حبيبتي تشرب علـى الريـق ببسـي

حبيبتي تشرب علـى الريـق ببسـي

حبيبتي تشرب علـى الريـق ببسـي
واليا تعشّت ماكلـت غيـر كتكـات
حبيبتي حطّت علـى العيـن ورْسـي
وماتلبس الا مـن جديـد الموديـلات
نحيفة(ن) عـن كـل عـذرا تنّسـي
في حسنهـا قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتـلـي بالطـويـلات
ياونتّـي ونّـات ســوّاق تكـسـي
زل النهار وماحصـل لـه ريـالات
والا مريض(ن) علّتـه شـي نفسـي
مافاد بـه كـي العـرب والقـراءات
لاشفتهـا كنّـي مصـاب(ن) بمسّـي
مثل المهبّـل قمـت اقطّـع إشـارات
وليا حكت كنّي من النـاس خرسـي
أطرش .. خرس .. لو دوّسنّه تريلات
فيها حلا الأسبان وعطـر الفرنسـي
وفيها دلـع لبنـان وعـز الإمـارات
حلوه مثل طعم الكـرز والجالكسـي
مخلوط بالسكّر معه خمـس تمـرات
لاقلت : شكراً ، قالت البنت : مرسي
بنت الأفندي ناظـرت لـي بغمـزات
يجلدني الاستـاذ لااهملـت درسـي
مايـدري أنـي واقـع(ن) بالبنيّـات
ابكي واقول ان البلا كـان ضرسـي
يااستـاذ تكفـى لاتنقّـص علامـات
انا وقعت اليوم مـن فـوق كرسـي
ولاحصل لي مـن حبيبـي زيـارات
قالت: أنا ليلى ، وبسمّيـك : قيسـي
عطني شعر واعطيك ضحكه وبسمات
قالت: تجي لابـوي ثـمّ(ن) تمسّـي
بس المهـر تاقـف عليّـا خفـارات!
قلت: اسمحي لي واعلنـي بـالmbc
تلقيـن غيـري يابنـيّـه حـثـالات
يشهد علـى ماقـول بيتـر وعبسـي
ونحّول ونامق بالرسـم والحراكـات
اليا حضرتوا يالربـع يـوم عرسـي
عانيّتـي منكـم كراتيـن كتـكـات
للامانه من منتديات هواكم

المصدر: الملتقى الجماهيري للشاعر محمد بن فطيس المري

الله على هذه القصيدة الجميلة جدا الله يعطيك العافية وما قصرت يالغالي
اشكرك على هذه القصيدة شاكر لك كثيرررررررررررررررر

اقتباس:
المشاركة الأصلية كتبت بواسطة مخاوي الدروووب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الله على هذه القصيدة الجميلة جدا الله يعطيك العافية وما قصرت يالغالي
اشكرك على هذه القصيدة شاكر لك كثيرررررررررررررررر




اسعدني وحضورك الرىع لاهنت اخوووي

ههههههههههههههه ي لبيه ي الكتكات

نص مختلف تمامآ ي آلروعة .. وربي يعافييتس يالغلا
واحلى تقييم لتس يآ أنيقة ..

ههههههههههههههههههه

صح لسانه وصح كلك ياروعه

نقل جمييييييييل

الارووع حضورك فراااشه يسلموووو غلاتي
فزاع تشرفت بتواجدك يالغالي يعطيك الف عافيه