بعــد الفقــر حطـت شريــحه وجوأآل

بعــد الفقــر حطـت شريــحه وجوأآل

بعد الفقر حطت شريحة و جوال
يسعد مسا جوالها و الشريحة...

كانت تجيني تشتكي قلة المال
و تصيح لا جا طاري الفقر صيحة ...

تقول أبويه دايم الدوم رحال
و أمي كبيرة سن دايم طريحة...

و أنت الوحيد اللي لك القلب ميال
دايم يصارحني و أنا له صريحة ...

طفلة و أنا معشوقها بين الأطفال
جريح حب و طاح له في جريحة...

كنا سوى نرسم على التربة آمال
و أحلام تقتلها الحياة الشحيحة ...

كم دمعة كانت على الخد تنهال
و إذا نزلت ضاقت علي الفسيحة ...

الله كم صرخة .. و همسة .. و موال
الله كم جادت علينا القريحة ...

الله كم بيت كتبناه يختال
و أقول أنا ضيدان و أنتي مليحة ...

نخيل لو ما فـ السماء برق و خيال
و نكذّب الأيام لو هي صحيحة ...

و تقول لا حطيت لك بشت و عقال
و سخر لك الرحمن عيشه مريحة ...

أخاف تتركني على عثرة الفال
للفقر و وجيه الحياة القبيحة ...

و حبيتها بين الخلايق و الأزوال
حب يطول الوقت محدٍ يزيحة ...

و سلمتها قلب تباريه الأهوال
و طاح الخفوق و طيحة القلب طيحة...

راحت و خلتني مع القيل و القال
شاعر صواديف الدهر تستبيحة ...

و دار الزمان و غير الحال بالحال
و جاها الزمان بكل ورده و شيحة...

فلة و خدامة و لكزس و جوال
و أنا عجزت ادفع رسوم الشريحة...




الشـــــاعر/ ضيـــدان بن قضعان

المصدر: الملتقى الجماهيري للشاعر محمد بن فطيس المري

فلة و خدامة و لكزس و جوال
و أنا عجزت ادفع رسوم الشريحة...
* * *
صح السـأإن ابو م ـنصور موب غريب ع ـليه الابداإع..
وتسلم يم ـنأإك ع نقلها..
تقبل مروري وتقديري..

اقتباس المشاركة الأصلية كتبت بواسطة البــراق فلة و خدامة و لكزس و جوال و أنا عجزت ادفع رسوم الشريحة... * * * صح السـأإن ابو م ـنصور موب غريب ع ـليه الابداإع.. وتسلم يم ـنأإك ع نقلها.. تقبل مروري وتقديري..

يسلـــم لي هالمـــرور

ماانحــرم هالتوااجــد

تحيتــي لكــم