مختارات مجازف &** النصيه **&%

يا رحيق السوالف كل حبرٍ يسيل .. !
............. وكل حرفٍ حياوي فيك يضحك : جري .. !


استبيحي من الخافق قصيدٍ جزيل .. !
............. واسرقي من ودادك قلب طفلٍ : بري .. !


يا سحابه مطرها كل وصفٍ : جميل .. !
........... كل أرضٍ تحتها ترتجيك : امطري .. !


جابك الحظّ يوم القلب يبغى : خليل .. !
.......... لي زمن والتعب يرقد على : دفتري .. !


انتي ابعد من الفرحه بقلبٍ : عليل .. !
.......... كوني اقرب من الدمعات في : محجري .. !


دامك الضحكه اللي في زمانٍ : بخيل .. !
............ اضحكي لي ترى ظلم الزمن : مفتري .. !


يا سموّ المشاعر جيت عابر سبيييل .. !
........... قلّطيني ؛ تعب هذا الطريق : سفري .. !


من عرفتك عرفت العذب والسلسبيل .. !
........... من عرفتك وفرْحي فـ الحشا : معتري .. !


ان رقدتي يغيب البدْر في كلّ : ليل .. !
.......... وان صحيتي لقيتي الشمس لك : تحتري .. !


راقيه والرقي لاذ بـ حنانك : دخييل .. !
.......... مترفه ؛ والترف في وجنتك : ينقري .. !


يا اصيله وشعري في جنابك : اصيل .. !
.......... ان نطرتك تعالي وان سهرت : اسهري .. !


ملهمه والقصايد في جنابك : عميل .. !
.......... فاتنه ؛ تلبسين السحر مثْل : الزري .. !


وردةٍ كلّ ما هبّت طهاره .. تميل .. !
........... بسمةٍ ؛ وين ما لدّ النظر : تنبري .. !


خوخةٍ من خجلها الف ويلٍ وويل .. !
............ والخلايق بعَدها في عيوني : شري .. !


اجلسي ؛ يدرسون الحسْن جيلٍ وجيل .. !
............ثمّ فزّي يطيح بـ شوقه : الشمّري .. !


اسكتي ؛ كلّ هالدنيا تمنّى : الرحيل .. !
.........سولفي كل شيٍ يذهلك : ينطري .. !


آه يا ريم قلبي لو عطيتي : قليل .. !
............ايتخيّط بـ وصلك صدري : المنفري .. !


والله ان الزمن توّه يردّ : الجميل .. !
........... يوم ساق المشاعر في غلا : آلبندري .. !..

اجلسي ؛ يدرسون الحسْن جيلٍ وجيل .. !
............ثمّ فزّي يطيح بـ شوقه : الشمّري .. !

روعه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


هــان الــوداد .. وهــان دمــع المـفـارِق
مـا عـاد لـي عـقـب المجافـيـن مـجـلاس

رايــح ورمــش العـيـن بالـدّمـع غــارِق
ادفن شعوري واحرق احساس باحساس

مـــن عقـبـهـم نـكّـسـت روس الـبـيـارِق
قطعـت حبـل اضغـاث الاحـلام بالـيـاس

كم لي وانا احري في سما الوجـد بـارِق
مــا فـادنـي صـبـري وكـثـر التـنـومـاس

اســتــودع الـمـعـبــود ربّ الـمــشــارِق
الدار ، واطياف المجافين ، والنااااااااس

لـ حبيب القرني

استكثرك وقتي علي و غدا بك
عادة زماني كلما طاب هــون

ليت الذي وداك يازين جابك
تشوف عقبك كيف الايام سون

شرق مشيت و غرب وقتي مشى بك
و القلب ماله لايم فيك لو ون

طويتني طي الورق في كتابك
حتى معاليق الحشا لك تطون

اشتقت لايام الهوى في جنابك
يوم الشموع بليل الاحباب ضون

واشتقت اقول لهاتفك مرحبا بك
و اشتقت لغيوم الصحاري تكون

عود ترى داعي الهوى عند بابك
وارو القلوب اللي بعد ما ترون

غنيت لك عمري ولا جا جوابك
واسمي مع مجنون ليلى تدون

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]