حان الفراق

حان الفراق

قفلت باب وباقيٍ باب ثاني** اليا قفلته ريح الراس وارتاح
حان الفراق اللي تبي انت حاني**ما باقي الا باب ناقصه مفتاح
وقتٍ قضيته معك عده ثواني** ما باقي الا شي وانساك لا طاح
لا طاح قدري ما ابيك بكياني**ما ابقى مع اللي ما يبي القلب يرتاح
لا تقول للعالم حبيبي نساني**ولا تقول للخلان ماني بنصاح
جاني خيالك فالمنام ولافاني**وضيقني الهاجس وانا انسان مزاح
وسجيت طاروق الشعر في مكاني**اما تعال اليوم او صد وانزاح
واعرف ترى كل شي بالوقت فاني**ما باقي الا الله علام الارواح
والحظ شين وخاطري منك شاني**لا الراحه اعرفها ولا لذ الامراح
تدري وش اللي في زماني طواني**حبٍٍ توقعته من الهم مرتاح
وتدري وش اللي في زماني خذاني**لسانك اللي سبب هموم واجراح
وتدري وش اخر شي من غير ثاني**ما باقي الا باب ناقصه مفتاح

الشاعر:محمد نور جريبيع الداموكي الرشيدي

المصدر: الملتقى الجماهيري للشاعر محمد بن فطيس المري

صح لسانك ولا هنت والى الامام شاعرنا

ربي يوفقك

تحيتي وتقديري