عسى الله يرزقني من احضانه ابمولود

عسى الله يرزقني من احضانه ابمولود

بسم الله الرحمن الرحيم

هذي قصيده جديده اتمنى ان تحوز على رضاكم
وياليت بأخرها تقولون امين

على عاتب المشروه اسوق القدم واعود=واجدد كتاباتي والايام مطويه
عسى الله يجبر خاطراً عايشاً مقرود=يبيها على ذيه ولاجات له ذيه
اسافر على الذكرى وانا بينهم موجود=واجدد عهود الود والنيه النيه
على بحر جده كني اللي عليه اقيود=يحاكي تقاسيم البحر من بلاويه
جلست انظر الساعه عسى ليلي المعهود=يبادر لي بفرحه تجيب السعد ليه
احاكي نسيم الليل والمسلمين ارقود=الايابحر جيتك وشوف الشقى فيه
والايابحر حالي براء مثل بري العود=براه الزمن والحب والضيم والكيه
عسى من بلاني في غرامه وانا مضهود=يجيبه لي الله والمواقيف مقفيه
خذاني بدرباً مقفياً بابه المسدود=يصور مفاهيم الحياه الطبيعيه
بخل بالوصل ولا الهجر مدته بالجود=وكسر خافقي ليت الصواديف منهيه
جبرني اسوق اقدام رجلي بليا فود=على سكة اعتاب الهواجيس عصريه
عشقته وانا خابره مايجني المنقود=غراماً نزيهاً مابه احروف نصيه
اكحل عيوني من سنه والزمان ايعود=ولكن هالصدفه على القلب مبليه
صحيح الرجل صامد ولايشكي امن الكود=لكن المحبه جابت الرجل لبنيه
ولا يابحر حزني على خافقي مردود=ولايعشقك كود القلوب الهواويه
حبيبي حروفه نظرتي والقوافي اود=اجمع له اعيوني والاحوال مبريه
عسى الله يرزقني من احضانه ابمولود=على سنة الله والعلاقات وديه

هياف السبيعي

المصدر: الملتقى الجماهيري للشاعر محمد بن فطيس المري

يامرحبا يابو حزمي حياك الله والله يرزقك ويرزق غيرك ,,

صح الله لساانك وصح قلبك وكلك ولاهنت شاعر جزل وتخبر شهادتي فيك مجروحه,,

كل التقدير والشكر لك ووافر الاحترام وانتظر المزيد ياغالي .

الله اكبر .. ما هذا البذخ في الجزالة ؟!!

صح الله لسانك .. وآآآآآمييييييييين

الله الله الله الله انحدارشلال من الابداع والرقه والطراوة والحلاوة والاتقان الفني والروعه والجزاله
اعجز في الحديث والتحدث عن هذه العروسه الجميله من نبض الكلمات الراقيه في انسياقها
اخوك موسى ابومشهورالصايغ

صح السانك والله يرزقك نص عذب

الله يبيض وجيهكم ويعطيكم الف عافيه وصحة ابدانكم والله لايهينكم

مشكووورين

بالرغم قد رديت بس مدري وين راح ردي