سولفوا تكفون لاعاد تسكتوون

سولفوا تكفون لاعاد تسكتوون

سولفوا تكفون لا عاد تسكتون
قبل لا أهوجس وياتيني بلاي

السكات يزود طعوني طعون
وتنكسر لا جا على راسي عصاي

سولفوا لو ما بغيتوا اتسولفون
قبل لا اقعد في الحزن رايح وجاي

واضحكوا لو بالعماله تضحكون
وجاملوني لو يضايقكم حكاي

لي وليف راح جعله ما يهون
هو دواي وداي أو داي ودواي

راح لكن طيف زوله في العيون
مرة قدامي ومرة وراي

وإن سكتوا جا وهو طيفه يمون
رحت أهوجس له وأبين له ولاي

مكسب عيوني من الفرقا مزون
تمطر لطاريه والبرق أصدقاي

كل ما طروه لو هم يمزحون
احرموني من غداي ومن عشاي

أدري إنه ما تناسى الود كون
تسمع إذنه في قفاي اللسن عداي

وكانهم قالوا نسيته يكذبون
وإلا أنا فيه أمتلك نظرة وراي

كان حبه لي على خبري مصون
والله ان كني بقدري وبغلاي

ذي بقايا الحب وأطلال الجنون
والله أعلم في ضميره وش بقاي

غير طيعوني ولا عاد تسكتون
ولا والله إن أسمعكم بكاي

مما راق لي

اخوكم : بحيح في الماء

المصدر: الملتقى الجماهيري للشاعر محمد بن فطيس المري

اختيار راائع

صح لسانك

غير طيعوني ولا عاد تسكتون
ولا والله إن أسمعكم بكاي

^^
مؤلمه : (

يعطيك العافيه أخوي .. ولاهنت ..

أدري إنه ما تناسى الود كون
تسمع إذنه في قفاي اللسن عداي
وكانهم قالوا نسيته يكذبون
وإلا أنا فيه أمتلك نظرة وراي
كان حبه لي على خبري مصون
والله ان كني بقدري وبغلاي

الله يعطيك العافيه على النقل
تقبل مروري

صح السان محمد بن فطيس ابيات راقت لي كثير اشكرك على اختيارك لهاا

تحياتي لك مررت

لاهنتوا على الردود وانا ربع من ذؤقكم

انتقاء مميز


دمت بسعاده

صح لسان الشاعر
وتسلم إختيارك روعه

قصيدة رآئعة
صح قلبك ونبضك على جميل الأختيار
آشْكُركْ مِنْ آعمًاقْ رُوحٍي
عَالأبياتـ آلرَآئِعَة ..