محاورة بين الشاعر عيضة السفياتي والشاعر ردة السفياني

محاورة بين الشاعر عيضة السفياتي والشاعر ردة السفياني

عيضه السفياني
هلا مرحبا والعيد باقي عليه اسبوع
ولا ادري من اللي في المعايد يعايدنا
نبأ نجمع اصحاب المشاريع في مشروع
وتاجر ولد طحنون ماهو مباعدنا

رده السفياني
لعل البقا لك والضما بالمطر مقطوع
وانا وانت كم ليله ي عيضه تقاصدنا
إذاعة دبي من العصر صوتها مسموع
وفيها مذيعٍ عملته ماتسددنا

عيضه السفياني

عزمنا ولد زهران وأثر الولد مقروع
وهالحين مع مستر عطيه يعاندنا
نبأ نرفع الحجة على الفاول المرفوع
وتسعين منكم ماتسدد في واحدنا

رده السفياني
عزيمتك ياعيضه تسد الظما والجوع
لو ان الظما والجوع ماهو بشاهدنا
شباب اليمن يمشون مع صالح المخلوع
وصالح بعد ماطاب كفه يهددنا

عيضه السفياني
سحابة شتانا سيلها يشرب القرطوع
ومولودنا يطلع مطاليع والدنا
نبأ نستعن بالله على الفاس والفاروع
ولن كان عدتم يابني صاهله عدنا

رده السفياني
ترى في السحابه برق والبرق له موضوع
ي كثر البروق اللي تغير عوايدنا
ابعطيك فرصه والسمن سال لين الكوع
ولن كان ماصدرتنا لا توردنا.

عيضه السفياني
عريب العرب قامت تلالي لبن قشموع
وحنا رفاقه وال ساعد سواعدنا
يارده ولد رداد عنك الرضى مرفوع
تبا تقسم الصفين ولا تقاصدنا

رده السفياني
تصدق هذاك اللي يقول الغلط مرجوع
وغيرت حرف القافيه في قصايدنا
ي عيضه محمد وانت في مامنك مفجوع
اجل كيف لو جالك طلب عند سيدنا

عيضه السفياني
سلمنا سلمنا مال سالم ولد كتوع
قعدنا لواقفهم وقفنا لقاعدنا
يارده ولد رداد يالشاعر المدفوع
ليا زادت الدفعه على شاربك زدنا

رده السفياني
عساها سلامه دايمه والشجر مزروع
وظل الشجر ماينقصر عن حدايدنا
انا لو نزلت السوق مابشري المبيوع
وكم ناس ياعيضه محمد تقلدنا

عيضه السفياني
ترى المشكلة ياصاحبي ضرسها مقلوع
وانا اللي محول به على راس حاسدنا
قرينا أية الكرسي على سمنها المنقوع
وبراقنا غطرف لها قبل راعدنا

المصدر: الملتقى الجماهيري للشاعر محمد بن فطيس المري

بصراحه الشاعر رده شاعر متمكن لاخر حد من التمكن
بدون قصور في الشاعر عيضه ايضا شاعر المليون على مااعتقد لكن ابيات الشاعر عيضه ارا ان اغلب ابياته شطرينها غير متناسقه مع بعض بعكس الشاعر رده وهذا لايعيبه فهو شاعر لايشق له غبار في النظم اما الشاعر رده اول مره اسمعه واعجبني حدا جدا
لواني اخذت على بيت الشاعر رده اللي يقول فيه البرق له موضوع
لكن اذهلني في قوة ترابط واناسق ابياته
عيضه يقول (عريب العرب ارا ان التصعير هنا لايخدمه
ويقول ايضا السيل يشرب القرطوع غير مبرر
ايضا الشاعر رده يقول ولن كان ماصدرتنا لاتوردنا اتى بالتصدير في زمن الحاضر والورود في زمن يعقبه وهذا خطا لكن ميدان المحاوره يحتاج للسرعه ولايعتبر انها خطا فادح بما انها جرت في الميدان لان ارتجال البيت في الميدان ليس بالسهل وكثرا الله خيرهم على هاالمحاوره وصحت السنتهم وصح نقلك اعذرني اخي عبدالله ربما يكون نقدي غير صحيح فجل من لايخطي

ولك الحريه في نقد ماانقله من محاورات او قصائد نظم

ودي استفسر هل هو عيضه شاعر المليون لاني لااعتقد من خلال هذا الشطر (قعدنا لواقفهم وقفنا لقاعدنا

سلمت ع النقل
وصحت الألسن على هـ الإبداع

مشكور اخوي