خلقت في الدنيا وأنـا ما معـي شـيّ

خلقت في الدنيا وأنـا ما معـي شـيّ

قصيدة للشاعر

مبارك بن فايز البخيِّت آل محمد السبيعي

وقصة هذه القصيدة كان الشاعر مبارك فايز البخيِّت السبيعي
في منطقة بحرة محافظة جدة عام 1395هـ
وكان بيته مفتوح لجماعته وجميع من يقصده وفي احد الايام سيّر عليه مسايير من جيرانه وأبناء عمومته وقاموا ينصحونه عند الكرم وكان يسوي لهم القهوة على النار ودق البهار في النجر
وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وش بلاك يا البخيّت عسى ما شر ؟
تراك خربت الشغلة ! .. قال : لا أنتم اللي خربتوها
ومن الغد قالوا له : هل الهوجاسة التي بالأمس أتت لها بنتائج
فقال : نعم

وقال هذه القصيدة المشهورة

سجه مـع الهاجـوس طبيعـة ٍ لـي ّ
طبيعـةٍ بمـوت ما جـزت عنهـا

أشكي على الخلاق وارفع لـه إيـديّ
لاكثـرت الأفـكـار يـفـك منـهـا

أما الكرم قد فـاز بـه حاتـم الطـيّ
حتى الفرس من شان ضيفه طعنهـا

خلوني أكرم في حياتـي وأنـا حـيّ
ولا مت مـدري جثتـي مـن دفنهـا

خلقت في الدنيا وأنـا ما معـي شـيّ
وبروح منهـا ما معـي شـي منهـا

مسكين ياللي تحسب الواجـد شـويّ
والعافيـه لـو تنشـري وش ثمنهـا

يا جاهـل الدنيـا تراهـا كمـا الفـيّ
يا مخبل اللـي فـي حياتـه ومنهـا

إن ناحرت لك قامت تـروح وتجـيّ
مثل الذلـول اللـي طويـلٍ رسنهـا

وإن أدبـرت خلتـك طايـح ومرمـيّ
وكم واحـد ٍ لـه حاجـةٍ ماضمنهـا

لابد ما نرحـل عـن المـزح والغـيّ
ونسكن بيـوتٍ قبلنـا مـن سكنهـا

النفس مثل الغصن عايش على الـريّ
ولولاه كـل النـاس عافـت وطنهـا

يالله عسى الحسنات تقضي على السيّ
لا قربـوا للنفـس ذرعــة كفنـهـا

المصدر: الملتقى الجماهيري للشاعر محمد بن فطيس المري

صح لسانه اذا عايش
والله يرحمه لو هو ميت
قصيده جميله جدا والأجمل نقلها لنا يالفلوه

جميلة جميلة جميلة صح لسان شاعرها لجمال هذه القصيده


ولا هنتي يالفلوه على الاختيار الراقي



اشكرك على الطرح المميز



تحيتي وتقديري ونجومي وتقيمي وفقكِ الله

خلقت في الدنيا وأنـا ما معـي شـيّ
وبروح منهـا ما معـي شـي منهـا

مسكين ياللي تحسب الواجـد شـويّ
والعافيـه لـو تنشـري وش ثمنهـا
الله الله
أبيات في قمة الجزاله والمعاني العذبه
أبيات من زمن جميل وعقول واعيه
تسلم يمينك يالفلوه على هالطرح
ودي

اقتباس:
المشاركة الأصلية كتبت بواسطة رشيد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانه اذا عايش
والله يرحمه لو هو ميت
قصيده جميله جدا والأجمل نقلها لنا يالفلوه


نورت خيي ويشرفني حضورك تقديري لشخصك

اقتباس:
المشاركة الأصلية كتبت بواسطة لولوه المري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

جميلة جميلة جميلة صح لسان شاعرها لجمال هذه القصيده


ولا هنتي يالفلوه على الاختيار الراقي



اشكرك على الطرح المميز



تحيتي وتقديري ونجومي وتقيمي وفقكِ الله




نورت عيوني مرورك يشرفني وحضورك هو الجميل
يسلم قلبك

اقتباس:
المشاركة الأصلية كتبت بواسطة ماجد الشيباني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
خلقت في الدنيا وأنـا ما معـي شـيّ
وبروح منهـا ما معـي شـي منهـا

مسكين ياللي تحسب الواجـد شـويّ
والعافيـه لـو تنشـري وش ثمنهـا
الله الله
أبيات في قمة الجزاله والمعاني العذبه
أبيات من زمن جميل وعقول واعيه
تسلم يمينك يالفلوه على هالطرح
ودي

نورتني خيي وتقديري لسموك
وشرفتني بحضورك تسلم ودمت بسعادة

اإن ناحرت لك قامت تـروح وتجـيّ
مثل الذلـول اللـي طويـلٍ رسنهـا

وإن أدبـرت خلتـك طايـح ومرمـيّ
وكم واحـد ٍ لـه حاجـةٍ ماضمنهـا

لابد ما نرحـل عـن المـزح والغـيّ
و نسكن بيـوتٍ قبلنـا مـن سكنهـا

النفس مثل الغصن عايش على الـريّ
ولولاه كـل النـاس عافـت وطنهـا



الفلوه لاهنتي


يسلم ذوقك على الاختيار الراقي


تحياتي وتقديري