تثورر مسدسات الياس بس الصبر كاتم صوت!

تثورر مسدسات الياس بس الصبر كاتم صوت!

بعد غياب ارجو ان تعذروني عليه اقدم لكم قصيدتي هذه:

تثور مسدساات اليااس بَس الصبرر كااتم صووت=على نفسٍ تموت ولا رضت تنزيل قيمتها
على شاطئ همومٍ ترتدي جنح الظلام بشوت=تحبك العبره وحزن القوافي من سياستها
تكسر سيف نفسي وانفجر بي ياسها الموقوت=ومرارتها طغت لين اطردت صافي عذوبتها
تحاول في طمانتها الدهور وتظهر الجبروت=ولازال الشموخ معززٍ فيها رفاعتها
هموم الوقت فيها تقتل احساس الأمل ويموت=ويحيا وايعزف للحان في مسرح جريمتها!!
ويشوف اللي بغى تحقيق أمانيه على ريموت=تمركز فيه همه والأماني خلف شاشتها
وأنا آثابر ولا آلد النظر لوشات ولا شموت=ولاهرج العقول اللي تحرك في فضاوتها
لأن العقل حبة لولو بمحارها المكبوت=ولي خذت اللآلي ويش يبغى في محارتها
رفعت الراس بالمرواس لو مالت علي وقوت=رست فيني طباعي والعرب هاذي طبيعتها
شهرتك ياقلم في المعركه يوم الشعر مبهوت=ونصرته مع رجالٍ صابت المعنى براعتها
وبنيتك يا قصيدي ياحياة الذكر بعد الموت=إذا كبد الثرى من فوقنا ضمت نصيبتها
لأن ابن آدمٍ مهما سكن في عاليات بيوت=بعدها يسكن اللي تحتها زادت طمانتها
قضى عمره يشوف أخطا ويلبسها لباس الكوت=تساهلها ولا فكر دقيقه في عقوبتها
ولا ياخذ من املاكه سوى قطعة كفن ملفوت=نسى منه وغامر في حياته لي نهايتها
عِبر....رددتها في القلب وأحلامه جلوس.....سكوت=تسمٌع بعد ما سالت بخد الجاش دمعتها
وفي لحظه تحط احزاني أفراحي لهمي قوت=وتسجن قلبي بتابوت ياسٍ من قساوتها
وفي لحظه ظهر قلبي بعز وحطم التابوت=وعطى شمس الطموح اللي توهج به مكانتها
تحت مبدأ يثور مسدس التدشين بأعلى صوت=لمشروع الأمال اللي نهايتها بدايتها

وسلامتكم

الشاعر/مسفر بن حمد بن العلاج العرجاني

المصدر: الملتقى الجماهيري للشاعر محمد بن فطيس المري

ارجو تنسيقها بشكل افضل عجزت انسقها........وشكرأً لكم

مسفر العرجاني .. ارحب يالغالي ومن طول الغيبات جاب الغنايم
وانت جايب لنا بعد الغيبه قصيده روعه اهنيك عليها
وصح الله لسانك وبيض الله وجهك

أمير الشريف صح الله بدنك واشكرك على الاطراء وما حروفي المتواضعة الا اقل مايمكن ان اقدمه لمثل هذا الصرح الشامخ بأهله المميز باسم شاعرنا ابوحمد الصرح الذي يحوي الطيبين شرواك ....اشكرك واطراءك شهادة لي ......تحياتي

من قصيدك الاولى وانا أراهن عليك

لله درك يامسفر قصيده زاخره بالمعاني

تقبل تحياتي

ونعم والله ياأبو حمد أبيات جزله وتشفع لراعيها عن الغياب
ننتظر جديدك ياأبو حمد

الله الله .. صح لسانك يامسفر


قصيده تعتبر هامه من هامة الشعر الجزيل ..

صح لسانك مدد لا عدد

ولمشكلة التنسيق

حاول أن تكون الكلمات في عنوان الموضوع مو مشابه للكلمات في داخل الموضوع


لاحظ الفرق بعد التعديل



هنا الكلمات المشابه للعنوان داخل الموضوع :تثور مسدساات اليااس بَس الصبرر كااتم صـووت

هنا العنوان :تثورر مسدسات الياس بس الصبر كاتم صوت!


لاحظ الفرق بين كل كلمة تفرق عن الاخرى بزيادة حرف او حرفين ..

اتمنى وصلت لك الفكره اخوي مسفر ..

ولا تحرمنا نبض حرفك يالقرم ..

أبو مشاري

؛
صح السانك
كلمآت القصيده جزله و رائعه
ومنتهى الروعه سلمت الآيآدي على جديدگ الرآئعِ.!
دمتِ / ودآم حرفگ ِ..
؛
تحياتي : كويتيه مجروحه

اقتباس المشاركة الأصلية كتبت بواسطة سلطان المري من قصيدك الاولى وانا أراهن عليك لله درك يامسفر قصيده زاخره بالمعاني تقبل تحياتي

سلطان المري ماعليك زود ولي الفخر بشهادتك وبيض الله وجهك على الحضور والمشاركة المشجعة....تـحياتي

اقتباس المشاركة الأصلية كتبت بواسطة أحمد اليامي ونعم والله ياأبو حمد أبيات جزله وتشفع لراعيها عن الغياب ننتظر جديدك ياأبو حمد

أحمد اليامي ماعليك زود والجزالة بحضورك الراقي ....لاهنت وبيض الله وجهك....تـحياتي