أحبك و أحب الدرب لوصالك
لكن حسافه .. قسى بي الوقت ، من لينه !


أشهد انك ذويييييقه ياذالبنت انا أفداك على قولة اهل الجنوب ههه

صح لسان الشاعر وسلمت يمينك ياسحابة الاذواق الفريده

صح لسان الشاعر
وسلمت يمينك على الانتقاء الاكثر من رائع
تحاياي

‏ ذوق راقي

يعطيك العافيه اختي