الغلا النادر

الغلا النادر

.
.

كل ما لاح برقٍ يمّة القبله عيون الغرام تخيله
في حراويه نبضات الخفوق تسابق ابروقه وهتانه

ليت وسم الغلا وبله على روض المحاديب يدرج سيله
لين تروى معاليق الخفوق وتثمر وروده الذبلانه

يجذب الشرق غرب الود وأحلام الغلا والنهار وليله
والعيون وهدبها والنحر والموت ما يشبه الرمانه

والمحبه ثقيلة والدروب طوال والبعد ما يا ويله
وان بدى ما لقى من يدخله والوقت ما يعتدل ميزانه

وان شكا ما اشتكى لأقرب قريب ولو قلب في دلاله هيله
يقضب البوح شرهات المقام وناتج الجمر من دخانه

وان توجَّد على وسم الغلا ذاق العنا والظنون مهيله
والغلا النادر المفقود نغماته بوسط الحشا رنانه

وكل حلم محال وحال حوله ما حدن قد عرف تأويله
غير صوتٍ ندهلي بالوله وانهل من عبرته برهانه

وامتلكني هواه وحسن ادابه وانفرد بالوفاء عن جيله
والله إن الهيام شوي في حبه وفي سيرته والحانه
.
-

الشاعر: حمد الأسعدي


.

المصدر: الملتقى الجماهيري للشاعر محمد بن فطيس المري

قصيده جميله ، صح لسان شاعرها، وتسلم ايدك💭✨

سلمك الله ياريف
نور المنتدى بتواجدك