ҳҲҳ دفْتَرّ أَيّامِيِ الضَايِعْ ҳҲҳ

انا جيت عندك خلف بابٍ بطا مصكوك
ولا جيته ألّا ازيد قفلٍ على إقفالك

عبدالعزيز الهزاع

ما كل شيءٍ ابتسم له عجبني
وما كل من يسكت عن الحقّ شيطان

الحق الى منّه وقف وانتدبني
اهْرِجْه للّي حطّ للعدل ميزان

عبد العزيز الهزاع

كلّ شي بعيون خِلّي قال لي : كِلّش يهون
للّقا بك عين تبكي وعين تفرح في لقاك

عبدالعزيز الهزاع

تشتاق يا قلبي ولِي عين تحتار
وشلون يسلا خاطري وانت ضيقي

خيّرتك وعيّيت تقنع و تختار
ولازمت شوقك لين نشّفت ريقي

عبد العزيز عبد الله الهزاع

أنا هنا لجلك فلا تقول (وينك) ..
(وينك) تكفّي يوم ما كنت موجود

عبد العزيز عبد الله الهزاع

قمت اتنازل عن بعض اقتناعاتي
من اجل غيري يوصّل لي مفاهيمه

من وين يا قلب احساس الوفا ياتي
لا خابت الهقوه وخابت مزاهيمه

عبد العزيز الهزاع

ما هو بخطا لا جيت له مندفع شوق
بس الخطا تشتاق من لا يريدك

يا صاحبي عينك على خالقك فوق
دام الوصل لدواك ما عاد بيدك

عبد العزيز الهزاع

مبحر وعقلي داخله زحمة أفكار
مِمّن يبي يزعج هِدوّ اسماعها

وقتٍ عليه ادفن قديمات الاسرار
للّي وضِحْ سعيه عليّ بارجاعها

وان جاك ذمٍّ لي من النّاس يا جار
مانيب ولِيّ النّاس فيّ أطباعها

الله خلقنا وخالقٍ جنّه أو نار
ولا عاد تشغلني على من باعها

ترا المنافق (غصن) ينبت لك ازهار
مَظّهْرَها لو (يجْذِبك) (تِنسى) أشّبَاعَها

كلٍّ وله نظره وللناّس منظار
والخايب اللّي عايشٍ لإوجاعها

ونا كبرت وبداخلي كبر الأبرار
على ضعاف النفس وسقم اتباعها

والسلعه اللّي تنشري لجل الاضرار
إشْره على الشاري قبل بيّاعها

ينقل بها بين العرب كذب الاخبار
ويسعى بها بهروج زيفٍ شاعها

وش مطلبه ! مدري؟ أفكّر و محتار
الله على الدنيا و كثر أوضاعها

ذا مجتمعنا صار يكبّر له اصغار
وما عاد تعرف وش ورا طمّاعها

يا كم سعينا لجل تجمعنا الأقدار
ونكسب قلوب النّاس لجل إجْماعها

ونا على ما قلت مبحر بالأفكار
ممّن يبي يزعج صفاة أسماعها

وان جاك ذمٍّ لي من النّاس يا جار
مانيب وليّ النّاس فيّ أطباعها

عبد العزيز الهزاع

غبت عن عيني ولا عاد شفتك
غبت ومدري وش ابي غيرك اشوف
والندم ما مرّني من عرفْتك
لين غبت وهمّني ضيقٍ و خوف


عبد العزيز الهزاع

السلام عليكم ورحمة الله يالشاعر هذي قصيدة ( احساسي اكبر من محبين الاحساس ؟ )بانتظار ردك
……… ..
…… ..
……
… ...… .
˒ وعليگم السلآم ورحمة اللھ وبرگآتھ , ♚ ♡
اخوي اسمك غير مذكووور فالتقييم
وللتوضيح هذي بيتين لي اذا تقصد…

احساسي اكبر من محبّين الاحساس
تاج المعاني في حروفي ونظمي

دامك تعاملني مثل باقي النّاس
انا ترى طبعي مع النّاس رسمي

عبد العزيز الهزاع