للحين ذكراك العزيزة على البال

للحين ذكراك العزيزة على البال

وين أنت يا أول حلم ما عاد ينطال
اقفيت بين الثانية والدقايق
لو كان عندي حيلةٍ فيك واحتال
ما عاقني من سود الأيام عايق
طاريك لامن مرني وانكسر حال
اقول رايق .. مير ماني برايق
سريت لك برد الشتا وأشهب اللال
وأتعبت نفسي لك طرايق .. طرايق
الحب قصه .. والعشاشيق الأبطال
وإخراجها بيدين رب الخلايق
أقول طايق غيبتك عند الانذال
وأنا قسم بالله ماني بطايق
لكن أخاف ان قلت لك مدمعي سال
يقال عني يالضعيف الموايق
والا أنت خابرني على الضيق رجال
سنايدك يوم العلايق .. علايق
ماني بقايل شي ما هو بينقال
لكن على الله يالصدور الغلايق
هذي سنه والحال ما عادت الحال
حتى الفرح ما هو على الوجه لايق
للحين ذكراك العزيزه على البال
في كل يوم اتمرني وأتضايق

المصدر: الملتقى الجماهيري للشاعر محمد بن فطيس المري

تذكار الغلا تسلمين ولاهنتي

قصيده رائعه كل ما تقدمينه

جميل ورائع اشكرك تقبلي مروري .

قصيدة تقطّع القلب ..

صحّ الله لسان قائلها .. ويسلم كفٍ نقلها

شكرا لمروركم الرائع
ماننحرم