خل [ الشرِيفَة ] دوم عزك وموطنك .!

خل [ الشرِيفَة ] دوم عزك وموطنك .!

سلامٌ على من أتْبَعَ الهدى ,!


من الأرشيف وعلّها تصلُ لذائقتكم

خذ شمّخ الندرات وأعرف أصيلها=وجنّب حكاوي غثها في طويلهـا
وجمّل حضورك بين ربعك وعزهـم=واحرص على وصل القرابا تجيلهـا
وخل الشريفه دوم عزك وموطنك=وحمول ترمي بك على الطيب شيلها
وعز الرجال اللي تباشـر بجيتـك=واسرج لها خيلك مع اول صهيلها
وجنّب عن النفس البغيضه وعدْهَا=ماهيب من قدرك ولاترتخـي لهـا
ورجلٍ يعزك وان تعديت يشذبـك=مثل العقارب سمها وسـط ذيلهـا
ورجلنٍ يحبك في خفـاه وسريرتـه=مـن النـوادر نادراتـن بجيلهـا
هذا سلاحك لاطغا الوقت محزمك=يبعد عن الشكات ويوطآ رذيلهـا
دنيا العجايب تذهلك كان عشتها=ناسٍ على العوجآت تبنـي دليلهـا
من مدرسة دنياي عشت بتجاربـي=وآطآ على راس الشرار وفتيلهـا
زبدة كثير القول تبقـى لخيصتـه=ومن ساير الاقـوال دور جزيلهـا
أبقى على طيبك وحـذرا تبدلـه=الطيب عز النفس لو هو حصيلهـا
ولاتنتظر رد الجمايل مـن البشـر=أفعل فعول الطيب وانسا جميلهـا
والمال لو تجمع من المـال أكثـره=ماهو بمحيي النفس لحظة رحيلهـا
الصيت مثل الورث وأجمع بدنيتك=أفعآل لامن مت / كلٍ يشيلهـا
أجمع من الكنز الحقيقي مذآخـرك=وأترك هموم النفس وأطلق سبيلها

أرق التحايا
م ح م د

المصدر: الملتقى الجماهيري للشاعر محمد بن فطيس المري

يسلام عليك ياسميي
انت مبدع بحق لاهنت قصيده رائعه
وانت رائع

انتظر جديدك

يابن صياح لبا قلبك اشكرك على الابيات الراااائعه والاكثر من الرااائعه

ونا شهادتي فيك مجروحه تحياتي لسموك

تقبل مروري وشكري وبنتظار الجديد

وهاذا تقيمي لعيونك

نص شاعري يفوق الوصف ..

سبق وان اشدت في شاعريتك يامحمد

لله درك على ما كتبت وهكذا الشعر ولا فلا

دررر ستخلد على مدى التاريخ ..

لاحرمنا نصوصك يالقرم

ولا خلا ولاعدم


تقبل مروري المتواضع

صح لسانك أخوي محمد
مبدع وجزل ولاجديد


تحيتي لك

خذ شمّخ النـدرات وأعـرف أصيلهـا
وجنّـب حكـاوي غثـهـا فــي طويلـهـا
وجمّل حضورك بيـن ربعـك وعزهـم
واحرص على وصل القرابـا تجيلهـا
وخـل الشريفـه دوم عـزك وموطنـك
وحمول ترمي بك على الطيب شيلها
وعـز الرجـال الـلـي تبـاشـر بجيـتـك
واسرج لها خيلـك مـع اول صهيلهـا
وجنّب عن النفـس البغيضـه وعدْهَـا
ماهيـب مـن قــدرك ولاترتـخـي لـهـا
ورجــلٍ يـعـزك وان تعـديـت يشـذبـك
مثـل العقـارب سمـهـا وســط ذيلـهـا
ورجلـنٍ يحبـك فـي خفـاه وسريـرتـه
مـــن الــنــوادر نــادراتــن بجـيـلـهـا
هذا سلاحـك لاطغـا الوقـت محزمـك
يبعـد عـن الشـكـات ويـوطـآ رذيلـهـا
دنيـا العجايـب تذهلـك كــان عشتـهـا
نـاسٍ علـى العـوجـآت تبـنـي دليلـهـا
من مدرسـة دنيـاي عشـت بتجاربـي
وآطـآ علـى راس الـشـرار وفتيلـهـا
زبــدة كثـيـر الـقـول تبـقـى لخيصـتـه
ومــن سـايـر الاقــوال دور جزيلـهـا
أبـقـى عـلـى طيـبـك وحـــذرا تـبـدلـه
الطيب عـز النفـس لـو هـو حصيلهـا
ولاتنتـظـر رد الجمـايـل مــن البـشـر
أفعـل فعـول الطيـب وانـسـا جميلـهـا
والمـال لـو تجمـع مـن المـال أكثـره
ماهو بمحيي النفـس لحظـة رحيلهـا
الصيت مثـل الـورث وأجمـع بدنيتـك
أفـعـآل لامــن مـــت / كـــلٍ يشيـلـهـا
أجمع مـن الكنـز الحقيقـي مذآخـرك
وأترك هموم النفس وأطلق سبيلهـا

......................
محمد بن صبآاح،،
أشهد بالله،،
شهادة حق،،
إنك،،
شاعر جزل،،
ومن خيرة،،
الشعراء،،
اللي اطلعت،،
على قصائدهم،،،
وما هذه القصيدة،،
الهلالية،،
الا خير دليل،،
على كلامي،،،
لا حرمنا الله،،
ابداعك،،
وتواجدك،،
الراقي،،
في هذا،،
الصرح ،،
الشامخ،،
الذي ،،
جمع شعراء،،
محمد بن صباح،،
فيهم،،
.......
لك من اخيك،،
فهد الهباش،،
ارق تحية،،
وازكى سلام،،
يالغالي،،

لآفــض فـوك ي الشيـخ
أبيــآت في قمـة الجزالـه ,, صح الله لسانـك

ننتظـر بعثـرة أرشيفك

تحيتي

الصيت مثل الورث وأجمع بدنيتـك

أفعآل لامـن مـت / كـلٍ يشيلهـا

أجمع من الكنز الحقيقي مذآخـرك

وأترك هموم النفس وأطلق سبيلهـا

::

مشاء الله عليك يامحمد..أبيات شامخه..

صح لسانك..يالجزل

اقتباس المشاركة الأصلية كتبت بواسطة محمد الوريكي يسلام عليك ياسميي انت مبدع بحق لاهنت قصيده رائعه وانت رائع انتظر جديدك

يامرحبا يامحمد
ويسعد صباحك .!
ماعليك زود يالامير
ولاهنت على الحضور

م ح م د

اقتباس المشاركة الأصلية كتبت بواسطة مبارك الشمري يابن صياح لبا قلبك اشكرك على الابيات الراااائعه والاكثر من الرااائعه ونا شهادتي فيك مجروحه تحياتي لسموك تقبل مروري وشكري وبنتظار الجديد وهاذا تقيمي لعيونك

يسعد صبآحك يامبارك
ولجلالتك مني التحية والتقدير
شكراً من القلب

م ح م د