ماعطيتك من غلاي الصادق الا كلـه..

ماعطيتك من غلاي الصادق الا كلـه..

بسم الله الرحمن الرحيم,,
السلام عليكم ورحمة الله وبركاته,,
أسعد الله صباحكم ومسأكم بكل خير وسرور,,
أبيات متواضعه علها ترتقي لذائقتكم الراقيه,,

القبايل سلمها لهل المحبه عله=تودع الحيين في غيض الممات الحامي
مل قلب ٍ كل مايشتاق ألا يامله=ينقل أوجاع الحياه وضحكة الاحلامي
ماوقفت أبني من الامال كيف أوصله=للفضاء رواد والبيداء لها الاقدامي
وأنت في روحي مكانك ماحد ٍ يحتله=خل عنك أهل الحسد والي تجيب ايامي
ماعطيتك من غلاي الصادق الا كله=ولا خفيت من المحبه غير جرح ٍ دامي
لين صرنا للسلوم وللمبادي زله=مادمحها غير نسناس الهبوب الشامي
صار فكري للطواري والهواجس حله=دكته من عامها الاول وهذى العامي
كل ماسجيت سيف الذاكره تستله=كني أشوف السنين الجايره قدامي
فالمكان الي شهد في ماجرى لي ضله=إفتراق الشمل سم ٍ في حشايه سامي
ياعسى ذيك المنازل للمزون تعله=لين ينبت عودها الذاوي ويروى الضامي
في مثانيها جرى بين الخليل وخله=قصة ً ماشيـٌُـعت في ساحة الاعلامي
مابقى غير الكتاب وكل ليل أفله=وأدفنه لاضاق بالي تحت ذاك الخامي
وسلامة نواظركم وقلوبكم,, خالد العبيريد.

المصدر: الملتقى الجماهيري للشاعر محمد بن فطيس المري

صح لسانك
شعر أصيل وكلمات تستوطن القلوب

حياك خالد على هالابداع

صح لسانك واعتلى شانك
شاعر عذب ومميز بقريحتك الجزله وخيالك الواسع والجميل
وتسلم يمينك على هــــــــــــــــ الطرح
ودي

مابقـى غيـر الكتـاب وكـل ليـل أفـلـهوأدفنه لاضاق بالي تحـت ذاك الخامـي
..صح لسانك ياخالد .. ابيات رائعه

الريح ماجد عزام،،

اهلا وسهلا بكم الله يحييكم،،
صح الله ابدانكم وصحة قلوبكم ولاهنتم ،،

شرفتموني بحضوركم وحسن اطراءكم لاخلا ولاعدم.

خالد العبيريد

هنا أستوطن الجمال.
لاعدمنا جمال قلمكَ سيدي.
كن بخير.