[..رسائل البدر..]

××
وليله كانت الفرقى
وقالت لي فأمان الله
وليله ذكرها يبقى
على جرحي ولا أنساه
×
وجت تاخذ رسايلها
وخصله من جدايلها
وتديني جواباتي
بقايا عمر بسماتي
×
وقالت لي فأمان الله
في ليله كنها الليله
عرفتكبسمتي وفجري
×
وليله زي ذي الليله
وهبتك في الأمل عمري
وياليت البسمه ماكانت
ولا الإحساس
×
وياليت الدنيا خانتني
وكل الناس
ولاخنتي هوايإنت
ولاقلتي فـــ أمان الله
×
لاتردين الرسايل
ويش أسوي بالورق
وكل معنى للمحبه
ذاب فيها وأحترق
×
لو تركتيني في ليله
بسمتك عند الرحيل
دمعة العين الكحيله
×
عذرها الواهي دليل
وليله كانت الفرقى
وقالت لي فـ أمان الله

وين تبدا هـــــــــ المدينه .. كل يوم
من رصيفٍ عاري تحت النجوم
من عناوين الجريده
في المواني .. وحمرة عيون المسافر
ضحكة الصبح الجديده
أخر اوراق التذاكر
اوبعد حبر الختوم
وين تبدا هـــــ المدينه .. كل يوم
ودي اعرف هــــــ العواصم
وأبي ابدا من يديها
ودي انزع من اصابعها الخواتم
قبل لاسلم عليها
ودي تجمعني بها لحظه حميمه
وين تجلس هــــــ المدينه
في العماير .. في الدواير
في الدكاكين القديمه
اوتحت اهدابك انتي
في صدري احساسٍ شهي
لو يدوم
وابي اعرف وين تبدا هـــــ العيون .. وتنتهي
كل يوم..؟
مدري وش سر العواصم .. والمداين .. والعيون
ومدري وش سر الجنون
اني اعرف
انتظرتك في محطات القدوم
وفي مواعيد السفر
صك شباك التذاكر
وانمحى حبر الختوم
وماعرفتك

قلت البكاء صعب عليه وأنا أبيه
لا واهني اللي بكى وما تندم

لي عبرة يلعب بها الحزن والتيه
وفي صرخةٍ .. وأتعبت أبلقالها فم

إن سألني حبيبي و الكفوف
تضرب الغيم و الأشعار ما..!
عن قصيدي..؟! تذكّرت الظروف
و قلت شعري نسيته إنما..
ليتني قبل أشوفك ما أشوف..!

و ليت قلبي قبل حبك عمى..!

لعيونـك امـلا صوتـي اغــلال حنـطـه
............. واظهر لكل النـاس مكسـور الاغـلال

اطـعـم طـيـور الـحـزن نــورٍ وغـبـطـه
............ واقـول كـل الصـبـح لاهـدابـك ظــلال

ياللـي بقلبـي صعـب حـلـه وربـطـه
............. وياللـي بعينـي نـهـر جـمـر وشــلال

قـال الهـوى يافـرحـة العـمـر شـرطـه
............. بـنـت تصـيـر عيـونـهـا قـلــب رجـــال

ياهيـه احبـك كـل الاشعـار سمـطـه
............. والله مـدري هالحسـن كيـف ينقـال

خذيـت مـن رمـل المـجـرات غمـطـه
............ لاقدامك امشي فوق نجمات وهلال

مانيـب اعرفـك كـان الاحـلام غلـطـه
............ وبالحيل اعرفـك لـو تحبيـن الاطفـال

ياسواد العين .. فـ عيوني سواد..!
النظر دخان ..
وأنفاسي لهب !
من نثر في مطلع الشمس الرماد..?!
ومن جمع في موقد اللوعه حطب..?
كانها الفرقا .. فهي همٍ وكاد!
مير اظن اليآس.. ياخل.. السبب..!
ياالبعاد اللي ورى طولك بعاد
ماورى الدرب العسير.. الا الصعب!
- وش بقي لي من الرجا../ كود العناد
- وش جنيت من الهوى..؟!
غير التعب !

سارة
من كُتب الحب العتاق .. وتاريخ القراق

وستاير الدمع الرقاق ..
جمعت قلبي غبار .. وقطع فخار ..
ومن على المرمر البارد ..
ومن ما نسته النار .. من غيمي المحروق ..
وحملت عيوني وركبت أول سفينه تبحر ..

على وجهي الاصفر .. خريفٍ طال ..
وسلال من رذاذ وملح ..
وفي صدري حجارة نسيوها بحاره ..
مروا علي فـ يوم ..
وقالوا تعال معنا .. وما كان يجمعنا ..
إلا الضياع والريح ..

راجع من الايام .. من الاحلام ..
ومن الف سناره .. مغروسة بقلبي ..
لقيت لي بشارة .. ما اغلى عطا ربي ..
أثر العمر ساره .. وموج البحر ساره ..
وكل المدى ساره ..
سافرت كل العمر .. وراجع احب سارة ..

لو تعبتي من السفر همسي وأشواقي
او شكيتي من الضجر ناوية فراقي
"قصي وجهي من الصور وإتركي الباقي"
قصي وجهي والشحوب عتمة الماضي الحزين
وإتركي الشمس الطروب وعطر زهر الياسمين
إتركي ضي النجوم وطفي أحداقي
"قصي وجهي من الصور وإتركي الباقي"
أنا في كل السحاب والمدى الصافي البعيد
طفل يلعب في السراب تالي في الصورة وحيد

***
دروب الارض
لكن !
أنا أحسّ السفر سآكن ،
دروب الارض / ما بين الأمآكن
ولـِ غير الأرض وين بنروح ، نسافر؟
كأن الصوت / يرجع للحنآجر
كأن الدمع / يرجع للمحاجر
كأن الجرح / يرجع للخناجر
مثل كل الطيور اللي تهاجر
وترجع كل مرّه
تعبْ هـَ االبحر .. لا يجتآز جدران السواحل
تعبْ هـَ االبر .. لا يرقى الجبل
تعب هـّ االقلب .. لا يصبح أمل !
وأنا لي سنين واحل
حملت الطين كله ، لكل الطين!
تخيل يا أنا المسكين كم لك
على هذا الأنا مصلوب؟
دروب الارض
لكن !
ما للأرض لو تبغى الهروب [ دروب ]

والله أني كتبته / في العطش والذبول ْ
ليّنْ غصنه تعدل بـِ الورق وَ إعتدل !