الصمت دكتور الضلوع الجريحه

الصمت دكتور الضلوع الجريحه

بسم الله الرحمن الرحيم
هذا نص جديد اتمنى ان يحوز على رضاكم

يقول ابن حزمي بعدشافها غير=الوقت مايصفي وخذها نصيحه
لاصار مال الهرج قيمه وتأثير=الصمت دكتور الضلوع الجريحه
مال العتب مخرج على سكة السير=ولا للنوايا باب غير المديحه
هم الزمان ايحوم مع حومة الطير=وياكم صاد امن الخلايق ذبيحه
والعلم ماهو عيب لاسمعه اكبير=دامه جهل معنى الحسن والقبيحه
والشر لوهو شر لاواجه الخير=يعلن نهاية موتته في ضريحه
ياهمي اللي كنه اطويق والنير=قلبي ولو طالت صعيباً مطيحه
لاضقت ولادجت في حزة اعصير=ماهو بضعف من النفوس الشبيحه
لاوالله الا الصد من هرجة اصغير=وابدل الواقع ابشوف الفسيحه
دنياً تجول وهم أهلها دنانير=تقبل وتقفي والشقي ماتريحه
كنها على العاقل جيوشاً غوافير=ولا الردي ذا طبعها ماتزيحه
الرجل ماهو يفتح اللنفسه الكير=يحسب حساب المقبلات الشحيحه
قد تاقع الجره على حافر البير=ويرضى الكذوب اثبات قول الصحيحه
واللي حدر مايعشق الا الحوادير=ماله على العلياء شفاه وقريحه
ولا الحقيقه تكسر الشك تكسير=من فرسة السرحان ولا النطيحه
ماعاد باقي شيء يحتاج تصوير=كل الامور اليوم صارت وضيحه
الرجل رجلاً لوحظوظه مدابير=ولا الهبيل ايموت مثل النبيحه

اخوكم هياف السبيعي

المصدر: الملتقى الجماهيري للشاعر محمد بن فطيس المري

ارحب ياهياف حياك الله ,,

ذكرتي بيت لخلف هذال يقول ,,

دنـيـاً تـمـوج ولا رسمـنـا لـهـا اهـــداف=يـامــا تحـتـهـا مـــن فـعـلــون قـبـيـحـه,,


والله ونعم يابن حزمي وصح الله لسانك وصح كلك ولاهنت دمت جزل ووافي وراعي علم طيب ,,

تحياتي وكل تقديري لك في انتظار المزيد .

خالد البقى يامرحب وصح بدنك يابعدي ومشكور على تواجدك يابعدي والله لايهينك

صح لسانك ياهياف انشهده
قصيده مثل راعيها شامخه مثل طويق والنير

لاهنت والله يعطيك العافيه

كفو يالسبيعي .. صح الله لسانك
حروف .. اقلّ ما يقال عنها: ابداع x ابداع

ما شاء الله لا قوة الا بالله

صح لسآنكـ يآبن حزمي
جزآلة ولآهي غريبه عليكـ

الله لايهيمكم والله يعطيكم العافيه وصحة ابدانكم

واسمحولي ماقدرت ارد عليكم انفرادي

داخل من الجوال ويالله رديت