شوفوا الفرق بينا وبين الياباان!!!!!!

شوفوا الفرق بينا وبين الياباان!!!!!!

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

فللللللللللله

ههههههههههههههههههههه





هل تعلم أن اليابانيين أكثر شعوب العالم المتقدم حرمانا من العطلات ،

اذ لا يتعدى متوسط اجازاتهم تسعة أيام في العام

بينما الفرنسيون هما أصحاب النصيب الاكبر من العطلات

بمتوسط يبلغ 34.5 يوم سنويا.

وتمنح الولايات المتحدة العاملين ثاني أقل عدد من العطلات سنويا

بمتوسط 17 يوما يأخذ معظم العاملين منها 14 يوما ،

ويمنح النيوزيلنديون 19.5 يوم سنويا يستهلكون منها نحو 17

بينما يستخدم الاستراليون 16.5 يوم تقريبا من اجمالي العطلات وعددها 20 يوما.







مساكين يا اليابانيين

صدق أنكم شعب محروم من الراحه

تهجولون في ذا الدنيا لا راحه ولا نوم ولا فلة حجاج

علشان تقدمون اختراعات تفيد الانسانيه



وخلوا الانسانيه وسوني ومتسوبيشي وتويوتا تنفعكم

اقول خلوكم مثلنا بس

والله يالانسانيه ما قامت ولا قعدت عندنا

فالين ام الحياة.. اجازات ونوم وتسدح وتبطح ولله الحمد والمنـه





شوفونا ايام السنه 365 واجازتنا 355 يوم





الموظفين..شهر أجازه نظاميه و10 ايام اضطراريه

و3 شهور تروح ما بين اجازاة وفاة والديه وعمانه وعماته وخواله وخالاته

وامهاته من الرضاع وابوانه من الرضاعه واصدقاه من الرضاع



الموظف السعودي هو الوحيد في العالم اللي تتوفى له 12 جده و12 جد في السنه..

ومنها شهرين استئذانات من المدير علشان يجدد الرخصه والاستماره

ويضيف ولده في دفتر العائله ويسجل ولده الثاني في المدرسه

ويطلع ولده الثالث من مرورالناصريه ..

و55 يوم يطلع من الدوام يبلغ الشرطه عن شغالته المنحاشته





و3 شهور اجازات مرضيه منها شهر ونص في السنه

اجازات خلع اسنان .. تماسيح مهوب موظفين
وبعدين مدري وش ذا الاسنان اللي يخلعونها وتنبت ..



تصدقون يا جماعه ان بعضهم يكون باقي عليه ويتقاعد سنتين

ويجيب اجازه مرضيه بسبب خلع ضرس عقل

واللي موقع الاجازه طبيب نساء ولاده





والطلاب والطالبات اجازات الصيف 3 شهور

ومعها مكرمه من اهالي الطلاب نص شهر

واجازة حج 20 يوم

معها مكرمه 10 ايام من اهالي الطلاب والطالبات



و10 ايام اجازاة نص سنه

ومعها 15 يوم مكرمه من اهالي الطلاب والطالبات



واجازة ربيع ومعها 15 يوم مكرمه من اهالي الطلاب والطالبات

واجازات امطار واجازات غبار

وغيابات بسبب الانفلونزات

وغيابات للطلاب بسبب هزايم فرقهم..

واللي مسكوه المرور وخلوه يفك انوار الزينون

وعلم ابوه ولعن جدفه ..وتعبت نفسيته



وغيابات للطالبات بسبب ان بطونهم توجعهم

وغياب لان نفسياتهم تعبانهم ..



واسباب تعب نفسيات البنات متعدده

اللي قصت شعرها وطلع وع

واللي محد عطاها وجه على البي بي

واللي طلعت لها حبة شباب في خشمها

وقاعده طول الليل تراقب ذا الحبه لين تعبت نفسيتها ..

ميسي مهيب حبة شباب

الزبده أن الطلاب ما يصفى لهم من دراسة ال8 شهور الا 18 يوم



اما المدرسات والموظفات فحدث يا اها بس ولا حرج

اجازات مثل الاجازات الرسميه للطلاب والطالبات

واضيفوا لها اجازات مرضيه اثناء الحمل

واجازات نفاس ممكن توصل ل 3 شهور

عشان كذا ذا المدرسات هم اكثر من يحمل ويولد

بزعمها انها بتكثر امة الاسلام وهي تبي تتبطح وتتسدح



طبعا اضافه للاجازات المرضيه بانواعها

المدرسه تراجع كل التخصصات الطبيه علشان تجيب منهم اجازه

اسنان وانف واذن وباطنيه وبوليه وجلديه ونساء ولاده

وعظام واصابات ملاعب



وأجازه علشان فيها ضيقه وشاكه ان منظوله

على طاري الضيقه ..

قسم لو للرقاة الشررعيين صلاحيات متح اجازات مرضيه

ان ما تلقون مداوم في مدارس البنات الا البواب والفراشه و5 طالبات دافورات



نرجع لمحور حديثنا ..

وغياب بعض ايام الاربعاء لانها بتروح لزواج

ولازم تمسك سرا عند الكوافيره من الضحى



واجازه مرضيه بعض ايام السبت لانها كانت عازمتن حمولتها وتعبت

مع ان حمولتها كانوا عندها يوم الاربعاء ..

الحين الشغاله هي اللي تتعب والمدرسه هي اللي تاخذ اجازه!!!





انا اقترح اقتراح بيفيد الانسانيه

وهو اننا نتناسب انا واليابانيين

نتزوج منهم ويتزوجون منا



نعطيهم مما اعطانا الله من زود العيون

ويعطونا مما اعطاهم الله من زود العقول

نعطيهم مما اعطانا الله من الحرص على المظهر

ويعطونا مما اعطاهم الله من الحرص على الجوهر

وبكذا بننتج للانسانيه نسل يحبه قلبها..

والله يا نها بتنبسط فينا ذا الانسانيه





هاه !!



لا لا



هونت عن اقتراحي

اخاف ان تاثيرنا يكون اقوى

في الفهاوه والدلاخه والرفاله والرباده



وتاثيرهم يكون اقوى في صغر العيون وحب الجوهر

و تطلع عندنا سلاله تحوم التسبد

همن عاد تقعد بها الانسانيه ..

دلاخه وعيونن نقوب ..

ولا مظهر ولا جوهر ولا سوني ولا متسوبيشي

ولا حتى تويوتا يارس قيير عادي

المصدر: الملتقى الجماهيري للشاعر محمد بن فطيس المري

ههههههههههههههههههههه
صدقيني لو ناسبناهم بتعديهم (بنخرربهم ...
عاد نتوررط ع قولتك هههههههههههههههههه
عواافي تقبلي مرؤؤؤؤؤؤؤري ..
خيتك شهوونه

طرح راقي ووافي .. لاعدمت تميزك الدائم .. لك فائق تقديري واحترامي ههههههههههه فرق كبير يعطيك العافيه

لبى خشومكن عالمروور الاحلى مني ومن موضوعي لبااكن بس "تحيااتي

هههههههههههههههههههههه
مــــوو...فرق وبس
إحـــنــا الحمدلله طول السنه اجازه...
وترى والله بعض السعوديين أذكى بمليون مـــره من اليابان
ويقدرو يخترعو...أكثر منهم بس هما محطمين انفسهم
أهم شي إجازه مافيه مدرسه ارتحنا...

فديتك عالرد الحلو يسلموا "تحيااتي"

الله الله عليك معلومات حلوه لكن أنا أشوف ان كل ما صارت الامور وسطيّه وعقلانيّه كل ما صارت أفضل وأحسن

قال تعالى (وما خلقة الجن والانس إلا ليعبدون) .............

مشكوره على هذا الطرح الجميل تقبلي مروري حماك الله

"روج بالعسل"
انا ما اااقوول غير الله يعين اليابانييين علينا الأوول أأحمد الشقيري سوى برنامج عنهم وعن نظامهم وتقدمهم الا ويجيهم هاك الزلزال اللي عدمهم العافيه واللحين شوفي ايش بيجيهم من ورا موووضوعك خخخخخخ
ظنتي ما بتقوم لهم قووومه بعد كذا ...أأأقووول ما لهم الا انهم ياخذووون فضلة فناجيل العرب كلهم
كووود ترووح عنهم العين
بعدي يالعرب الكل يتقدم ويرووح ويجي واحنا مكانك سر ما ناخذ من الحضاره الا القشووور
مشكوووره "روج بالعسل"موضوووع توووب مثل صاحبته

ههههههههههههههههههه كان يمديني انتحرت كفانا الله
فديتج روج بالعسل ذووووووووووووووق يااابعد قلبيه
الحمدالله اننا عرب وخليجيين<<قصدها سودانيين

"بن سيف"
"سوافي الريح"لبى قلوبكم عالردوود فديتكم وفديت هالمنتدى
"تحيااتي"