تعا ليل.. ليل ..

مبارك

تسلم والله ع القصه والقصائد الرائعه

والله يحفظ لك والدك


رمق
مشكورة ع التعلوله الطيبة ,

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ’ رمق ’ جود ’ عاليه ’ محمد بداي ’ فهد ثامر البقمي ’ محمد المري ’ سعيد محمد القحطاني ’ حلم~ ’ عتيبي نجد ’ نديب ’ عنيدهــ

اشكر كل من قيمني وشكر مروركم وتعلوله معاكم ماتنمل والجايات كثيرهاذا الله احياني شكري للجميع

اشكركم جميع

اشكر رمق وكل من عللنا وكل من شارك معنا

استمتعت بما قرأت واسعدني تواصلكم

جزآكم الله خيرآ كثيرآ

ونفع بكم الاسلام والمسلمين

يعطيك العافيه ع الطرح المميز
سلمت يداك
أرق وأعذب التحايا

السلام عليكم ورحمة الله وبركاته

مساكم الله بالخير جميعاً

في هذه الليله وفي هذا القسم الجميل من تعاليل ليل أكتب لكم عن

قصه وقصيده من الماضي ,, قصتنا الليله حصلت لشاعرنا المشهور

عبدالله بن حمود بن سبيل الباهلي رحمه الله من أهل نفي وهوه شاعر

مشهور وله الكثير من القصائد والقصص

كثير منا او البعض سمع او علم عن البيتين اللي يقول فيها :

امطاوعن قلبي بعجــفاه وقــداه
................ واليا عطى منهاج دربن عطيته
يا ناس خلوا كل وادي ومجراه
................ قلتوا كثير وقولــــكم ما لـــقيته

وهيه من ضمن قصيدته المشهوره وقصتها .. حدث مشاجره عاديه بين اثنين من الشباب القريبين من شاعرنا فقتل احدهما الاخر خطأ وكان شاعرنا وقتها هو كبير العائله وفي نفس الوقت امير نفي فقال : على الطلاق بالثلاث من ام افلان وهيه احدى زوجتيه وكانت غاليه على قلبه ان اقتله اذا شافته عيني فهرب الابن الى بلدة الشعراء وبعد ان مضى عام قالوا له الجماعه يابو سعد الولد الله يرحمه مات وشلون تبي تذبح الولد الثاني وهذا خطأ والله غفور رحيم قال : انا حلفت بالطلاق من ام افلانه قالوا: الولد ما بداله ولد والزوجه تلقا غيرها والى متى يبي يهرب الولد عنك ويعيش حياته جالي وحاولوا حتى وافق وطلق زوجته وعاد الولد وقبل رأسه واستسمحه بعدها ندم على طلاقها واخذ يلوم نفسه بعد ذلك صاروا الجماعه يهونون الامر وكلن يحاول يجيب سبب يجعله يخفف من حبه لها

فقال هذه القصيده :

يالله ياللي تســــجد الناس لــرضاه
................ ياوامــــرن خلقه على حــــج بيته
تفرج لمن سده على الناس ما ابداه
................ راضي على مقسومك اللي عطيته
من شي يسل الحال والجــسم يبراه
................ والناس ما يشــفونه ان ما شفيته
قـــــلت آه واجرحــــاه من علتي آه
................ وان حــــملوني حمل غين قــويته
قالوا سفا بالحال ويش اللي اغواه
................ قلت آه ويش المـــنكر اللي وطيته
قالوا جــــهلت وبان عـلمك لمنهاه
................ قلت آه عـــلمي يا ملا ما كــــميته
قالوا طــــلبنا لك من الله معـــــافاه
................ قــــلت آه وحدته وعـــفوه رجيته
قالوا هله واحباب عينك نصحـــناه
................ قــــلت آه هــــذا واردن ما بــغيته
قالــوا ندورلك من البيض حــــلياه
................ قــــلت آه لو غــــيره بكفي رميته
قالوا نشــــاش العود مالك بلامــاه
................ قلت آه عـــــود الموز بيدي لويته
قالـوا تزوج كــــود تدلـــه وتنساه
................ قلت آه لو خــذت اربعن ما نسيته
قالوا من اقصى الناس وين انت وياه
................ قلت آه ما انسى يوم جاني وجيته
قالـــــوا نشــــــوفه عند هذا وهذاه
................ قلت آه عمره ما عــقب حجر بيته
قالـــــوا عليلن ناقـــــلن داه بـرداه
................ قـــلت آه باقرابي وروحي فـــديته
قالـــــوا نشير ولا نفـــع ما حكيناه
................ قلت آه هــــراج النمايم عـــصيته
قالوا كــــثر شــيبك وقــلبك بعمياه
................ قـــلت آه لو قـــلبي غريرن نهيته
امطاوعن قلبي بعــــجفاه وقـــــداه
................ واليا عطى مـــنهاج دربن عطيته
يا ناس خــلوا كل وادي ومجــــراه
................ قلتوا كـــثير وقولكم مـــا لــــقيته

وسلامتكم هذه هيه القصيده وما ورد من قصتها
وشكراً لإختي الفاضله رمق على دعوتي
ودمتم بحفظ الرحمن

الله .. يازينهآ من قصه
والله أنها مؤثره ..

قالوا كــــثر شــيبك وقــلبك بعمياه
................ قـــلت آه لو قـــلبي غريرن نهيته

فهد يالبقمي.. يعطيك العافيه ..
وتستآهل أحلي ++
ع تعليلت الليله

وانت سالم وغانم اخوي فهد
وبيض الله وجهك على هــ القصيده الجزله والمعبره
اللي جسدت الكثير من معاني السموحه والتضحيه واللي راحت فيها زوجته اللي طلقها
من اجل ان يسمح عن الولد
ومشكوره رمق على تعااليل ليل الراقيه في هذا المساء
تحياااتي

سلمتِ ي البقمي على الانتقاء العذب
كل الشكر ولا عدمناكـ
دمت على أطيب حال

رمق تسلمين ي الغلا
لروحك السعادهـ

قالـــــوا عليلن ناقـــــلن داه بـرداه
................ قـــلت آه باقرابي وروحي فـــديته



صح الله لسان الشاعر ولاهنت والله ع القصة الرائعة لك كل الشكر ~

تسلمي أختي رمق ~