احبك كثر ما قد صار احبك

احبك كثر ما قد صار احبك

احبك كثر ما قد صار احبك رغم ما قد صار
احبك كثر ما دنيا الزعل والصـد مهجـوره


احبك كثر ما تمطر بصدري من غلاك امطـار
احبك كثر ما صارت اراضي العشق ممطـوره


احبك كثر ما تفتـح شبابيـك الربيـع ازهـار
احبك كثر ما غنّت عشان الصبـح عصفـوره


احبك كثر ما تاقف على جنب الطريق اشجـار
احبك كثر ما يقسى الشتـا وتهاجـر طيـوره


احبك كثر ما ف الأرض بنتٍ تلفـت الأنظـار
احبك كثر ما يرتاح عطـر بصـدر مغـروره


احبك كثر ما جاب المساء فـي معطفـه زوار
احبك كثر مـا جانـا صبـاحٍ يشبهـك نـوره


احبك كثر ما تهدي كفوف الوصل مـن تذكـار
احبك كثر ما شالت يديـن العاشـق زهـوره


احبك كثر ما نقرا عن الفارس عـن المغـوار
احبك كثر ما نسمـع ولا شفنـا ولا اسطـوره


احبك كثر ما تلعـب بدنيـا العاشقيـن اقـدار
احبك كثر ما .. ذا الحظ دايم يعلـن قصـوره


احبك كثر ما عاثـت ريـاح بحسبـة البحـار
احبك كثر ما البحـار يعشـق نسمـة بحـوره


احبك كثر ما يتلحف اللي منشغـل باعـذار
احبك كثر ما ف الناس نـاس بجـد معـذوره


احبك كثر مـا ملّـت قصايدنـا مـن التكـرار
احبك كثر ما الشاعر تمنـى حـب جمهـوره


احبك كثر ما شفنا على وجـه الزمـان اثـار
احبك كثر ما في الأرض فقر وناس ميسـوره


احبك كثر ما نجهل متى توقف بنـا الأعمـار
احبك كثر ما قلنـا عـن الأحـوال مستـوره


احبك كثر مـا دارت بذهـن الحالميـن افكـار
احبك كثر ما في الخير ناس ب خير مذكـوره


احبك كثر ما نرمـي حكايـات الحطـب للنـار
احبك كثر ما نسمـع حكايـا حـب مشهـوره


احبك كثر ما ضاق السجيـن بلعنـة الأسـوار
احبك كثر ما هـاج البحـر واجتاحتـه ثـوره


احبك كثر ما ننسى واحبك كثـر مـا نحتـار
احبك كثر ما يسهر محب وفـي يـده صـوره


احبك كثر ما تقطع شفاتك ف العسـل مشـوار
احبك كثر ما خدك يخلـي الشمـس مبهـوره


احبك كثر ما روّج عليك الحسن مـن اخبـار
احبك كثر ما صدرك يـدوخ الـورد بعطـوره


احبك كثر ما في عينك من السحـر والأغـوار
احبك كثر ما فيك الغـلا مـا وفّـت سطـوره


احبك والزمن ساكن واحبـك لـو زمانـي دار
احبك يا مدينة حب وسـط الصـدر معمـوره


احبك والتفت شاعر لعينك و انطـرت اشعـار
حلف ما يمسي الليله قبل مـا يكتـب شعـوره


ورتبتك بصدري وانت تستاهـل وراعـي دار
تفضّل قلّـب اوراق الغـلا وايديـك مشكـوره


ذكرتك وانت لو مثلك ذكرتـه هلّـت الانـوار
وقمت اجمع من اشواقي قصايد عشق منثـوره


تلبّست الجمال وقلت ابهديـك القصيـد ازرار
غلاك وصدق حبك ما ترك لي نفس مكسـوره


انا عاشق جمال وما خفاني ف الجمال اسـرار
انا لامن كتبت اعطيك واعطي العشق بك دوره


كتبتك ف القصيد ابيات من حسنك عليك تغـار
حروف العشق طفله في ثياب العيد مسـروره


لقيتك والدلع والثقل ( شِلّه ) والحسـن ثرثـار
يقول اشيا كثيره للعيـون ويثبـت حضـوره


كفايه لو تطل ويفـرح اب طلّتـك دار وجـار
كفايه لو تشوف الناس في نظرتـك مأسـوره


غرامك يغري حروفٍ سقاها الصدق منك امطار
كتاباتـي بتشهـد للغـرام وتحفـظ عصـوره


احبك رغم ما قد صار .. احبك حيل مهما صار
احبك دام انا طيّب .. واراضي العشق ممطوره,,,,
منقول

المصدر: الملتقى الجماهيري للشاعر محمد بن فطيس المري

احبك كثر ما ف الأرض بنتٍ تلفـت الأنظـار
احبك كثر ما يرتاح عطـر بصـدر مغـروره
* * *
الريـــ~ــم .. صح السان شاع ــرها وتسلم يم ـنـآش ع نقلها..
ذؤؤق ف الاختيار .. تقبلي مروري ., وتقديري..

تسسسسسسسسسسسسلم
ولا عدمناك

احبك كثر ما ف الأرض بنتٍ تلفـت الأنظـار
احبك كثر ما يرتاح عطـر بصـدر مغـروره

الــريــم
صح لسااان شاعرها
تسلم هالايادي ع النقل
تحياااااااااااتي

صح لسان شاعرها
وتسلم يمينك يالغلا على هالإنتقاء الراائع

احبك كثر ما جاب المساء فـي معطفـه زوار
احبك كثر مـا جانـا صبـاحٍ يشبهـك نـوره


... الريم ...

يابعدي والله فديت هالذااائقه

نور القسم بحضور قلمك النابض عزيزتي

اسمحي لي بأن اسجل اعجابي بهذا القلم

استمتعت جدا بمروري هنا

تقبلي مروري المتواضع تحيه لك

احبك كثر ما نقرا عن الفارس عـن المغـوار
احبك كثر ما نسمـع ولا شفنـا ولا اسطـوره


ابدااع وماشاء الله نقله جمليه وفقتي فيه
الف شكر لك يالغلا
صح لنا ذوقك

احبك والزمن ساكن واحبـك لـو زمانـي دار
احبك يا مدينة حب وسـط الصـدر معمـوره
جدا"جميله
يسلمووو
احترااامي

قصيدة راائعة تحمل معاااني الحب الصادق
حب ممزووج بازااهر الوروود
سلمت غاااليتي وسلمت لنا ذاائقتكـ الراائعة
لروووحكـ عبق الياااسمين
تقبلي مرووري المتوااضع بين ثناياا حرفكـ الرااقي
ودي لكـ
*,’

ابيات رائعه صح لسان الشاعر ..وصح ذووووقك .


تحياتي .الهــــوى