ماأقل من سبع ابيات في هذى الموضوع ,,

الدمعه الي داخل العين فاحت=منها عروق العين صارت رمادا
والنفس من كثر الشقى مأستراحت=تجهز عليها من الطعون الجدادا
عزااه يادنياي قفت وراحت=اقفت ومعها درسي المستفادا
مدري ليال الخير للناس شاحت=والا البخت زاد البلاوي عنادا
والا ظنون الخلق تالي تلاحت=كل ٍ على ماقيل حايد حيادا
الله على هالوقت كان انتواحت=حرقى وفرقى في نهار العيادا
صبا ولاهي من عوالي نزاحت=ماقلتها لا أهل النفوس السعادا

صـح ابدنك يا خالد العبيريد وشكرا على الثناء

وانت صادق يا خالد انا ما اجتهد في ابياتي
ولاكن ابشر نفداك وانت رمز الجزاله ووشهادتك وسام
على صدري وان شاء الله نكون عند حسن الظن ،

ولك مني التقدير والاحترام

الله لا يهينك ياحمد وابد يكفي تواضعك الطيب ,,

الندى صار من فوق الغصون=والعيون اسهرني واشغلني
كل ماسبح الخاطر يهون=مع فجوج ٍ وساع ويطربني
يمة الشرق يلي تقدمون=علموا راعي العمله يغني
ضامري ماقوى ظرب الطعون=والعيون النواعس عذبني
ياحنون ٍ على غيري حنون=كيف سلم الهوى من غير فني
عيش في وقتك وحذرا تخون=الخيانه عذاب ٍ مرجهني
وان قويت الخبر حاول تصون=ماضي العهد من قبل التبني
أقطع البحر وإبحر بالظنون=البواخر معك مايسعفني
علق الحلم من فوق المتون=في مفارق جديلك وإمتحني
وأتبع الي على قلبك يمون=لك سراحك ولك معتوق ضني
الخلف صبر قلبي والحتون=دون غايه على نجر ٍ يدني

الصمت والتقدير كنز وقناعه=في ساعة ً حقي على كف يمناي
والي شرا حق النشاما وباعه=لاهو صديق ٍ لي ولاهو من اعداي
ياعين من غر السراب إتباعه=شي ٍ يعقب علمه الرايح الجاي
والبارق الي طال صافي شعاعه=مسراه عيا لايوافق لمسراي
بعض الحقايق مابها من طماعه=والا بعضها يسقي الضامي الماي
مثل الذي صاعه من البين صاعه=واثر السبب من قلة الحيل جزاي
ياصاحبي عطني كلام الوقاعه=رايي على رايك ليا بان لك راي
في منزلك مالي مصالح نزاعه=ياكود انا ضيفك على العز مبداي
وان كان رايك مايجوز إستماعه=الصمت قالوا من ذهب قبل الاقفاي

صـح السانك يا خالد العبيريد ومبدع ( شهادتي فيك مجروحه)

القلب من عقب التفرّاق مفجوج
والنار تصلى في فؤادي وقاده

ياصاحبي يلي يجافيك مرجوج
ياكيف يفقد شيخٍ وروس قاده

الصد مثل السيف فالقلب مخجوج
مدام ما يشناك عيب و نقاده

الحشر قرب و العرب جوج ما جوج
تنهش لحوم القوم خبث و حقاده

شفت الغلا من قلبك اليوم ممجوج
لاتحسبن خلك تنكد رقاده

موضوع جميل وفكرة رائعة

اسعدني ماقريته من الشعراء الافاضل الله يعطيهم العافية

ولي وقوف متكرر على مايستجد هنا ان شاءالله

ولا يامحمد ليلة البارح رقيب النو
الين العقارب قاربت من ثلاث وثلث

اخيل البروق السارية في علو الجو
لو ان ماني بشاوي ولاني براعي حرث

لحون الربابه هيّضت خاطر المرتاح
ولو راحته من غيـظ ماهي شفوفيه

رجاوي لراس المال مايرتجي الأرباح
تـرك هـم دنيا ن ما عليـها حسوفيه