يا قمة إحساس المشاعر هلا بك

يا قمة إحساس المشاعر هلا بك

---------
فايز الخشيف

.
ان جيت ماجيتك على شان أحاسبك
ولاني مدور عن سبايب غيابك
.
جيتك وله قلبا قضى من سبايبْك
ميت وشوف شلون فجاه حيابك
.
يا من بظل الضلع زادت عطايبْك
فج النحر واتشوف تالي خرابك
.
شوف العروق الميته من مصايبك
ولا الجروح الدامية من عذابك
.
استغرب الهجران منك واعتابك
واستغرب التغيير واللي جرابك
.
وانت الذي بالحب عايش تجاربك
ذقت العسل والمر باقي شرابك
.
ابسالك يا منيتي ويش صايبك
وانا اذكر ان الحب قبلي سطابك
.
واذكر بانك يوم تفقد حبايبك
لو هو حلم يا شين تفقد صوابك
.
وطيف الغلى لا لاحلك ثم جانبك
خلى مشاعرك ببعضها تشابك
.
وتعدي المرقاب هما يصاحبك
والشوق سرّاك بجنون وسرابك
.
وما جابني ياما من البعد جايبك
شوقاً يهز احساس حضرة جنابك
.
والروح فرحه والمشاعر تجاوبك
يا قمة احساس المشاعر هلابك
.
وان كان لي شرهة فانا اليوم طالبك
لا تمتحني في غلاك وغيابك



.

المصدر: الملتقى الجماهيري للشاعر محمد بن فطيس المري

رشيد صح لسانك
رشيد لاهنت
رشيد الله يعطيك العافيه
رشيد الله يقويك
رشيد قصيده جميله وشاكر لك
رشيد تقبل مروري .

رشيد كل سنه وانت طيب سنه جديده
1434هجري اسال الله العلي الكريم
ان يجعل هذه السنه تدخل عليك بالخير
والسرور والافراح تقبل مروري .

بيض الله وجهك اخوي مخاووي
ورفع قدرك وشأنك وجعلك من اهل الجنه

و عليكم السلام و الرحمة
صح لسان من قالها
و لا هنت خووي ع الطررح الجمييل
لك تقديري ,,

حفظكم الله ورعاكم