شيخة فلووووس

شيخة فلووووس

اسعد الله جميع اوقاتكم بما يريضيكم
أعتذر عن الغياب اللذي له ضروفه
لكم هذه المتواضعه آمل أن تشفع لها ذوائقكم بالقبول




شيخة فلوووس

يقول من قوله كما سنّة الموس*
مظهر شعاع الحق من عقب الادماس

سلام فيه الطيب والحب مغروس*
من صادق شعورن بها كنة احساس*

على الجبين *اللي بعزه وناموس
من طلعته عن الظفر مابه انعاس*

عزيز قوم(ن)طاهرالقلب ولبوس*
ساسه من اللي يطنخ الراس من ساس*

في مستطيل الفعل له وقع ودروس
باللي احقره تاقع مثل وقعة الفاس*

صاطي وقرم برفعته ترتفع روس*
حتى خويه يامر ورافع الراس*

شمسن وكنتها على المغتضي شموس*
كنه يرى نجوم القوايل بالاشماس*

اللي خمن به قال يدور بها فلوس*
يمدح امير و شيخ مع باقي الناس*

لا واللذي غير عن الحلم كابوس*
وتحت البسيطه جاعل الظلمه انفاس*

تشاوت الافكار يم شيخ محبوس*
عن المدايح لانه بحالة افلاس*

شيخن ثواه الفقر والفقر منحوس*
شيخن يسوق الجزل لو ماجده طاس.*

ماصك باب الطيب والحال مدعوس*
صيته يذاع مع اللذي مالها قياس*

يزم روحه مع مشاكيل ويدوس*
زبرن وبه عدى على *روس الاطعاس*

بهاره الطيبه بها االبن محموس*
والهيل ريحه صلفن ويجلي عماس*

ينحر عزوم اهل الردا بعزة نفوس*
مال الزمن غير الظفر للردى باس

سمين فعلن ماضرى للورى ينوس*
يشلع عن الزله مشاليع قرناس

الصدر صافي مانمى فيه مبخووس*
مهما ظهر بالناس حاقد وبخاس*

مثل البذر اليا تناقلته اعسوس
بشت حجاجه بالمعادين *وانجاس*

انا اشهد إن الوقت ينبع لنا دروس*
ماتنشري. بفلوس من طيب الاغراس*

في وقنا افتح قوس ثم سكر القوس*
( اقفى حكيم الراي )من بين الاقواس*

الا القليل اللي بحنكه وناموس*
مثل الشعاع ان بان من جوف الاكباس*

لكن هذا الوقت شمشل بنا يحوس*
لاباس ياذا الوقت مادمت عفاس*

هذا الزمن احيان حيه ونادوس*
واحيان يجذبنا بإيقاع مرواس*

نوبن ونوب ونوب والخفي مكبوس*
ولاعاد بان اللي يحمل بالاكياس*

قبل الختمام اللي طرالي بهاجوس*
وخلاني انكس من اسداس لاخماس*

من حر ماشوف العبوديه اتبوس*
بشتن يلم المال والاصل من كاس*

وفي وقتنا الشيخه ترى شيخة فلوس*
لو إن ما فعله يفوق ام خماس*[/color][/color][/color][/color][/color][/color][/size][/color][/color]

المصدر: الملتقى الجماهيري للشاعر محمد بن فطيس المري

لشاعر فارس الجهيمان صح السانك قصيدة جزلة
وانت شاعر جزل وغني عن تعريف وهالقصيدة سمعنيها خالد
لامجاملة قصيدك كله جزل

ابونايف صح ربي بدنك يالغالي
شهادتك ووسام ويعلم الله انها تعني لي الكثير
والله يسلم خالد اللي يسمع قصايدي لمثلك وشرواااك

شرفتني ياغالي بتواجدك المكثف بجمال أسطره

لاهنت يابونايف

ماشاء الله صح لسانك فارس
مبدع والله دائما. الله يحفظك يارب

الماسه صح بدنك
وتواجد يكمن به الابداع

لاخلا ولاعدم

في وقنا افتح قوس ثم سكر القوس*
( اقفى حكيم الراي )من بين الاقواس*

الا القليل اللي بحنكه وناموس*
مثل الشعاع ان بان من جوف الاكباس

اررحب يابو عبيد حياك الله ,,

صح الله لسانك وصح قلبك ولاهنت شاعر مبدع ولك بصمه خالده في الشعر العام ,,

الله لايضرك والله اني اتنومس يوم اقرالك قصيد يابو عبيد ,,

كل الشكر والتقدير لك يالقررم .

خالد العبيريد

صح الله بدنك ياغالي وشهادة فخر لفارس يعلم الله
وشرفتني بتواجدك واخجلت تواضعي باطرائك

لاعدمت منهم على شاكلتك يابوسهيل

صح لسانك مبدع شاعر متميزابدعت

صح بدنك ياعبدالله

ولاهنت على تواجدك اللي تشرفت به

فارس الجهيمان
كلماتك واحرفك اخي القدير الزمتني قرائتها لجمالها وعذب مفرداتك اكثر من مرة
سلمت يمناك التي تكتب وقلمك الذي رسم لنا صورة وحكمة
لشخصك الكريم اطواق ياسمين ولسموك وردوخزامي تقبل مروري امام ابياتك وتقيمي