ساحة الشعراء وابداعاتهم تعال شاركنا ببيت او بيتين

لو تخليت وش لي بالحياه ارتجيه لو تخليت ماعنك خفوقي تخلا ..


والله أنك ملكته ثم تربعت فيه مالغيرك حبيبي وسط قلبي محلا ..


ياهنا وعذابه كيف تقسى عليه وكيف طوعك شعرك بالمشاعر تسلا ..


لاتجنى تراك الي حبيبه يبيه ولاتزيده تراه من الغرابيل ملا ..


أنت فرحه وجرحه وانت مايمتنيه وانت مضنون عينه لو عليكم تغلا .

ليل السعودية مضى بارد كئيب


وضاقت علي من سبايب حزني الطايف


ماضنتي عقبك جروح العرب بتطييب


الله يعوضنا فموتكـ خير يانايف

بالهون ياللي تقول اشفيك
اظن في شوفي كفايه

لو قلت جعل الولي يشفيك
انته سبب داي وادوايه

ماانساك لو الزمن ينسيك
ولو تمسح اسمي بمحايه

ياوقت لو بان لي خافيك
غزيت لافراحنا رايه

أقبل وانا اقبل والسعد فالمقابيل=اوادع الي رااااح وأستقبل الجــاااااااي

من لايشكر النااس لايستحق الحشيمه
.................وعيب(ن) على الانسان مايرد الجميله

لي عزوة بينكم ..كلهم اخلاق وشيمه
..................مقدمين ايديهم لصعب شايلين الثقيله


.................................................. .

ترقبو اكمال القصيده قريباً

والله لو ان الوصل بيدي ماطال=واني لجيك اللحين من قبل بكره
ضله على قلبي من العام ميال=ياقصر شبري كل ماشفت شبره
وان قالت الاقدار ماقالت اوصال=تصنع من الهجران بخيوط الابره

لاصـار خلـك مستحـق المسـبـه
"سبه ترى العشاق غيـرك يسبـون

لاابوه لاابو الحب مـن قلـب سبـه
"لاابو الغرام اللي يحدك على الهون

يالعـن ابـو قلـب غشيـم يحـبـه
"ملعون والقلب اللي يغليه ملعـون

اقـول مـن هبـاك ياخبـل هـبّـه
"الدون مايسلك معاهم سوى الـدون

ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي

زانت ايام عمري .. شانت ايامـه=مارجيت العزى من رحمة الناسـي
راق لي سلمت يمينك

أبشرك ما عاد يوجعني فراق
وأقسى وجع فيني يزول بثواني
عودت قلبي لا حمل هم أو ضاق
ارمي ولا أسال عن اللي رماني
وعودت نفسي للمتاهات ما انساق
ولا أسيل دمع عيني واعاني
وخل الحياة تروح والعمر ارزاق
يمكن مع الأيام يضحك زماني