@ الأميـر محـمد الأحمـد السـديـري @

@ الأميـر محـمد الأحمـد السـديـري @

يفتح القلب نافذة الرؤية في سيرة الأمير الشاعر محمد بن أحمد السديرى


فيلقى أفواجا من زهر الخصال، وبراحات ممتدة من عزم الرجال،

وومضات مؤتلقات من درر المعانى تهدى القلب إشراقا

وتمنح الشمس أشعة الضياء.


إمتدت حياة الأمير محمد بن أحمد السديرى سطوراً من جهد لم يكل أبدا


وعزم لم يعرف الونى. قدم لوطنه كل الممكن من الإستطاعة والجهد،

وإشتاق أن يقدم له المستحيل وفاء وحبا وتقديرا، فما ندب لأمر إلا كان سباقا


وما هفت له النفوس بحاجة إلا كان معطاء ومبادرا بالخير والفضل العميم ..


نسب الشــــــــاعر


الأمير الشاعر محمد الأحمد السديري وهو غني عن التعريف لما له من شهرة واسعة


ومكانة كبيرة وشاعرية فذة فهو اديب كبير ساهم في خدمة الأدب الشعبي ورقيه وتألقه,


شاعرنا هو محمد بن أحمد بن محمد بن تركي بن سليمان السديري - رحمه الله تعالى




مـــــولده


ولد عام 1340ه تقريبا في مدينة ليلى بالإفلاج حيث كان والده أميرا عليها


ثم إنتقل مع والده الى الغاط ونشأ وترعرع هناك في كنف والده ودرس الإبتدائية


على يد الشيخ عبدالمحسن المنيع




هواياته


شغف في بداية حياته بركوب الخيل وكان معروفا بسرعة العدو الجري


حتى قيل : إنه كان يلحق الصعاب من الإبل ويمسك بها مارس هوايته


المحببة ركوب الخيل والهجن كما انه كان مولعا بالقنص وإقتناء الطيور النادرة ,,


مناصــبه


في السابعة عشرة من عمره إختاره الملك عبدالعزيز - رحمهما الله -


أميرا على الجوف سنة 1357ه وأثبت وجوده ودرايته وكان مما قام به


تصفية قطاع الطرق والخارجين على الدولة على الحدود الشمالية والشمالية


الشرقية ثم إنتقل الى منطقة جيزان عام 1363ه وتولى امارتها ومكث هناك


وعندما ثارت المشاكل على الحدود السعودية اليمنية بعد الإطاحة بالإمام


يحيى بن أحمد سيطر معاليه على الحدود بحنكة ودهاء وعين عام 68ه


قائد للفدائيين السعوديين في فلسطين ثم إختاره الملك عبدالعزيز


محافظا لخطوط الأنابيب وقرر رحمه الله أن يتخذ مدينة عرعر مركزا


للمحافظة وكانت حينذاك صحراء قاحلة وخوله الملك عبدالعزيز للتصرف


بالأراضي فأسس ثلاث مدن رئيسية هي عرعر والقيصومة وطريف


وساعد ذلك على توطين القبائل حتى أصبحت مدن مليئة بالحركة والنشاط والتقدم,


بعد وفاة الملك عبدالعزيز نقل الى جيزان مرة ثانية ثم إعتزل المناصب إلا أنه عاد


وتولى قيادة الجيش بالمنطقة الجنوبية ومكث ثماني سنوات حتى إنتهت حرب اليمن




وفــــــاته


قضى بقية حياته متنقلاً بين الطائف ومزرعته الخفيات شمال بريدة على طريق حائل


حتى داهمته أزمة قلبية حادة لازم الفراش لمدة شهر حتى توفي عام 1398ه


بالرياض ودفن بالخفيات في شمال القصيم - رحمه الله - وأسكنه فسيح جناته


وقد رثاه عدد كبير من الشعراء بقصائد تدمي القلوب سنكون بموعد معها قريباً ..



إلى هنا وتنتهي سيرة علم من أعلام الشعر بالجزيرة العربية بل عملاقاً


من عمالقتها الا وهو شاعرنا الامير محمد الأحمد السديري لا أخفيكم


مراراً وتكراراً اردت طرح سيرة شاعرنا أبو زيد الأمير محمد الأحمد السديري


الا ان الظروف لم تكن مواتيه لتنزيل السيرة له لأنني اجزم بأن الكثيرين لم


يعرفوا هذا الشاعر الفذ وينبغي لهم معرفته فهو الأمير وخال الملوك وصاحب


المدرسة الشعرية بالشعر لذا أخوة وأخوات الطيب وإنطلاقاً من هذا المتصفح


سنسعى لنثر روائع السديري من أشعار لازالت تقرأ له


لذا اطلقوا العنان لروائع السديري من خلال هذا المتصفح ..


للتنوية فالسيرة الرائعة لشاعرنا هي من أنتقاء أختكم حروف من نور


عبر الشبكة العنكبوتيه هذا للصدق والأمانة ..

المصدر: الملتقى الجماهيري للشاعر محمد بن فطيس المري

ابو زيد ياليت الدهر ما غـدى بـه
يـالـيــت نـفـســه تـوهـبــت هـبـوبـهـا
رحــل عـــن الـدنـيـا وذكـــراه بـاقـيـة
وسط المجالس معجزاته حكوا بها
ابـو زيـد نطـاح الامــور الصعـايـب
لولا الشهود الناس ما صدقوا بهـا
الله مـــــن نـــــاس تــذكـــر مــحــمــد
إليـا ابتلتـهـم مشكـلـة وابتـلـوا بـهـا


من أجمل ما قيل في الأمير محمد الأحمد السديري ..

حروف انتقاء جميل يعطيكـ الف عافيــــــــــــه روعه ياقمر

الملحمة الزايدية بصوت الأمير محمد الأحمد السديري

ولـه في الحكمه :

إن جا ينادمني وضيـــــع ٍمـن الناس
صديــــــــت عـنـه وقلت منت بـنديمي
ماهو بكبر ٍوكل ناس ٍلها أجنـــــــاس
وعندي عزيز النفس دايم حـشيمي
لـلكبــــــــر والله ما تـوشـحـــت بـلباس
بـكـتـب الـتـواضع ناجــــــــح ٍبـتـعـليمي
أنــــــــــادم إللي رفـقـتـه تـرفــع الــراس
وياقف معي دايـــم بوجه الخـصـيمي
إن كـَبرت القاله والأريــــــــــاق يـباس
يـضـيـم عــدوانـــــــــه ولا يـسـتـضـيـمي

من أجمل ما قرأت له فعلاً فلديه خيال واسع جداً جداً يجبرك
طوعاً محباً ولست مجبراً كارهاً لقراءة شطوره بل وتقف احتراماً لها



غنت الورقا على خضر الغصون= واسهرتني والزواهر ساريات
ولعت قلبي وانا قلبي حزين= هاج فكري والحمام مغردات
من سببهن عفت لذات المنام= ساهرٍ وعيون غيري نايمات
جددّن اجروح قلب المستهام= اتعذب والقميري ساجعات
سارحاتٍ لاعباتٍ بالفنون= هازجاتٍ في طربهن دالهات
بالترنم بينهن ورق الحمام= حركن مني شجونٍ خافيات
حركن قلبٍ سبح وسط الغرام= هام ببحور الغرام الهايجات
هايمٍ مشتاق شوقه من قديم= مستكنٍ بالضلوع المغلقات
اتذكر من له افؤادي خفق= فرّ من بين الضلوع المهدفات
في كلام الحب جاوبت الحمام= واستلجن واستمرن شاديات
ذكرني شاردٍ فاق الضبا اهيف الخصرين سيد الراتعات
قالوا انه ساكنٍ موطن ثقيف= ادعج العينين بسفوح السرات
هزني شوقٍ على شوف الحبيب= مني الأفكار يمه شاردات
حلقن بافاق ميدان الهوى = يم من يهواه موقي سارحات
جيت ادور من سبى عقلي هواه= باللواحظ والعيون السابحات
جيت ادور من سبا عقلي هواه= بالشفايا والعيون السابحات
يوسفي الحسن ممشوق القوام= جادلٍ في وصفها مثل المهات
جادل جدد جروحٍ بالفؤاد= صايباتٍ جارحاتٍ داميات
خافياتٍ مزمناتٍ موجعات= مستقراتٍ بقلبي ساكنات
يوم اشوف الزول والعنق الطويل= الله اكبر والقرون امجدلات
مثل شرطان الذهب شقر الجعود = خلقة الله فوق جسمه ضافيات
فاتنٍ واغواه ريعان الشباب= والرموش بحاجبيه مركزات
خصرها ضامر ومهضومٍ حشاه= بين اشافيها نظيم مجوهرات
ان تبسم في شفاياه وضحك = صفقن ليحان صدري هاتفات
من فيافي نجد جيت ارض الحجاز= من ديار نبتها زين النبات
عانين من نجد ميدان المهار= غابت ليوث الحراب الكاسرات
من ديارٍ نبتها شيح وعرار= والشقاؤا والزهور اليانعات
والبختّري والنفل هو والجعد= والخزامى والزهور المنورات
زاهر الحنوه وزهر القحويان= مثل نظم عقود خودن حافلات
به طيور الروض غنن بالفنون=بالترنم غارقاتٍ أمنات
البراعم كل ماهب النسيم= مايلاتٍ بالتهزع راقصات
اليهق والربل يطرب كل عين= والشقارا والسليح بناضرات
ريحهن وان هب ذعذاع النسيم= ينعش ارواحٍ لريحة عاشقات
كن نظم زهورها وسط الرياض= الجواهر في رقاب الغانيات
عللتهن في ربا نجد المزون= ناشياتٍ مرعداتٍ ممطرات
عادياتٍ رايحاتٍ مرضيات= مسبلاتٍ في مطرهن مغدقات
حافلاتٍ مثقلاتٍ هاملات = منوراتٍ بالبروق الضاحكات
لاقحاتٍ مغنياتٍ حاردات= شامخاتٍ شاحناتٍ حافلات
شارباتٍ من بحور ومن شطوط= والصبا هبت لهم بالملقحات
ساقهن ربٍ على عرشٍ عظيم= من بحر جوده برفقه دافقات
كن ودق المزن من فوق الحزوم= المكاين بالصحايف كاتبات
كن كفاخ الطها بين الخيام= بالمشاعر يوم تسع مشاهدات
ارعفن بالكوثر العذب الطهور=من مزونٍ في سماهن مسبلات
ناشياتٍ من دخل فصل الخريف= تسعة اشهر فوق نجد مخيلات
اتسلا بالسراب وبالفجوج= ريحة الأعشاب فيها منعشات
عانين من نجد ملجا المستريب= من زبنها ماتجيه النايبات
عانين من شامخٍ مجده قديم= من طويق العز شرق منمرات
معبينٍ للعدو يوم الحروب= وللصديق وجارهم عز وغنات
شيدوا للمجد بين العالمين= يوم بعض الناس في نوم وسبات
ديرة في ربعها عنتر سكن= وبن كلثومٍ مروي المرهفات
مع كليب وحاتمٍ بحر الكرم= من سكن للجود فوق النايفات
ديرةٍ احيا بها عبدالعزيز= ذكرياتٍ للفخار مدونات
جدد افعول الأسود الي مضت= ثمن احياها وهي كانت رفات
عبقريٍ ماعلى البيداء مشى= مثله الا من نطق بالمرسلات
هزبر الغابات ليثٍ من ليوث= صارمٍ حطم حدود الصارمات
تغلبين من نسل شيبان جال= والكتايب بالسلاح مدججات
يافعن هام المعالي من نشاء= خاض غبات البحور الطاميات
بدر كل الشرق من شرقه طلع= صاح وانور باليالي الحالكات
وانجلت عنه الكواكب كلها= والبدور من المهابه آفلات
لم شملٍ بالجزيره منتشر= وحّد الحضر المقيمه والبدات
النساء ماخلفن مثله عديم= بالسنين الحاضره والفايتات
من بحر جده الى شط الخليج= البنود بمجد عزه لايحات
والنضاء والخيل من ربع الجنوب= في ربا هضبة عنازه مشرفات
جال باجوى الكون صقرٍ من صقور= واخلدت كل الطيور الجارحات
فرخ شامٍ صاقرٍ كل الطيور= الصقور الأوله والتاليات
بالفعايل لو يقيسون الحرار= طولهن عن طول شبره قاصرات
ضف ريشه من مقره بالكويت= واصطفى وارعب جميع الطائرات
خاف من سطوات فعله كل طير = نزلن بالقاع عنه موقعات
مطلبه للعز والمجد التليد= يوم غيره لاهيٍ بالخرّدات
وادرك العليا بعد ضرب السيوف= كم رؤوس في لحاهن طايحات
عقب خوضه للمعارك والحروب= شرب صافي الماء بعد شرب الصرات
في نهار فيه ظهره مثل ليل= به عجاج الخيل غطى الشاهقات
كن رجد الخيل مع غط الصهيل = الزلازل والرعود الصاعقات
فوقهن كل ابلجٍ عين عديم= ملجمات جاهزاتٍ واثبات
حاجبن الشمس نقع العاديات= والمدافع هاجزاتٍ مرزمات
زادها ضرب الهواتر والرماح= والبنادق شاحناتٍ مفرغات
وين قطاع الفيافي والفجوج= النضاء والخيل عقبه مهملات
جيت للمبعوث واوقفت المسير= شرقي العرفاء ذكرت الماضيات
ماشيٍ باطلال اجيال خلت= دارساتٍ موحشاتٍ خاويات
اسأل الأطلال وين اهل البيان= وين من سنوا طريق المكرمات
ياعكاظ العرب ميدان الأدب= يامزار اهل المهار الصافنات
يامزار اهل الرجوله والحسب= ياعرينٍ لليوث الضاريات
يامواطن نخبة المجد الرفيع= يامقر اهل البنود الخافقات
يامنابر مصدر الشعر البديع= مفردات الشعر منهم خالدات
يامناخ الهجن عجلات الفديد= يامداجٍ للمهار المرهمات
فوقهن صيدٍ يضدون الحريب= بالرماح وبالسيوف القاطعات
فوق قبٍ يعربياتٍ عجال= عادياتٍ بالمعارك ضابحات
في ضهور العيس جوها من بعيد= يقطعون فجوج نجد الموحشات
مايهابون الفيافي والخروم= والمخاطر والديار الناحيات
من ديار الشام وديار اليمن= واهل هجر ومن سكن شط الفرات
وين بكرٍ هو وتغلب مع تميم= وين ذبيانٍ وعبس اهل القنات
وين حاتم مع ابن سلمى زهير= وين رايات الفخار الشامخات
وين امر القيس مع فارس زبيد= انشدوا عنهم قبور مظلمات
وين غطفان وهوازن مع قريش= وين قيس اهل السيوف الماضيات
وين عنتر وين طرفه مع لبيد= وين بن كلثوم عز الناخيات
وين الأعشى وين نابغة العرب= واخت صخر الي تقول المعجزات
وين حفل الأزد اهل سمر الرماح= اصلهم في شامخ العربا ثبات
وين الاقرع مع ابن عبد المدان= حكموهم بالأمور المعضلات
من فحول الشعر سادات الأدب= علقوا بالبيت عشر معلقات
باتفاقٍ بين ساداتٍ عظام= سنوا الأشهر عليهم حارمات
اشهر ٍ حرمٍ اكيد اتسجلت= بالعهود المحكمات البينات
اشهرٍ بايامهن حقن الدماء= لاحروب ولا مهارٍ مسرجات
ثبتوا فيها طراف وشيدوا= قبةٍ حمراء محط الضامرات
كل مامريت رسم ديارهم= عاودتني عبرةٍ عقب الثبات
عاودتني عبرةٍ باقصى الحشا= والدموع من المدامع سايحات
هيضت بلواعجٍ وسط الفؤاد= المنازل والرسوم الدارسات
ياحماة العرب يانسل الكرام= ياشبابٍ قد تحلوا بالصفات
يارجانا في ملمات الكروب= انتم افلاذ الكبود الغاليات
انتم الآمال يانور العرين= ياحماة اوطانكم والمحصنات
ياشباب العرب وان حمي الوطيس= ياسيوفٍ للشدايد مغمدات
قولةٍ بلكي عسى هذا يصير= مايخلص للديون المرمسات
ابعثوا ذكرى هل الفعل الجميل=راكبين العيس هي والعاديات
ابعثوا بالله ذكر اجدادكم= ابعثوها بيناتٍ واضحات
ابعثوا ذكرى صناديدٍ مضت= اسمعوهم والمسامع مصغيات
اسمعوهم صيحةٍ وسط الهضاب= الهضاب الي بالاقصى مطرقات
مطرقاتٍ شاهدٍ ذل وهوان = شاهدٍ قهرٍ تذوب اله الصفات
صخرةٍ بالقدس تنخي الفاتحين= هلت العبرات منها جاريات
صخرة المعراج تنخي الطيبين= وين جيش الزحف قاسين القنات
اليتامى دمعهم فوق الصدور= فاقدين ابوانهم والأمهات
يصرخون بصرخة الحر الحزين= صرخةٍ منها الجبال مجلجلات
صرخةٍ ادمى صداها للقلوب= عن نماهن اذهلت للمرضعات
صرخةٍ من هولها جظ الحطيم= والمشاعر كلهن مزمجرات
يندبن العرب لاولى القلبلتين = لطخةٍ بالعار بايدين الجنات
فاقدينٍ كل شي بالوجود= والثكالا وسط يافا عاريات
العدو ايسومهن سؤ العذاب= من سبب ماصار والله باكيات
مالهن في وسط موطنهن قرار= بالنياحه والتهظم سامرات
عذبوهن بالسياط وبالحديد= بالسجون مكبلاتٍ غاضبات
عند صلفين اليهود الحاقدين= خافضاتٍ روسهن وحاسرات
هاضمينٍ حقهن بين الأنام= حسروهن عقب ماهن مترفات
لاحلال ولا بيوت ولا ذرى= لاصديق ولا عوينٍ تايهات
لاحليم ولا قريب ولا شفيق= هالكاتٍ بالفيافي معدمات
شردوهن عقب ماهن في نعيم= ياحماة اديارهن مستضعفات
ساكناتٍ بالجبال وبالكهوف= مبعداتٍ بايساتٍ ناحيات
يطلبن الثأر يانسل الكرام= من نطق بالضاد يمه صارخات
من تجبر ضدهن باوطانهن= ناحباتٍ نادباتٍ ناحلات
ياولي العرش يالرب الكريم= يالهٍ شاهدن المنكرات
ابعدوهن عن مواطن حيهن= نازحاتٍ عن وطنهن مرغمات
مستغيثاتٍ بزفرات العبار= كاشفاتٍ للوجيه الشاحبات
حرقن ادموعهن ورد الخدود= من شراب الذل والله شاربات
هدموا لبيوتهن عقب العمار= صارت انقاضٍ هدامٍ جاثيات
ذللوهن عذبوهن بالسياط= بالتوجد والتهظم زافرات
شاهدن لبيوتهن عقب العذاب= يمسحن ادموعهن الذارفات
يصفقن بكفوفهن سمر الخدود= من دمي اخوانهن امخضبات
عرضن لصدورهن زرق الحراب= هن وطلقات الرصاص القاتلات
القهر والغبن يبكي كل عين= والهضايم شيبت بالجاهلات
في رحاب القدس ايضا والخليل= في رباهن شيدوا مستعمرات
كم شبابٍ بالسجون مصفدين= دونهم ابواب ضلم امقفلات
اطلبوا للثار ياشبال الأسود= كان ماختوه فضلتوا الممات
الكرامه مايعادلها عديل = كان خدشت حرموا باقي الحياه
بالقبور ابوانكم تنخى الشباب= انتم احفاد الصناديد الكمات
خيلهم بالعز بايام الحروب= في ميادين المعارك جايلات
ان نشدت وقلت وابديت الصحيح=فلتة الدنيا جنوب امغرزات
ياشباب العرب بايام الكروب=ياذرانا بالأمور المعظلات
شمروا للمجد بايام الخطوب=ابعثوا سوق مضى له ذكريات
جددوا ذكرى عكاظ بما مضى=واعلنوها للوفود السامعات
سجلوا فيها الفخار وطهروا=الشرف يوم الأسنه شارعات
معركة ذي قار خاضوا حربها=بالعوالي والسيوف المشهرات
وابعدوا عار على النعمان صار=ابعدوه وبعدوا للعايبات
به تساموا للفخر يوم النزال=حلقوا للمجد فوق الحايمات
بالجزيره مايهابون المنون=ثابتينٍ كالجبال الراسيات
خيل قحطانٍ وعدنانٍ جميع=معركة ذي قار فيها سابحات
سبلوا للمعركه صب عجال=ممتطينٍ للمهار السابقات
لين رب الخلق علام الغيوب=خالق الأرواح رب الكاينات
انزل ايانه على سيد البشر=انبأه باقراء على رغم العدات
ثم شع النور في شرق العرب=واشرقت شمس الفضيله بالصلات
هبوا الأنصار للخطب العظيم=مع رسول الحق للعالم هدات
احدقوا بالمصطفلى سيد الأنام= كالأسود الكاسرات الفاتكات
وانتشر دين العداله للورى=شاع واهتزت عروشٍ للطغات
وانذهل كسرى وجيش الروم خار=من كتايب من سعوا للصالحات
عصبة محمد هل الفعل الجميل=يطلبون المجد فوق الجامحات
خيلهم بالشرق والغرب البعيد=للجحافل بالمعارك خايضات
في سبيل الحق ماتخشى الملام=كم ازالوا من عروش هايلات
الصحابه بالعوالي والسيوف=اخمدوا نيران قوم مشعلات
بن ابي وقاص هو وابن الوليد=كم تحدوا للصناديد العصات
قادوا جيوش الصحابه بالحروب=طاعةٍ لله رب الصافنات
طاعةٍ للي بعث طه الرسول=مكنوا بالضد روس الباترات
رسخوا بسيوفهم دينٍ حنيف=في كلامي يشهدن الشاردات
من رقاب الروم بالحرب العوان=ينثرون الدم بجدود الضبات
واحمد الله لابتي يوم النزال= مايهابون المنايا الواردات
ضيفهم والجار يلقى مايريد=في رحاب المجد ماجاهم شنات

من أجمل قصائد أبو زيد قصيدة " قلي هلا "

ويقول رحمه الله

قلي هلا واقول صبحك بالخير
قل مرحبا واقول ياروح روحي
يا بو ثمانن بالمبيسم مغاتير
اغليك وانت اللي تسبب جروحي
جاوبت من فرقاك خلج على ضير
وناديت باسمك والمخاليق توحي
حيثك هواي من البني الغنادير
واليا عذلني واحدن قلت موحي
اغليك ماطاوعت عذال ومشير
وحياة من مشا السفينه بنوحي
قلبي على لاماك يكفخ كما الطير
ماعدلت روعات قلبي فروحي
ورجلي تزيد المشي يمك بتصخير
ولا تعدت يم غيرك شبوحي
وهموم قلبي منك ورد ومصادير
اكن عبراتي ودمعي يفوحي
وشجابني لولا ان هذي مقادير
الا انها كتبت بلوحك ولوحي

وأيضاً قصيدة " عود البان "

ليت عود لبان من يمي يميل
واتفيا في ذرا غصنه ظلال
يا حبيبي ما بقلبي لك عديل
جل من سواك يا بدر الكمال
ضمني بحماك يالظل الظليل
وانعش المفتون يا زين الخيال
هام قلبي في غرامك له دليل
عارفن سيد الملاحه والجمال
دوك جسمي يا بعد روحي نحيل
شف نزيف العين من فرقاك سال
اسمع الونات من قلب عليل
من نوازع عبرته رفرف وجال
والله انه ما خلق جنسه مثيل
بالجنوب والغرب والشرق وشمال
يا حبيبي لا تخليني قتيل
من رحيق شفاك جرعني زلال

رائعة من روائع أبو زيد

الأمير محمد الأحمد السديري

موجهه لأبنه خالد ويقول فيها


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



صوتيه بإداء ثنائي آل مرة كل من

العذب وهادي المري

إن صار زود المال بيدين الانذال = حنّا من المعروف تندا يدينا
وان كانهم شرهوا على طيب الافعال = حنّا وردنا جمامها وارتوينا
وان فكّروا للجود يمشون رحّال = حنّا قبل يمشون يّمه خطينا
يا ما لبسنا للشرف كل سربال = وعلى البسيطة للفضيلة مشينا
في دوحة العربا لنا مجد وظلال = وحنّا على در المكارم غذينا
لو نجمع اللي فات منا من المال = إن كان شيدنا القصور وبنينا
نعطي ولا نتبع عطانا بالأقوال = ونبذل ونسكت كننا ما عطينا
وان باعوا الشيمة بدينار وريــال = حنا دخلنا سوقها واشترينا
نطلع لها لو هي على روس الاقذال = لو هو عسير ٍ دربها ما انثنينا
بافعالنا نرسم دروب ٍ للاجيال = إلـي نساها غيرنا ما نسينا
أسود سادات ٍ تسجل للاشبال = فضايل ٍ شمنا لها واهتدينا
بيض ٍ نسجلهن جديدات وسمال = حفايظ ٍ لاحفادنا اللاحقينا
نصبر على الشّدات لو شيلنا مال = لو سال دم دفوفنا ما شكينا
نخاف يلقى سدنا كل ختّال = ويبني هزيلات المعاني علينا
الليل يا خالد على والدك طال = وهنّيت ناس ٍ بالكرا نايمينا
يا عز راسي شفت ما خبث البال = شـي ٍ يهوّل شيّب الجاهلينا
شي ٍ من اسبابه يشيب بالاطفال = فطّر خشوم مهجرعات الحنينا
أدير قالات ٍ عريضات وطوال = قـالات خلنّ المخفىّ يبينا
منهن رزين العقل بالوقت يهتال = بوقت ٍ عبوس ٍ فطّن الغافلينا
وقت ٍ من أسبابه شكى كل ريبال = نصبر ونسكت كننا غايبينا
الناس بالأيام راحل ونّزال = وتفجعهم الدنيا وهم دالهينا
وحياة رب ٍ نزل آيات الانفال = عالم خفايا نية الحاقدينا
ما أترك طريق العدل في كل الاحوال = لـو يرحل المريخ للفرقدينا