جديد غشــــــــــــــــــــــــــــــــــــــــــــــــ ـــــــــــــــــام

جديد غشــــــــــــــــــــــــــــــــــــــــــــــــ ـــــــــــــــــام

بسم الله الرحمن الرحيم



آسف على التاخير بس المعذره منكم
اليوم اقدم لكم هاذي الرديه وكان الوالد طول الله بعمره البادي وسببها موقف له مع شاب صغير بسنه في احد الحدائق كبير بفعله كان حاب يساعد الشايب توصيله او تقديم اي مساعده ظنا منه ان الشايب تايه او محتاج مساعده

يقول ابوي

يالي على الشايب حدتك الحميا

ياعل تحمى من جميع الصواديف

تبي تقوم بواجبه مير عيا

ماله لزوم في كثير التكاليف

من ضيقة الخاطر جلوسي هنيا

مابه مسايير لربع على الكيف

امضي ايامي على هالسويا

ولاني على الدنيا كثير التحاسيف

وان زانت الايام والى بليا

قد عذبت قدمي سغيدان وحنيف



وهذا ردي على ابوي

بسم الذي وان راد شي تهيا

سبحان من بيده جميع التصاريف

ياحي قاف العود مابه كنيا

الي جعل غشام دمعه ذواريف

قاف له الخفاق رحب وحيا

ياحي قاف من رجال عواريف

يابوي ليت المال عندي مهيا

لجعل مصيفك وسط باريس وجنيف

واشري من الخيل الاصايل عبيا

واحط لك ذود على غاية الكيف

مير البلا ماعاد فيها مليا

خاب الرجاء من فتحتي للمظاريف

وسلامتكم

المصدر: الملتقى الجماهيري للشاعر محمد بن فطيس المري

الله يرزقك من واسع فضله واحسانه ويكسبك بّر والدك

صح لسانكم الأثنين

اللهم امين يارب

الشاعر غشام البراق

صح الله لسانكم ولا هنتوا

جميل ما طرحت هنا وفقك الله

تحيتي وتقديري ونثر نجومي وتقيمي

صح لسانك ياغشام وصح لسان الوالد الكريم

دائما ً القصائد الرائعه تجبرني ان احتفظ بها مع اسماء شعرائها

اسمحلي ان احتفظ بالقصيدتين في ارشيفي الخاص لاعجابي بهما

ودمت في خير

صحت ابدانكم جميع
وانا مبسوط لاعجابكم وعساني قد ذائقتكم الشعريه
والف الف الف شكر على التعليق
وبالنسبه لاخوي ابراهيم انا قبل شعري حلالك

اخوي غشام
صح لسانك ولسان الوالد لاهنتو
تقديري واحترامي

صح بدنك ومرورك شرف