( فهد الهباش + قاصد كريم )

يسلم قلبك قاصد + يسلم قلب الحضور...
اوك حبيبي شرفتني باللعب معك...
تحياااتي لكم جميعا

لاهنتوا ع السمرة الرااائعه
كفيتوا ووفيتوا
من جد امتعتونا

لسموكم تحياتي

اقتباس المشاركة الأصلية كتبت بواسطة سلطان المري الا ياعريب الجد سيف العدو مسلول وانا خايف انه يقتحمني بغراته ياسلااااااام >< خشمك ياقاصد وافي علي الملازيم

ههههههههههههه


الله يسعدك ياسلطان انا اشهد ذيب

هنآ على شاطيء الإبداع ...شرفني المبدع قاصد كريم..
باللعب معه ... وحضور جمهورنا العزيز ...كان أكبر شرف لنا...
لا حرمنآ دائما من هذا الوجود...

فهد الهباش

سلامــي ســلام الكـبتنَ القــايد المسـؤول = عـلى اللّـي حـفـظـت اسمه من أوّل بداياته
على شاطيء البحر العميق انتهادى اللّول = وأنــا فــاهــمـــن قاصـد وعــارف حـــراكـاته

قاصد كريم

عليك السلام ورحمة الله وانت تطول = على قاصد الماثل وتعرف حكاياته
اذا كنت تبغى تقول لي شي تامر قول = وشرواك يبلى بالخطيه على سكاته

فهد الهباش

ألا يارفيق الــدرب ما عــاد بــه مـجهول = عـــســى الله يــمــد الطّــيب بــقدر نيّاته
نشوف العرب تحكي ولو حكيها معسول = يحيّرك بعض الناس مــن كثر هــمــزاته

قاصد كريم

توكل على الله كل مغشوش يبغى يزول = قطار الحقيقه واصل آخر محطاته
اذا ضامك الحمل الثقيل ازهله مشيول = واذا ضايقك شينٍ من الوقت لي هاته

فهد الهباش

يقولون به في سكّة الـدرب دقّ طبول = إلا شاف صوتن عذب لاحــى لشـيلاته
وأنا من زمان أصول بالمعركة وأجول = ورفيق السعد نجبر كسوره وعثراته

قاصد كريم

يقولون بعض الناس شافوك وسط المول = وانا خابرك مالك غرض في بضاعاته
تبي تشتري غتره وهو يعرض المريول = من اللي يدور عند سوق السمك شاته

فهد الهباش

ما ننكر مدام الوضع يا صاحبي مقبول = لـكـن مـا قهرنـي غـير قـاصد بطبّاته
لـفـى قـبـل يـوم وقال زبدة بطعم الفول = وأناظر وإلا هي عكرة الضب بشفاته

قاصد كريم

علامك فتحت الباب الآخر وهو مقفول = ومن يفتح الابواب تكثرمتاهاته
نعيد السوالف لاصلها والحكي المعقول = قبل ندعي الماضي ونفتح ملفاته

فهد الهباش

لوان ماني اعرف صاحبي قلت ذا مهبول = لكن دام مفتاحه معي واين وجهاته
أجــل ويش حل اللغز ياللـي مـعـاه حلول = وياخوفتي من حلّ قاصد وطمراته

قاصد كريم

انا لارتكيت اشيل حملي ومعه حمول = ولي موقفٍ واحمى عميلي بغيباته
ولغزك علينا الزم من البارد المزلول = الى خاضه اللي ماتهقويه رمعاته

فهد الهباش

تقوله وانا عارفك قول وعليه فعول = خويي واعرفك لا رمى الوقت غاراته
أنا ما نشدتك غير من هرجة المشلول = واش اللي يبيه النذل من كثر غمزاته

قاصد كريم

على الطيبه سباق عمرك عساه يطول = يزول الردي حيشاك وتزول اشاعاته
ولا تتبع القوال خل اللـ يقول يقول = مصيره على شيناه يخسر علاقاته

فهد الهباش

صبرنا وذا عامين حولن يرادف حول = وقلنا فهمها غير يا كثر شطحاته
أعرفه وثوبـه دايمن مـن فـهـد مبلول = وقـدّام خـلـق الله يـفـتّل عضالاته

قاصد كريم

دواكم على ماقيل مايشفي المعلول = كفاك الولي من سو بقعا وصكاته
الا ياعريب الجد سيف العدو مسلول = وانا خايف انه يقتحمني بغراته

صحت السنتكم يالنشآمآ
كفيتو ووفيتو
وخالقكم إني استمعت كثيراً بالمحاوره
تستاهلون التقييم وقليل في حقكم
والجايات اكثر

صح السنتكم والله انكم بيضتوهاا وليله ممتعه

ولقاء كان زاهي بحضور مميز

وبدع ورد بين شاعرين لهم هامتهم

تقبلو تقديري واحترامي

ولا خلا ولا عدم منكم

وصح الله السنتكم ملاييين

أخوكم
ابو مشاري

الأخ فهد +الأخ قاصد
=
أبداااااااااع

جزاله في الشعر

حماااااااااس

أستمتعناااااااااا بحاااورتكم الرااقيه ومعااانيه الساااميه ...

تقبلي ...مرووري

فاتت ماحضرت لكن المعوض كريم

اخذني الفيس وانساني اللقاء الناري

لهذي الليله مع الكبتن القايد ولكن ابدعو

واتحفونا بالشعر التحاوري الراقي الله يوفقكم

يافهد ذكرني قبلها بيوم

فهد الهباش انت خابر شهادتي فيك مجروحه صح لسانك شاعر مميز وعملك وافي دايم

قاصد كريم اذهلتنا بحضورك والله انك مميز وشكلت مع شاعرنا فهد الهباش ثنائي مميز ومحاوره لاقت الاستحسان من الجميع




صح لسانك يافهد والله لايهينك وصح لسانك ياقاصد سهرنا واستفدنا من سهرتنا وسعنا صدورنا
الله لايهينكم والله

تحياتي لكم جميعا وتقيمي

فهد الهباش + قاصد كريم
الله الله عليكم وصح الله السنتكم وانشهد انكم كفووووو وشعراء ومافيكم حيله وتستاهلون من كسر يديه من التصفيق علشانكم ههههههههههه من شان خاطر عين تكرم مدينه على العموم ابدعتو وبيض الله وجيهكم والله لايهين الحضور والجمهور والله لايهين اخوي سلطان المري على المساعده وبيض الله وجهه
ودي وتقديري