ياوجودي والتوجاد مافاد الفقير

ياوجودي والتوجاد مافاد الفقير

السلام عليكم ورحمة الله وبركاته

مساء الخير جميعا
وكيف الحال عساكم بخير وعلى احسن حال
السموحه على الانقطاع وذالك لظروف خارجه عن السيطره
ويعلم الله انكم على البال وسامحوني على قلة تواجدي وسامحوني على القصور
حبيت اشارك كاول مشاركه لي بعد هالفتره اللي قل تواجدي فيها واتمنى ان تنال على رضاكم

يقول:

ياوجودي والتوجاد مايغني الفقير===ولو توجد باقي العمر ماشاف الغناه

وجد عود(ن) يطلب الله فالثلث الاخير===يرجع ابنه دام عاده على قيد الحياه

من سبايب من بلاني وانا توي صغير===مابعد شافت عيوني شبيهه في حلاه

ان نشدته عن ظروفه يقول انا بخير===اتوقى بالستر واتمنى بالغناه

وان طلبته وصل كني على روحه مغير===مالقينا من اعذاره طريق ولا اتجاه

حفيت اقدامي لــ لاماه من كثر المسير===وهو اعذاره مشغلتني مشاغيل الحياه

مرت الدنيا كذا ياعسى المقسوم خير===هو يشح الوصل وانا اتمنى من عطاه

راح عمر الهقاوي وقدني ذا كبير===ولاملكت الا التحيه وداعة من لقاه


ســـــــــــــــــــــــــوالم

المصدر: الملتقى الجماهيري للشاعر محمد بن فطيس المري

وان طلبته وصل كني على روحه مغير

ههههههههههههههههه

يالله عونك ..
صح الله لسانك يالجزل

مرحبا ومسهلا
جعلها ضحكت ن دايمه
وصح الله بدنك

الشاعر شامان المري

صح السانك مدد بلا عدد


أبيات جزله من شاعر جزل


تقبل تقييمي وخالص ردي

ويلاه ويلاه من التوجاد في هالابيات النقيه الرائعه جعل تلقا مابغيت يالمري

صح السانك شامان قصيدة جزلة وتشفع عن غيابك
تحتي لك يامبدع

مرحبا بكم جميعا
واسعدني مروركم
ولاهنتوا جميعا