***دفـــتـــر أيـــامــــنــــا***

احيانا يغرقنا الحزن حتى نعتاد عليه
وننسى ان في الحياة اشياء كثيرة يمكن ان تسعدنا وان حولنا وجوها كثيره يمكن ان تضيىء في ظلام ايامنا شمعة فأبحث عن قلب يمنحك الضوء ولا تترك نفسك رهينة لاحزان الليالي المظلمة....~~

[ كلمة ... تعريف بذاتهـ ... خاطرة ... شكـر .. عتب .. فضفضة ... مقال .. قصيدة .. فكرة ....كلمة أخـــيـــره ]


* تــ ع ــريف بالــذات ...~
الاســم: ســلاف ..
العمر:21 سنه
طالــبه جامعيه ..اخر سنه وان شاء الله بعدها الماجســتير ...
* بتكلم شوي عن نفسي ،،
طــموحه .. ثقتي بنفسي كبيرة ..
جديه باتخاذ القرارات وحازمه في بعض الامور ..
صريحه وما اعرف اجامل اي شخص مهما كان ..
طيوبه مرره .. بس اكتشفت ان الطيب مايعيش بالزمن هذا ,,
احب الخير للكل (حب لاخيك ماتحبه لنفسك ) ..
ما اعرف احقد او اشيل بقلبي على احد ..
حساااااسه بشكل فضيع وهذي مشكله عندي عجزت الاقي لها حل ..
عصبيه لدرجه الجنون لما احد يتخطى اي خط من الخطوط الحمراء بحياتي ...
احب اردد دايم ( اضحك للدنيا تضحك لك ) ..


لـــي ع ـــوده بــاذن الرحمن ,,,

*خـــآآآطـــره،،

بطبــعي احب اكــتب خواطر كثير يمكن لنها تحكي عما بداخلي ..ان شاء الله يارب انزل كذا خاطرة واشوف رايكم فيها ...

هذي الخاطره اميل لسماعها وقرائتها كثير ..فيها شي حلو يجذبني دايما لها ..

لآتنتَظِرّ
مِنِيّ عِتَآبْ ..
فِيّ [ صَمتِيّ] يكفِيّكّ الجَوآبْ ..
" كُل شَيء " تلآشَى وإنتَهَى مآبُقَى غيّر ( العَذآبْ ) .!
إنتَهى [هَمّس] العَوآطِفْ ..
وإنمَحَى حِلّو (الحَكِيّ) ..
مآ بُقَى غيّر [ حُبْ نَآشِفّ ] ..
يَبكِيّ مِنْ حُبِكّ " بَكِيّ " ..!
ومَآعنِديّ ( وَقتْ )أسمَع كَلآم ..
هَذِيّ " النِهَآيَه " والسَلآمْ ..!

أكَرهْ
سِؤالْ يحَرجنيّ بهَ الناسْ
وشَ آخر أخباركَ معْ مِنْ تحَبهْ
أسَكتْ وأداريَ عيوُنيْ وأحبسَ الأنفَاسْ .
ماأقِدرْ أبيّن لهُمْ وضعَيْ وحالتيْ صعبّه .
وهَذاْ عِذابيْ وهِذاْ أصعَبْ إحسَاسْ .

قِلبيْ متلهفَ لِ شوفتهْ وغيّريْ متهنيّ ب قربه
إن ضحكنا
يوم .. عشر أيام زفت
وإن رقدنا ليل .. ما نمنا شهر ..
لآتلومني لو بعد قوه .. ضعفت ..
ولآ تلوم القلب .. ماقلبي صخر ..
رآس مالي من ورا الدنيا عرفت ..
إني مخلوق لجل أشبع .. قهر

لحظه
قبل لا تطلب البعد وتغيب ؟
و تنتهي مرحله من حياتك ؟
روح واترك بقلبي اربع معازيب ؟
(معزتك)
(طاريك)
(حبك)
(غلاتك)
وأن شفتني " أجمع شتاتي "
ترى ماهو عيب .
باكر مع الأيام تجمع شتاتك.

ها انــا اعود هنا لـكي اكمل يومي بهذا الدفتر .....


* شـــكر ....

من وين ابدا مو عارفه ولو بكتب شكر ماراح اخلص <بخلص كل اوراق دفترك يالماااس هههه

اكيد كل شكري للمولى عز وجل على نعمه الكثيره اللي لو اعدها ماراح احصيها ..وشكري لبابي ومامي اللي يساعدوني كثير ويوقفون جنبي دايم ..واخص مااامي اللي حيل حيل ما استغني عنها هي امي وصديقتي واختي وكل شي ما اتخيل بيوم تكون بعيده عني كفايه اذا ضاقت بي الدنيا اروح لها وتخفف عني عسى ربي لا يحرمني منهم ..
بالاخــير اشكر كل شخــص و انسان مر بحياتي وترك بصمه حلوه بداخلي اللي للحين معاي الله يخليهم دووم قربي واللي بعيد وراحوا بسبب ظروفهم الله يوفقهم ويسعدهم دووم ...

على فكره!
قلبي ما ينكرالعشره..
يفني للغلا عمره..
يبكي فراق الوليف..
ويبتسم على ذكره..
وعلى فكره!
قلبك ما عرف قدره..
مسكين هو له عذره..
غلاي أنا فوق الوصف..
وبروحك بتكتشف بكره..

روح بطريق
وأنا بطريق
خليني على جرحي العتيق
للصبر أخر خلاص عافك الخاطر
شيل من راسك
أجيك
وأعتذرلك
و أرتجيك
أنا ماأصدق أبتعد كيف تـبغـاني أجيك

* فضــفضه ،،،

الصمت لا يحقق كل مرغوب ..
ربـما يؤخر الحاجات إلى أجل غير مسمى ..
فلا أظن أن كل صمت حكمة ..

أشعر أني متعبه
لا
بل أنا بالفعل متعبه ومتعبه جداً
اللهم اني أشكوا إليك ضعفي وقلة حيلتي
فانت الكريم وأنت الرحيم وانت الجواد العظيم

قلوبنا مدينة نلقى فيها أناساً سنحتفظ بهم في أعماقنا ..
ولن يتمكن غبار الوقت من إخفاء ملامحهم ..
وسنظل نصافحهم بشوق و نحتويهم بحنين
جميل أن نحبهم في الله للأبد ..
والأجمل أن يبادلوننا هذا الحب

[ القلوب ] الكبيره ..
. . . أكثرُ عرضة لِ الغربة !

لِ أن تفآصيلهآ كثيره ..
طُرقهآ مُتشّعبه ، وَ خرآئطهآ مُعقّده ,
. . . . . . . . . . . تمآمًآ كَ , / المدن الكبيره ..