طاري الشوق

طاري الشوق

هاذي الابيات من كلماتي..... ولد عروه

راحت وانا قلبي عليها من الشوق=طيرٍ بسهم الموت كسرو جناحه
لد بعيونه للولايف وهن فوق=رجواه يلحق مير ظل بمراحه
أقفن عنه جنحانهن تخفق خفوق=واعزتي له كان فالموت راحه
لوع حياتي بالجفا عز مخلوق=مالي عهد به غير نبره صياحه
غاب وهداني بال ما يعرف يروق=واركى على قلبي وجود جراحه
حتى الفرح من دنيتي شي مسروق=ما غيره اللي سارقه وبجاحه
شح بوصاله ضيع حقوق وحقوق=قلبي وحبي مير الأولى سماحه
جيش الحنين محوط القلب كالطوق=واحلى سنينه معي أقوى سلاحه
إحن له واشتاق وابكي و أنا الذوق=لعنه وفاء صابت قليبي صراحه
بذكرك ياروحي مع غروب وشروق=وشلون ينسى من على القلب راحه
خوفي ليامن غبت بيعيش محروق=يجلس يدورني ويفشل نجاحه
تبنا عن دروب الهوا ياهل الذوق=ما عاد له عندي مكان ومساحه

المصدر: الملتقى الجماهيري للشاعر محمد بن فطيس المري

صح السانك ياولد عروه وماظنتي عن هالدريب بنتوب يالنشمي

بذكرك ياروحي مع غروب وشروق
وشلون ينسى من على القلب راحه
تأكد من هالبيت

صح لسانك ولد عروة وبيض الله وجهك

ٍٍ صح لسانك ٍٍٍ

ٍٍابيات روعه ٍٍٍ

هلا ومرحبا ياولد عروه حياك الله ,,

صح الله لسااانك وصح قلبك وكلك ولاهنت ابيات وافيه وكافيه ودمت جززل ,,

تحياتي وكل تقديري لك.

ماشاء الله . صح لسانك ولد عروه
قصيده قمه فالجمال والله
نفس الاسلوب يذكرني بقصائد الشاعر ابو فراس العروي
كلكم شعراء مبدعين . . . الله يحفظكم يارب