يا صاحب الخافق الابيض

يا صاحب الخافق الابيض

ساعة الصمت تأسر في الحنايا الكلام
تحتضر في دقايقها براءة خفوق




يكتسيه الحيا خوف الجهل والملام
بين بياع قيمه أو لصوص الحقوق




مكتنز في خفوقه مثل بيض الغمام
ما تلطح بياضه من سواد الفسوق




له مقابيس نورٍ في طريق الظلام
له جدارٍ منيع ما تجيه الشقوق




مثل ساق الشجر فرع غصونٍ عظام
وفي بطون الأراضي إمتداد وعروق




إقبالته شمس تنشر في الظلام السلام
ويازين بعد الغروب إقبال شمس وشروق




للمعاني عذوبه والمجالس حشام
إن تكلم كأنه عزف لحن وطروق




يا باقي الناس أهل عزم، ووضوح، وكرام
ياغمام العطايا يا رعود وبروق




الطيور التي تهجر وطنها تلام؟
لا ، ما تلام إن وطنها صار خوف وعقوق




البشر في إختلافٍ والظفر للئام
والحقايق جنايز وأهلها في زهوق




والجهل في تزايد والحمق والندام
والمبادئ خبيثه بين نذل وسروق




ينشأ الطفل طفلٍ ثم شيب غلام
من نشأ ما رأى لحظة سعاده تروق




يا صاحب الخافق الابيض تأني مدام
كلك نقاء وصفاء وإحترام، وخلوق




أرحل عن العالم الجاني وخلك امام
لجنةٍ عاليه ما بين نهر وعذوق




لك تحية وداعٍ بالأمان وسلام
أنا أشهد أن بينك وبين الخلايق فروق

المصدر: الملتقى الجماهيري للشاعر محمد بن فطيس المري

الشاعر حسين الحارثي


لله درك ابيات في قمة الروعة صح لسانك ولا هنت


تحيتي وتقديري ونثر النجوم هنا وتقيمي