ماجد بن خرصان ~ الخوه الخوه

ماجد بن خرصان ~ الخوه الخوه

الخوه الخوه



صبرك على ضيم الزمن والمقادير
وحذراك نفسك ﻻ تلبي شغفها
اضحك ....ولو ان الليالي معاسير
خلك مع الي..دمعتهه ماذرفها
ﻻ تنطرح-للياس ...وتوقف السير
اطمح ونفسك حقق الها هدفها
والحاجه....الي تجعلك عبد-للغير
جنب مسالكها .....وﻻ تقترفها
وزلة رفيقك ......دور لها معاذير
ان كان كفو ..وطيبته تكتشفها
وزلة بني عمك ....ليا جاتك يصير
واجب عليك... تصد ماتعترفها
وان كان همك بالزماآن ...الدنانير
انشهد ان نفسك بيكثر حسفها
وان كان همك تكسب الناس بالخير
انششهد ان ..الصايبه تحترفها
والخوهه الخوهه ... تراها معايير
تميز قروم الرجال ...وهطفها
خوتك.......لزحول الرجآل المناعير
تعز نفسك .....ويتعالا شرفها
وخوتك......للي يجلبون المخاسير
مصيبة" ياليت شعري وصفهها
#ابن_بديع قال: بيته ..وانا اشير
اليه دون اهل الفقال وسخفها
الصحبه-الي ....ماتدلك على خير
الله يلعنها .......ويلعن جدفها



ماجد بن خرصان

المصدر: الملتقى الجماهيري للشاعر محمد بن فطيس المري

ماجد بن خرصان

صح لسانك خيي وتقديري لشخصك وعتلا شانك قصيدة مميزة فيها من الحكم والنصح الجميل
أبدعت هنا ويسرنا تواجدك بيننا فمرحبا الف بقدومك وردوياسمين لقلبك دمت بسعادة
تقييمي لسموك

لاتنطرح-للياس ...وتوقف السير
اطمح ونفسك حقق الها هدفها
والحاجه....الي تجعلك عبد-للغير
جنب مسالكها .....وﻻ تقترفها

الله الله
على هالبدايه القويه اخوي ماجد خرصان
وصح لسانك بوح مميز
كلمات عذبه وجزله ومعبره بمعانيه القويه
قصيده تحمل فيها الكثير من الحكم والامثال الحكيمه
امتعت دائقتنا بطرحك الراقي والجميل
تحياتي لك

صحت ابدانكم ياغالين

ماجد بن خرصان

يعطيك العافية قصيدة جزلة ورائعة صح لسانك ولا هنت


تحيتي وتقديري وتقيمي

صحت ابدانكم جميعاً