يامدعي صدق العلاقه ،، سلامات !!

يامدعي صدق العلاقه ،، سلامات !!

السلام عليكم / مساكم الله بالخير جميعاً

تفضلوا هالمتواضعه ،، وافتحوا قلوبكم لها ،،

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


يامدعّي صدق العلاقه ، سلامات !!
الصدق في وادي ، وطبعك في وادي



ياسكة الآوهام ، ياكل الآهـــــات
يامتهمني بالخطا ، وانت بـــــــــادي



دايم يجي قبل المفارق علامــات
أما ثقل ، ولا جفا ، أو تمــــــــادي



هذي ثلاث أسباب لاسوأ نهايات
واول سبب ، كان السبب في بعادي



ياللي تغلى وأبعدتك المسافات
أن جيت عادي ، وان تغليت عادي



ضيعت نفسك في دروب المتاهات
عاندتني ، واللحين جرب عنادي



الجرح قصه ، والمفارق حكايات
والهم ذكرى ، والمواجع تنادي



ساعات أحس أنك تبيني ،، وساعات !
أحساسي إني تايه الفكر ، غادي



المشكله ، ماهي معك انت بالذات
المشكله ، في وقت ماهو حيادي



يطري علي أحيان ، وقت ٍ لنا فات
نور القمر ، والليل رايق ، وهادي



واذا ذكرت ان الوفاء فالزمن مات
ماعاد الومك يامضيع ودادي



ياللي ربطت المصلحه فالعلاقات
هذا مرادك ، بس ماهو مرادي



يامشتت أفكاري ، ياعشق البدايات
ان جيت عادي ،، وان تغليت عادي


وسلامتكم

المصدر: الملتقى الجماهيري للشاعر محمد بن فطيس المري

صح منطوقك ، ابيات في قمة الجمال أهنيك على الوصف الإعجازي

الله الله .. ما شاء الله عليك يا متعب

دايم يجي قبل المفارق علامــات
أما ثقل ، ولا جفا ، أو تمــــــــادي

هذي ثلاث أسباب لاسوأ نهايات
واول سبب ، كان السبب في بعادي

هذي بيتين .. من أروع ما قد يكتبه شاعر
لله درّك .. وصحّ الله لسانك تريليوناااااااات ولا تكفيك

شكراً على امتاعي بجزالتك

لك أغلى الحايا

صح السانك متعب نص جزل

اقتباس:
المشاركة الأصلية كتبت بواسطة شحيتان الشمري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح منطوقك ، ابيات في قمة الجمال أهنيك على الوصف الإعجازي




شحيتان الشمري /

صح بدنك ياغالي ،،

لاهنت وبيض الله وجهك

شهادتك أعتز فيها والله الشاهد ،،

ألف شكر ياغالي
،

اقتباس:
المشاركة الأصلية كتبت بواسطة h a b e e b [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الله الله .. ما شاء الله عليك يا متعب

دايم يجي قبل المفارق علامــات
أما ثقل ، ولا جفا ، أو تمــــــــادي

هذي ثلاث أسباب لاسوأ نهايات
واول سبب ، كان السبب في بعادي

هذي بيتين .. من أروع ما قد يكتبه شاعر
لله درّك .. وصحّ الله لسانك تريليوناااااااات ولا تكفيك

شكراً على امتاعي بجزالتك

لك أغلى الحايا



المبدع حبيب القرني /

صح بدنك ياكحيلان ،،

وماعليك زود ،،،

والله إن مرورك يسعدني ،، وشهاده من مبدع وجزل مثلك أعتبرها وسام وربي ،،

لاهنت وبيض الله وجهك ،،

،

اررررررحب يامتعب حياك الله يالجزل ,,

صح الله لساانك وصح قلبك وكلك ولاهنت ,,

واقسم بالله قصيدك قمه ولاعاد لي راي اقوله غير الله لايضررك ,,

كل التقدير وخالص المتابعه لك .

اقتباس:
المشاركة الأصلية كتبت بواسطة ابـونايف الروقي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح السانك متعب نص جزل


أبو نايف الروقي /

إرحب يابو نايف ، يالله حيه ، والحمدلله على السلامه ،،

صح بدنك ،،

شرفتني بحظورك الكريم ياقدير ،،

مرورك بحد ذاته فخر يابو نايف ،،

الله يبيض وجهك ،، لاهنت ،

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
اررررررحب يامتعب حياك الله يالجزل ,,

صح الله لساانك وصح قلبك وكلك ولاهنت ,,

واقسم بالله قصيدك قمه ولاعاد لي راي اقوله غير الله لايضررك ,,

كل التقدير وخالص المتابعه لك .




الغالي خالد العبيريد /

هلابك والله ،،

أبد وأنا أخوك ،،، أنا يكفيني بس مرورك ، حتى لو ماتحط رد ،،

مرورك بحد ذاته فخر ياكحيلان ،،،

وشهادتك ورب البيت إنها وسام على صدري ،،،،

صح بدنك ياغالي ،،

وبيض الله وجهك ،، لاهنت لاهنت ياخالد ،،
،
،

مررت من هنا فوجدت القوة في الكلمات والجمال في المفردات لشاعرنا متعب الثقيل لافض فوك يالعذب امتعنا
بجديدك ولاتحرمنا لاهنت اخوك موسى ابومشهور