ماجد بن خرصان ~ طفيت انوار المدينه

ماجد بن خرصان ~ طفيت انوار المدينه

طفيت انوار المدينه


طفيت انوار المدينه . . .واظلم الدرب الطويـل
والظلام اصبح يسيد....بكل صوب ومتجّه
طفيت انوار الشوراع..واختفى البدر الجميل
والقمر . . . ماعاد يعطي ليلي المعتم وجه
نجمة الذكرى تسامر. . . قلب مكسور وعليل
كن بيني والشقاوه . . . .عرق ودٍ وانسجه
وابتسم لليل واضحك ...والزمان اصبح يميل
وحظي اللي كان مايل صار به زود عوجه
في غيابك يامسافر . . صارت دموعي تسيل
اي ذكرى عنك لازم .... دمع عيني تدرجه
في غيابك وش بقى لي!دامك انت اغلا خليل
غير حرفٍ منسجن . .عجز يلاقي مخرجه
طالت الغيبه وعيني ..في رجا وصلك واشيل
في وسط قَلبيّ كلامٍ ..صعب والله اخرجه
صرت انا مثل اليتيم . .اللي يضيق بكل ليل
والدفاتر من دموعه . . .ضايقات ومُحرٓجه
صرت آنآ مثل الغريب اللي غدى عابر سبيل
لا المدينـه ضمتـه . . . . . ولا يـدل المتجـه
داوني بالوصل يلي . . شوفتك تشفي الغليل
وانت وافي والوفاء . . .قَلبك تسيد منهجه
عجل عليَ ارجوك . . ياسيد الغلا ياسلسبيل
'صدري كتوم وخوفي عيونيَ تسوي دبلجه'



ماجد بن خرصان

المصدر: الملتقى الجماهيري للشاعر محمد بن فطيس المري

طفيت انوار الشوراع..واختفى البدر الجميل
والقمر . . . ماعاد يعطي ليلي المعتم وجه

صح لسانك اخوي ماجد
ابيات جميله خطها شاعر متمكن
ولاهنت

صّح بدنك وتسلم على الاشاده

كالعاده طرح رائع قلم جذاب
سطور غنيه بالابداع بحق سلم لنا بوحك وبنينك
ولاعدمنا هذا التالق ودي يسبق ردي

آلله يسلمكمم ياغالين

الشاعر ماجد بن خرصان

صج لسانك ولا هنت ابيات جميلة مؤثرة

تحيتي وتقديري

صّح بدنك ولاهنت