@ صوت بن زويبن وصدى بن عون @ مساجلة شعرية رائعة

@ صوت بن زويبن وصدى بن عون @ مساجلة شعرية رائعة

نعم هي مساجلة شعرية رائعة بين الشاعرين الكبيرين كل من

عبد الله بن زويبن الحربي

و

عبد الله بن عون العتيبي

وكلاهما شاعران معروفان بأشعارهم الجزلة والرائعة

لذا أترككم مع مساجلتهم الشعرية والبداية ستكون

بمعية الصوت

مع الشاعر

عبد الله بن زويبن


مشينا من العارض على صافي الماطـور
نهـار السفــر مـن لا يدنيـه مادنـا
عسى الله يعديه العواكيــس والعاثـور
بنا يم ابـو سلمــان منعـوب ومعنـا
عزمنا وحنا من محبـه وطيـب شعـور
عليه الحرير اضعـف سلوكــه يجرنـا
يسوقه صبيٍ من عتيبة طويــل شبـور
يطـوف المواتــر كلهـا ما يطوفـنـا
وعلى الباب الأيمن شاعر عتيبة المشهور
ابن عون فـي طاروقـه المنفـرد غنـا
وانا والشويب نحسب ان اللحـن مكسور
نقول اعـدل الطاروق واثر البـلا منـا
غريبٍ علينــا لاهجينـي ولا مجـرور
وقعدنا نغرد خــارج السـرب لا هنـا
على الدبك مثل المستجدين بالطابــور
وتعبنـا وعفنـا واستخرنـا وهونــا
وقعدنا نعايـن فالنبيـرات والديكــور
تقـل فيـه شـيٍ فالغمــاره مهولنـا
لين انا نسفنا نسفت المــوج للبابـور
بريدة وسكـان المليـدا علــى ايمنـا
ولقينا جسوراً تنطوي في بطون جسـور
وعلى واحداً منهن على الـرس ميلنــا
ولقينا الحويفـي واقفٍ عند باب السـور
نطحنا بكلمة مرحبــــا حيـن حولنـا
وقلطنا وهو يقبل ويقفي كما المسعــور
يشعشع وعـده بالتراحيـــب ياكلنـا
وعلينا عياله يدرجون اشقـرٍ مذعـور
وراه المداخـن كـل لحظـه يمـرنـا
وسمعنا وسولفنـا وجـا للمثايـل دور
وسمعنا طرايف شعرهم واسمعوا منـا
وقلطنا على السفره عسى خيرهم مكثور
واكلنا من اسمان المفاطيـح ليـن انـا
سمحنا وعودنا على المجلـس المعمـور
وقعدنا نسولـف ساعتيــن وتسهلنـا
لأهلنا وجينا يوم بيـن شعــاع النـور
تبيـن وشفنـا والظـلام انجـلا عنـا
ونبيها زياره دايمه كل سـت شهـور
يزوروننـا ونزورهـم كـان خلـنـا
الايام لو ماهيب دايم فـرح وسـرور
تعشن محمد والصحابـه ماهـو حنـا
يقول الخلاوي بالمثل قدمنـا بعصـور
نعـد الليالــي والليـالـي يعـدنـا



أما النهاية

كانت بمعية الصدى

مع الشاعر

عبد الله بن عون العتيبي

على وسق جيبٍ كنـه الريمـي المذعـور
رفعنـا الهجينـي يـوم فوقـه تـوازنـا
انا والزميـل منيـف والمنهـي المامـور
دعينـا واجبنــا لابوسلمـان واذعـنـا
بعد مافهق صلبــوخ بـادرت بالميسـور
نغني بيوتٍ مـن قصيــداً ماهـوب النـا
وابو بدر جاوبنا ولا بـان منــه اقصـور
ثلاثـه ورابعـنـا رفـــض لايعـاونـا
وابو بدر مثل امقـدي الخــور بالمقهـور
ليـا شافنـا تهنـا الطريـقــه تماكـنـا
ويقول انت قدامي وانـا دوب بالناظـــور
أشوفه وهو قدمـــي علـى مثـل ماكنـا
لاشك الرهــــا ماحط للشـك عنـده دور
عقيـداً لحالـه ماغـزا معــك يا مهـنـا
هو الشاعر الكابـر وانا الشاعـر المكبـور
وكلام الصراحه مـن كمالـت مراجلنـــا
لو الشعر له لجنـة عدالـه ولـه دستـور
لابوبـدر جـزلات الجـوايــز تعـدنـا
لاشك انحمد ربي على وضعنـا المستـور
لجـان القصايـد مثـل لجنـة مزايـنـا
ارا شعر بعض الناس رشٍ بـدون انـذور
الـى مـره العاصـوف شالـه ولا ثنـا
على جرته تلقا وساع الفجــوج ادهـور
الى جـا الفيـاض الضاميـه ماسقاهنـا
كلامٍ رخيصٍ لو يصفـق لـه الجمهـور
ولـو شجعـه مـاراح منـا ولا مـنـا
يحور ويدور بفكرته مايجـي المحضـور
عـن المنهـج المعتـاد ماهـون ومثنـا
نجامل ولا نشره على العمي هن والعـور
الى مارضى اللي قبلنـا كيـف يرضنـا
ومزار الحويفي نعتلي به خشـوم القـور
وعلى ضلـع ابـان ومـا تبيـن تبينـا
هشاشٍ بشاشٍ كـل ما حصلـه مدمـور
ودماره علـى الخرفـان والهيل والبنـا
عسى اللي سواته من صدوف الدهر ماجور
ويـمـد بحيـاتـه ويحمـانـا ويمـنـا
يابو بدر ماعني وعـن صاحبـي مذخـور
تعجـرف علينا وانـت بالطيـب ضامنـا
انا والشويب كلنا فـي رضـاك حضـور
نجاملـك وانتـه ياجـب انـك تجاملنـا
نقدرك ونراعيك وانــرد لـك بالشـور
ومدامـك علـى هالحـال لاعـاد تامنـا

إلى هنا تنتهي مساجلتنا الشعرية لشعراء هذا المتصفح كل من

أبن زويبن وأبن عون

وكلي أمل انها نالت الإستقطاب والإعجاب لجزالة شعراء هذا المتصفح ..

المصدر: الملتقى الجماهيري للشاعر محمد بن فطيس المري

يعطيك الف عــآآفيه
وتسلم ديــآآتك ع الطرح الرآئع
ودي وآحتــــــــــرآآمي

الله الله ياحروف
صح لسانك بالبدايه والسنة شعراء الصوت والصدى
حقيقه من شعراء لهم وزنهم بالساحه
وتقاء كعادته من جميل الى اجمل

عذب التحايا

صح السنة العمالقه والله لايهينك على النقل

شكراً لكم جميعاً ولا هنتم بالمثل وبالفعل يـ خوي فارس

شعراء أصحاب الوزن الثقيل ان صح التعبير بالساحة

وصح الله بدنك شكراً لمرور شاعرنا