عمارات وبنوك

عمارات وبنوك

.

امنت بأني عبد والعبد مملوك

للي رفع سبعٍ وسبعٍ مهدها !!

حتى لو اتملك عمارات وبنوك

لابد ما نفسي تلاقي وعدها

لو ابلغ الافاق في وسط ماكوك

مصير نفسي تنطرح في لحدها

والأمر للي كون الكون متروك

نفسي بلا عونه ضعيفٍ جهدها

والقلب طيرٍ بين الأضلاع مشبوك

يعجز يجيب الحاجه اللي فقدها

ماكل ما يستهوي النفس مدروك

ولا كل من شاف المخاطر وردها

حتى سلاح الوقت للناس مفلوك

دقايق الساعات يمضي عددها

والمرجله مطمع مماليك وملوك

كلٍ على مر الليالي نشدها

تبين في رجلٍ من الوقت معروك

مواقفه بالطيب كل ٍحمدها

بابه عن الضيفان ماهوب مصكوك

وكفه من المدات يرعد رعدها

-

عايض ابوشيبه السبيعي

.

المصدر: الملتقى الجماهيري للشاعر محمد بن فطيس المري

صح لسان الشاعر ،، وتسلم على النقل

ابدعت وامتعتنا بهالقصيده الجزله والعذبه
تسلم يمينك اخوي رشيد

تسلم يمينك وذوقك اخوي رشيد على هالنقل الرائع

تقديري لشصك الكريم

لي المحوري;376177تسلم يمينك وذوقك اخوي رشيد على هالنقل الرائع

تقديري لشحصك الكريم

تعديل خطأ مطبعي

صح لسان شاعرها ولا هنت رشيد


تحيتي وتقديري

وفقكم الله ورعاكم
-
رشيد