البحث

البحث

ابحث ودور بين من جاء ومن راح
والبحث تالي الوقت بين حصيله

الطيب لطيب كما نور الاصباح
يشع فعله بين يومه وليله

الطيب اللي سد عن روس الارباح
مكسب ووقت الصاملة من مثيله

ياقف ويعمل خير والسد ماياح
هذا الحزام ولايضوي الفشيلة

مابين تكفى والفعل مثل مالاح
براق في مزنه يروي مسيله

ردد شعر حسان عن ماضيا راح
يقول مضمون المقالة دليله

حنا عرب واهل الفعائل والامداح
المجد مجد العرب ماشي بديله

رجال وعصامي وصادق ومزاح
يروي قصص شد المتابع مقيله

ان قال يذهل كأنه الطيب لفاح
يعلق صدى قوله ويطرب قليله

فارس يجيد الرمي من قوس ورماح
يعسف من الخيل الخيول الاصيله

عبدالله جابر السفياني

المصدر: الملتقى الجماهيري للشاعر محمد بن فطيس المري

شاعر جزل وكالعادة تحرك مشاعرنا بأبياتك العذبة وصح لسانك