ياطير

ياطير

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!
وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!
ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!
لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها
شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!
اشبهك في غيك وغيك غير واحساسك عسير
بس اختلف وياك .. فالقدره وفي منطوقها
لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!
يا ليت لي جنحانك اللي لو بغت وادي عسير
ما ردها منه سوى منشي السحب وبروقها
يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها
سيف القهر مبطي وهو ما فارق اطراف الجفير
وانا علي مرفوق نفس ٍ خاطري .. مرفوقها
احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها
انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها
أملك من الاحساس والقدره وتحديد المصير
ما يكفي انه يحل ازمات العرب ووثوقها
لكن حدود العقل والحريه وشوف البصير
كنها تقول الابتعاد احيان .. من منطوقها
ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها
عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقها

المصدر: الملتقى الجماهيري للشاعر محمد بن فطيس المري

عزيز النفس صح اختيارك والله متعتنا بالاختيار الراائع

اشكرك وتستاهل التقييم

مريت من هنا

عز الله أني أستمتعت في قراءت هالقصيده
صح السان شاعرها وبيض الله وجهك ياعزيز على هالانتقاء الاكثر من رائع

لاهنت يالغالي
وفي أنتظار جديدك

مبارك الشمري

ذكريات

تشرفت بمروركم

ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها
عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقها


الله روووووعه


لاهنت ع النقل المميييز

صح لسانك وسلمت يمناك يالغلاء
ويعطيك العافيه على هالانتقاء الذوق
يسلمووو

صح لسان شاعرها


انتقاء مميز



دمت بسعادة

ربي يعطيكِ العآفيهـ
وتسلم أيدكِ ع الطرح الرااقي
بإنتظارجديدكِ بكل شوق

ودي لكـ ..

ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!
لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها
شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!


..., عزيز نفس

لله درك على مانقلت

قصيده جزله ومميزه يالذوووق

صح لسان شاعرها ولاهنت

تقبل مروري