ياركني الهادي تراني نصيتك,,ودي اعبر عن خفايا شعوري..ركني الهادي

ياصديقي علامك توك اقبلت دوبك
وانا عيني من ايام ن تهل إعبرتها
الصديق الحقيقي مايخلي كروبك
مايشع الصباح الا تشوف غبرتها
والصديق الحقيقي مايخلي عيوبك
الا ينقدك فيها والعرب ماخبرتها
والصديق الحقيقي فالمعاسير صوبك
يفتح ابواب سعدك والعرب سكرتها
ياصديقي متأخر توك اقبلت دوبك
وانا عيني من ايام ن تهل إعبرتها

بقلمي

اللي يقيمني ويرسل ويشتاق
ويقول يالبى قليبك وطاريك
قولوله ان قلبه هنا وسط الاعماق
كلام ثابت مايجي فيه تشكيك
خلوه ياتي مرضي ن كل الاذواق
واذا لفاني يبشر ببسي وكيك
بقول احبك حب يفرق ويشتاق
اي بالله احبك هوى عشق وابغيك

بقلمي

هذا طلب من واحد من الاعضاء .. طلبني اكتب له بيتين في شخص يقيمه

جديد حصري للمدونة

في ركني الهادي لاجيت ولقيتك
يستانس الخافق وجرحه يطيبي
في غيبتك عن نقص قدرك حميتك
لو كان مالك عذر يومك تغيبي
بعت البنات المترفات وشريتك
وانت الذي في حبك اظهرت شيبي
كم لي وانا اجبر كسري بمر بيتك
كنك معسكر جند .. وانا رقيبي
مدري بديتك حب مدري نهيتك
بس الوكاد انك لجرحي طبيبي
يكفيك مني صاينك مانسيتك
ويكفيني منّك بس كلمة ( حبيبي )


بقلمي

ياهاتفي طالبك لاترسل رسالة
ادري يدي غصب تعصاني وترسله
الصاحب اللي قفل رقمة وجوالة
وانا على الضيق شارب مشربي كله
اعاتبة والعتب مانرخي حبالة
ليت العتب ينفعه ليته وياعلة
لاجاء الرصيد متوفر يعلن وصاله
ومعنى الوصل ينقضة والصد يفتله
من كثر ماصحت له شف حالتي حالة
والله حسيبه تعلم مطبع الشلة
هو يحسبني نسيته فالعرب داله
وانا الهوى جاب لي علة ورا علة
مايدري ان الجفيا فالهوى اردى له
مايدري ان المحبة تنقص ب زلة
لو كنت اسيرة ولانقّصت منزاله
لكن انا منزلي ماينتقص ل له
راحت بي ايامه الاولى على ليالة
وانا على ذكر حبه عاجز اوصله

بقلمي

القلب يتقطع كما قطعة قماش
يوم اني اشوف العقوق بأصوله
يا ذا العجوز اللي لها الدمع جهاش
كنه وبل برق تماشى سيولة
نزلك ورعك فالخلا ثم ن انحاش
جعله بوسط النار بكرا نزولة
اللي قسى قلبه على العار يعتاش
هو يحسب ان العق بك ذا بطولة
لاياولد يالاش ي لاش ي لاش
قلبه بوسط الخزي يشعب ذلولة
بس اصبري فالصبر مسرى ومغباش
والله ماينسى كل ناس ن دعولة
ياجعل في جنة الخلد مثواش
جنب الرسول وجنب من بايعوا له


بقلمي

اشكر جميع من قيمني

الشكر كذلك لمن زار هذه المدونة

اشكركم جميعآ واتمنى لكم قضاء اسعد الاوقات

مرحوم ياسلطان مرحوم مرحوم
ياجعل في جنات عدن ن مقرّك
يكسيك ربي كل حسناتك هدوم
ويحرق الاهي كل ماسيات شرّك
لو كان كلك عندنا ابيض علوم
والا سواد العلم لا مايمرّك
لاضاق شعبك صرت ضايق ومهموم
ولامن فرح شعبك بفرحة يسرّك
في كفك اليمنى نصر كل مظلوم
وفي كفك اليسرى عناء من يضرّك
تساعد المكسور حتى انه يقوم
وتغيث منهو جاك يطلبك برّك
مدك بحر ماكل من جاه بيعوم
لله درك بس لله درك
واليوم ياكبر الحزن بس هاليوم
يوم اننا نفقدك والموت مرّك
الموت حق وكلنا مانبى ندوم
ياجعلنا وسط الجنان نتحرّك


بقلمي

صبراً ابا متعـــب
(هم شعـب ) (ارهاق مرض ) (كبر سن ) ( فراق اخ )
سأدع لكـــم التعليــق
فلم اعـد استطيــع ان أكتــب عن هذا الرجــــل

لاقالوا الابداع له اسم مااتوقع فيه اسم احسن من ( خالد عبدالرحمن ) في رأيي الشخصي

مااحب ظلم بقية الفنانين لهم جمهورهم لكن خالد قسم بالله غيير