اعذروني

اعذروني

حطني حــارس عــلى بابك خفير = واعطني كل الاوامر للخفارة
واعرف اني صاحي ولالي شخير= اشهد ان الظبط فوق الربط تارة

والامارة مالها الا الاامير = قالها اللي كان يحلم بالامارة
حلم ماتحقق ولاظني يصير =والطريق اسمر وبالشارع اشارة

وسالفه ضلت على ظهرالبعير =جرح في قلب المحب اصبح شعارة
الوفا طبعه ولافكر بغير = حب من حبه ولاغير مسارة

قالوا وش تحلم امير وقلت غير= مقصدي غامض ومن خلف الستارة
الفراش اللي على حضن السرير= والنعومه والستاير والاأنارة

اعذروني قمت أخرف بالكثير = بالسما نجمه وفي ارضي منارة
والهوى راعيه لو انه صغير = يستجن وصار ودة بالا اثارة

طفل يكتب شخبطه ويرسم كسير = من يفسر رسمته رغم انكسارة
قام يكتب حرف بالسطرالاخير = ظنه انه قد كتب اعظم عبارة
اعرف ان الوضع ياعالم خطير = من تولع في الهوى بان انحدارة

المصدر: الملتقى الجماهيري للشاعر محمد بن فطيس المري

موسى ابو مشهور
صح منطوقك قصيدة مليئة بالجمال والعذوبة لا يكتبها الا شاعر متمكن مثلك

تحياتي

تسلم يالامير على هالقصيده الجزله

الاخ الشاعرعلي المحوري لاعدمتك على تصفحك العذب

الاستاذ -
ماجدالشيباني ) ارحب ارحب
متصفحك راااااقي
لاعدمتك