جرح الغلا

جرح الغلا

بسم الله الرحمن الرحيم
مساكم الله بالخير
/ هذه القصيده من كلماتي وهي مجاراة لقصيدة الشاعر سعد الخريجي [ عشق بدوي ] والتي تغنى بها الفنان خالد عبد الرحمن ..
اتمنى ان تحوز القصيدة على رضاكم واعجابكم ولا تبخلون علي بنصائحكم وتوجيهاتكم :- الى القصيده :-
جرح الزمن ماهو مثل جرح الاحباب
جرح الغلا ياويل منهو سطا به
جرح الزمن يمكن تداويه الاطباب
وجرح الغلا ياوين نلقى طبابه
ياخوي قلبي من غثاء الحب منصاب
كل مايزود البعد زاد التهابه
يفز قلبي كل ماشفت الاحباب
واشعل فتيل الشوق واسرج ركابه
افز فزة حر لاشفت الاهداب
وانسى همومي كلها والكآبه
الحب ما حشم طويلين الاشناب
الحب بلوى ويل منهو ابتلى به
سجلتها قصة غلا داخل كتاب
قصة جريح يشتكي من عذابه
الحب مايعرف قريبين واجناب
ان مابدا بالموت ولا انتهى به
قلبي من الفرقا صويب (ن) ومرتاب
قلبي غدا نصفين من حر ما به
الي هجرني اهجره واقفل الباب
واعزف على فرقاه بعود وربابه
الغدر جرح ماتداويه الاعشاب
يقضي على العاشق وهو في شبابه
جسمي هزيل وخافقي من العنا ذاب
وصوتي حزين وحالتي في غرابه
وسلامتكم ولاتبخلون علي بتوجيهاتكم ونصائحكم .

المصدر: الملتقى الجماهيري للشاعر محمد بن فطيس المري

ارويتنا شعر واطربتناا يالطير


للأمانه نص متميز كباقي النصوص اللي قرءتها لك

وحروف شاعر اعجز عن وصفه\

استمر والله لا يحرمنا نبض حرفك

لان حرفك أبداع وجزاله نادر مانتذوقها هالايام

تقبل مروري واعجابي الشديد بغريزتك الشعريه

لاخلا ولاعدم

أخوك أبو مشاري

الحب بلوى ويل منهو ابتلى به
سجلتها قصة غلا داخل كتاب
قصة جريح يشتكي من عذابه
الحب مايعرف قريبين واجناب
ماشاءالله
قصيده بمجملها رائعه
كتبت فابدعت
وبانتظار جديدك

جرح الزمن يمكن تداويه الاطباب
وجرح [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]ياوين نلقى طبابه

قصيده رآئعه يعطيك العافيه
وذكرتني بكلمات عشق بدوي :
بعض الوجع يمكن تدآويه الاعشاب
وبعض الوجع ياويل منهو سطابه


تحيآتي وتقديري.

مجارات لشاعر كبير ولقصيده مميزه

احسنت في المجارات

بأمانه انت شاعر مميز

كلمآت رآئعه "
يعطيـك ـآلـعـآفيـهَ على جمَـآل طرحـكٌ..||~
د ـآم عطـآئكٌ ../..ورؤعـة تمَـيـزكٌ..~
مـودتيٌ..

الطير الرحال

مجاراه مميزه من شاعر مميز

فالك التوفيق

لاعدمنا جديدك الراقي

تحيااااااااااتي